ÏOANNIS 10:4 - KA BAIBL

⁴ Bad haba u la pynmih noh ïa la ki jong, u ïaid ha shuwa jong ki, te kita ki langbrot ki ïabud ïa u; naba ki ïasngewthuh ïa ka ktien jong u.

Khasi CL Bible (BSI)

⁴ Haba u la pynmih ïa ki shabar, u ïaid ha shuwa jong ki, bad ki langbrot ki bud ïa u, namar ba ki sngewthuh ïa ka sur jong u.

ÏOANNIS 10:4 ပူးပေါင်းရင်းမြစ်များ

JINGRWAI SOLOMON 2:8

Ka jingsawa u ba-ieit jong nga! Ha khmih, u wan, da kaba rynsied halor ki lum bah, da kaba ryngkoh halor ki lum rit.

JINGRWAI SOLOMON 5:2

Nga la ïohthiah, hynrei, ka dohnud jong nga ka la kyndit: ka long ka jingsawa uta u ba-ieit jong nga ba tied, ka da ong, “To plie ïa nga, ko ka para jong nga, ka ba-ieit jong nga, ka paro jong nga, ka bakhuid jong nga: namar ka khlieh jong nga ka dap da ka umjer, bad u shñiuh jong nga da ki jingjaw jong ka miet.”

MATHAÏOS 16:24

Ynda kumta, U Jisu u la ong ha ki synran jong u: “Lada uno uno ruh u mon ban wan nadien jong nga, ai ba un len ïa lade, bad un rah ïa la ka diengphna, bad un wan bud ïa nga.

ÏOANNIS 10:16

Nga don kiwei pat ki langbrot ruh, ki bymlong na kane ka jingker; ïa kita ruh ka dei ïa nga ban wallam, bad kin sngap ïa ka ktien ka jong nga; te kin ïalong shi kynhun, bad uwei u nongaplangbrot.

ÏOANNIS 10:27

Kita ki langbrot jong nga ki sngap ïa ka ktien jong nga; ma nga te nga ithuh ïa ki, bad ki ïabud ïa nga;

ÏOANNIS 10:3

Ïa une, u nongap jingkhang u plie; te kita ki langbrot ki sngap ïa ka ktien jong u; bad ïa ki langbrot la ki jong hi u khot da ka kyrteng, bad u ïalam shabar ïa ki.

ÏOANNIS 10:5

Ïa u nongwei te kin ym ïabud, hynrei, kin ïaphet ïap noh na u; naba kim ïasngewthuh ïa ka ktien ki nongwei.”

ÏOANNIS 10:8

Baroh, kat kiba la wan mynshuwa jong nga, ki long kiba buit'ti bad ki nongtuh: hynrei, kita ki langbrot kim shym la kohnguh ïa ki.

ÏOANNIS 12:26

Lada uno uno ruh un shakri ïa nga, to ai ba un bud ïa nga; bad sha kaba nga don ma nga, hangta ruh u shakri jong nga un long: lada uno uno ruh u shakri te ïa nga, U Kpa jong nga un pyndonnam ïa u.

ÏOANNIS 13:15

Namar nga la ai ka rukom ha phi, ba phi ruh phin ïoh leh, kumba nga la leh ma nga ha phi.

ÏOANNIS 18:37

Namar kata, u Pilat u la ong ha U, “Ma me, me long u syiem te?” U Jisu u la ïathuh, “Me ong keiñ ba nga long ma nga u syiem. Ïa kane khnang la kha ïa nga, bad ïa kane khnang nga la wan sha ka pyrthei, ba ngan ïoh phla skhem ïa ka jingshisha. Uei uei baroh uba da long na ka jong ka jingshisha, u shahshkor ïa ka ktien jong nga.”

ÏOANNIS 3:29

U nongleit-kurim u long uta uba ïoh ïa ka nongleit-kurim: hynrei, u lok jong u nongleit-kurim, uba ïeng bad uba ïohsngew ïa u, u kmen shibun namar ka ktien uta u nongleit-kurim: namar kata, kane ka jingkmen ka jong nga ka la biang.

1 KORINTH 11:1

To long phi ki nongpyrthuh bud ki jong nga, kumba nga ruh u jong U Khrist.

EPHESOS 5:1

To long phi namar kata, ki nongbud ïa U Blei, kum ki khun ba-ieit;

DEUTERONOMI 1:30

U Trai uba U Blei jong phi uba ïaid ha shuwa jong phi, un ïaleh thma ma u na ka bynta jong phi, katba kum kata baroh kaba u la leh na ka bynta jong phi ha ka ri Ijipt ha khmat jong phi;

HEBRU 12:2

da kaba khmih sha U Jisu U Nongpynlong bad U Nongpynjanai ïa ka jingngeit jong ngi, uba namar kata ka jingkmen ïa kaba la buh ha khmat jong u, u la shah ïa ka diengphna, u da ibeiñ ïa ka jinglehrain, bad u la shong ha ka kti kamon ka khet U Blei.

HEBRU 6:20

sha kaba kum u nongbuhai na ka bynta jong ngi, U Jisu u la leit rung, haba u la jia long U Rangbah lyngdoh bymjukut ha kata ka rukom u Melkhisedek.

1 PETROS 2:21

Namar sha kane keiñ la khot ïa phi: naba U Khrist ruh u la shah na ka bynta jong ngi, da kaba iehnoh ïa ka rukom ïa ngi, khnang ba ngin ïoh bud ha kita ki jingjam jong u:

1 PETROS 4:1

Namar kata, haba U Khrist u la shah shitom ha ka doh, te ma phi ruh, to phin kieng atiar ïa lade da kata kajuh ka jingmut; naba jar uba la shah shitom ha ka doh u la wai noh na ka pop;

1 PETROS 5:3

ym kum kiba leh trai khlieh halor ki balang, hynrei, da kaba pynlong ïa lade ki rukom ïa kata ka kynhun.