ÏOANNIS 10:3 - KA BAIBL

³ Ïa une, u nongap jingkhang u plie; te kita ki langbrot ki sngap ïa ka ktien jong u; bad ïa ki langbrot la ki jong hi u khot da ka kyrteng, bad u ïalam shabar ïa ki.

Khasi CL Bible (BSI)

³ U nongap jingkhang u plie ïa ka jingkhang na ka bynta jong u; ki langbrot ki ïohsngew ïa ka sur jong u katba u dang khot ïa la ki langbrot da ka kyrteng, bad u ïalam ïa ki shabar.

ÏOANNIS 10:3 ပူးပေါင်းရင်းမြစ်များ

SALM 80:1

To shahshkor, Ko Nongaplangbrot ki Israel, me uba ïalam ïa u Joseph kum ïa ka kynhun langbrot; me uba shong halor ki kherub, to tyngshaiñ noh.

EKSODOS 33:17

Te U Trai u la ong ha u Moses, “Ngan leh ïa kane ruh ïa kaba me la kren: naba me la ïoh shem ka jingsngewbha ha khmat jong nga, bad nga ithuh ïa me da ka kyrteng.”

PROBERB 27:23

To men minot ban tip ïa ka jinglong ki kynhun langbrot jong me, bad to khmih bha ïa la ki kynhun masi:

JINGRWAI SOLOMON 8:13

Me uba shong ha ki kper, kita ki lok ki la shahshkor ïa ka ktien jong me: to pynsngew ïa nga.

ISAÏAH 40:11

Un bsa ïa ka kynhun jong u kum u nongaplangbrot, ha ka ksang'ti jong u un lum ïa ki khun langbrot, bad ha ka shadem jong u un rah ïa ki, bad un ïalam suki ïa kiba ai buiñ.

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

ÏOANNIS 10:14

Nga, nga long uta u nongaplangbrot u babha; te nga ithuh ïa la ki jong, bad la ithuh ïa nga da la ki jong.

ÏOANNIS 10:16

Nga don kiwei pat ki langbrot ruh, ki bymlong na kane ka jingker; ïa kita ruh ka dei ïa nga ban wallam, bad kin sngap ïa ka ktien ka jong nga; te kin ïalong shi kynhun, bad uwei u nongaplangbrot.

ÏOANNIS 10:4

Bad haba u la pynmih noh ïa la ki jong, u ïaid ha shuwa jong ki, te kita ki langbrot ki ïabud ïa u; naba ki ïasngewthuh ïa ka ktien jong u.

ÏOANNIS 10:9

Nga, nga long uta u jingkhang; lada uno uno ruh un bsut hapoh da nga, un ïohlait im, bad un ïoh leit hapoh, un ïoh mih noh ruh, bad un shem ïa ka jaka phlang babha.

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

ÏOANNIS 6:45

La thoh ha Ki Nongïathuhlypa: ‘Baroh ruh kin ïalong ïa kiba la ïoh hikai na U Blei.’ U briew baroh uba la ïohsngew na U Kpa, bad uba la ïoh nang, u wan ha nga.

Ka Shithi U Paul Sha Ki Nong Rom 8:30

Bad ïa kiba u la thmu lypa, ïa kita u la khot ruh; bad ïa kiba u la khot, ïa kita u la pynksan ruh; te ïa kiba u la pynksan, ïa kita u la pyndonburom ruh.

1 KORINTH 16:9

namar ïa ka jingkhang kaba khraw bad kaba don bor la plie wang ïa nga, te don shibun ki nongkhang.

PHILIPPI 4:3

Ho-oid, nga kyrpad ïa me ruh, ko para baïakit lyngkor lem basngur, to men ïarap ïa kine ki kynthei, naba ki la ïatrei lem bad nga ha ka gospel, bad u Klemen ruh, bad kita ki para baïatrei lem jong nga, kiba ki kyrteng jong ki, ki don ha ka kitab ka jingim.

KOLOSSAI 4:3

da kaba duwai lem na ka bynta jong ngi ruh, ba U Blei un plie ha ngi ka jingkhang ïa kata ka ktien, ban kren ïa ka jingmaïan ka jong U Khrist, na ka bynta jong ka, ba la khum ruh ïa nga;

2 TIMOTHI 2:19

Hynrei, kata ka nongrim baskhem jong U Blei ka ïaineh, kaba don kane ka shab: “U Trai u ithuh ïa kita kiba long ki jong u”: bad, “To uwei pa uwei baroh uba khot kyrteng ïa ka kyrteng U Khrist, un kyndiah noh na ka jingbymhok.”

1 PETROS 1:12

ha kiba la pynpaw, ba ym ha ki hi, hynrei, ha phi, ba ki la pyntrei ïa kita kiei kiei, ïa kiba la ïalap mynta ha phi da kita kiba la ïathuhkhana babha ha phi da U Mynsiem Bakhuid, ïa uba la phah na bneng; ha kita kiei kiei ruh ki angel ki kwah eh ban dem jngoh.

1 ÏOANNIS 4:6

ma ngi, ngi long na U Blei: uta uba ithuh ïa U Blei u sngew ïa ngi; uta u bymlong na U Blei um sngew ïa ngi. Na kane ngi ithuh ïa kata ka mynsiem jong ka jingshisha, bad ïa kata ka mynsiem jong ka jingshukor.

3 ÏOANNIS 1:14

hynrei, nga kyrmen ban ïohi ïa me shen shen, bad ngin ïakren markhmat.

JINGPYNPAW 20:15

Te jar ïa uba ym shym la shem ba la thoh ha kata ka kitab ka jingim, la bred ïa u sha kata ka pung ka ding.

JINGPYNPAW 3:20

Ha khmih, nga ïeng ha ka jingkhang bad nga tied: lada uno uno ruh un ïohsngew ïa ka ktien jong nga, bad un plie ïa kata ka jingkhang, ngan wan rung hapoh ha u, bad ngan ïakhawai miet lem bad u, bad ma u lem bad nga.

JINGPYNPAW 7:17

naba uta U Khun langbrot uba hapdeng kata ka khet un sharai ïa ki, bad un ïalam lynti ïa ki sha ki pukri um ka jingim; bad U Blei un ñiad noh ïa ka jingjaw ummat baroh na ki khmat jong ki.”