ÏOANNIS 10:16 - KA BAIBL

¹⁶ Nga don kiwei pat ki langbrot ruh, ki bymlong na kane ka jingker; ïa kita ruh ka dei ïa nga ban wallam, bad kin sngap ïa ka ktien ka jong nga; te kin ïalong shi kynhun, bad uwei u nongaplangbrot.

Khasi CL Bible (BSI)

¹⁶ Don kiwei pat ki langbrot ki bym dei na kane ka sem langbrot. Nga dei ban wallam ïa ki ruh; kin shahshkor ïa ka sur jong nga, bad kin ïalong kawei ka kynhun langbrot bad uwei u nongaplangbrot.

ÏOANNIS 10:16 ပူးပေါင်းရင်းမြစ်များ

JENESIS 49:10

U dieng synshar un ym kynriah na u Judah, lymne u nongthaw aiñ napdeng ki sla'jat jong u, ha ban da wan u Shiloh; bad ïa u ki jaid bynriew kin ïakohnguh.

SALM 86:9

Ki jaid bynriew baroh kiba me la thaw kin wan mane ha khmat jong me, A Trai; bad kin pyndonburom ïa ka kyrteng jong me.

EKLESIASTIS 12:11

Ki ktien jong ki bastad ki long kum ki dieng tyndung, bad kum ki prek kiba la pynskhem bha, ki long ki ktien ki rangbah ki jingïaseng ïa kiba la ai na uwei u nongap.

ISAÏAH 11:10

Te kan jia ha kata ka sngi, ba u thied u Jesse, uba long kum ka lama ïa ki kynja bynriew; ha u ki jaid bynriew kin ïawad; bad ka jaka shongthait jong u kan long kaba donburom.

ISAÏAH 43:6

ngan ong ha ka shatei, ‘To ai noh’; bad ha ka shathie, ‘Wat bat noh’; to wallam ïa ki khun shynrang jong nga na jngai, bad ïa ki khun kynthei jong nga na ka bakut ka pyrthei;

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 52:10

U Trai u la loit lyngkhuit ïa la ka ksang'ti bakhuid ha khmat ki jaid bynriew baroh; te ki bakut ka khyndew baroh kin ïohi ïa ka jingpynim U Blei jong nga.

ISAÏAH 56:8

U Trai U Blei uba ïalum ïa kiba la kyntait jong ki Israel u ong, “Ngan ïalum ïa kiwei pat ha u nalor kiba la lah ïalum jong u.”

ESEKIEL 34:12

Kumba u nongaplangbrot u wad ïa ka kynhun jong u mynsngi haba u don hapdeng ki langbrot jong u kiba la sakma kylleng sawdong, kumta nga ruh ngan wad ïa ki langbrot jong nga; bad ngan pyllait noh ïa ki na ki jaka baroh sha kiba ki la sakma ha ka sngi ki lyoh bad ka jingdum barben.

ESEKIEL 34:23

Bad ngan thung ïa uwei u nongaplangbrot halor jong ki, u te un bsa ïa ki, u shakri jong nga keiñ u Dabid; un bsa ïa ki, bad un long u nongaplangbrot jong ki.

ESEKIEL 34:6

Ki langbrot jong nga ki la ïaid sakma sha ki lum bah baroh, bad halor u lum rit bajrong baroh: shisha keiñ, ki langbrot jong nga ki la sakma halor ka khmat ka khyndew baroh; te ym shym don uwei ruh uba la ïit lane uba wad nadien jong ki.

ESEKIEL 37:22

bad ngan pynlong ïa ki kawei ka jaid bynriew ha kata ka ri halor ki lum bah ki Israel; bad uwei u syiem un long syiem ha ki baroh: te kin ym long shuh ar jaid bynriew, lymne yn ym khlad ar hima shuh ïa ki:

ESEKIEL 37:24

“Te u Dabid u shakri jong nga un long u syiem halor jong ki; bad ki baroh kin ïoh uwei u nongaplangbrot: kin ïaid ruh ha ki jingbishar jong nga, bad kin sumar ïa ki aiñ jong nga, bad kin leh ïa ki ruh.

HOSIA 1:10

Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

SEKHARAÏAH 2:11

Bad bun ki jaid bynriew kin pynïasoh ïa lade ha U Trai ha kata ka sngi, bad kin long ki briew jong nga: bad ngan shong hapdeng jong pha, bad phan ïoh tip ba U Trai ki paid u la phah ïa nga ha pha.

MATHAÏOS 17:5

Haba u dang kren, ha khmih, u lyoh batyngshaiñ u la kah ïa ki: ha khmih ruh, ka ktien na uta u lyoh ka la ong, “Une u long U Khun jong nga uba ieit, ha uba nga sngewbha: phin sngew ïa u.”

LOUKAS 15:8

“Lane kano ka briew kaba don shiphew suka, lada ka la jah noh shi suka, kan ym thang ïa ka sharak, bad sar ïa ka ïing, bad wad biang biang ruh ha ban da shem ïa ka?

ÏOANNIS 10:11

Nga, nga long u nongaplangbrot u babha; uta u nongaplangbrot u babha u aiti noh ïa la ka jingim na ka bynta ki langbrot.

ÏOANNIS 10:2

Hynrei, uta uba bsut na kata ka jingkhang, u long u nongap jong kita ki langbrot.

ÏOANNIS 10:27

Kita ki langbrot jong nga ki sngap ïa ka ktien jong nga; ma nga te nga ithuh ïa ki, bad ki ïabud ïa nga;

ÏOANNIS 10:3

Ïa une, u nongap jingkhang u plie; te kita ki langbrot ki sngap ïa ka ktien jong u; bad ïa ki langbrot la ki jong hi u khot da ka kyrteng, bad u ïalam shabar ïa ki.

ÏOANNIS 10:4

Bad haba u la pynmih noh ïa la ki jong, u ïaid ha shuwa jong ki, te kita ki langbrot ki ïabud ïa u; naba ki ïasngewthuh ïa ka ktien jong u.

ÏOANNIS 10:5

Ïa u nongwei te kin ym ïabud, hynrei, kin ïaphet ïap noh na u; naba kim ïasngewthuh ïa ka ktien ki nongwei.”

ÏOANNIS 11:52

bad ym tang na ka bynta kata ka kynja bynriew hi, hynrei, ba un ïoh ïalum lang ruh ha kawei, ïa kita ki khun U Blei kiba la sakma.

ÏOANNIS 17:20

“Lymne ngam kyrpad tang na ka bynta kine hi, hynrei, na ka bynta kita ruh kiba ngeit ha nga da ka ktien jong ki;

ÏOANNIS 6:37

Baroh ba uta U Kpa u ai ha nga, kin wan ha nga: uta te uba wan ha nga, da lei lei ngan ym kyntait noh shabar.

KI KAM 15:14

U Simeon u la ïathuh kumno ha kaba nyngkong ba U Blei u la leit khmih ïa ki Jentil, ban shim na ki u paidlang ïa ka kyrteng jong u.

KI KAM 18:10

naba nga long ryngkat bad me, bad ym don u briew u ban ïaleh ïa me ïa ka ban pynsniew ïa me; naba nga don bun briew ha kane ka nongbah.”

KI KAM 22:14

U la ong ruh, ‘U Blei ki kpa jong ngi u la thung ïa me ban tip ïa ka mon jong u, bad ban ïohi ïa uta U Bahok, bad ban ïohsngew ïa ka ktien na ka shyntur jong u.

Ka Shithi U Paul Sha Ki Nong Rom 11:25

Namar ngam mon ïa phi ban ym tip, ko parabangeit, shaphang kane ka jingmaïan, ïoh phi long kiba tharai stad ïa lade, ba ka jingeh ka la jia long ïa shiteng shiliang na ki Israel, tad ynda ba kata ka jingdap jong ki Jentil kan da ïoh wan hapoh.

2 THESSALONI 2:13

Hynrei, ka dei ïa ngi ban ainguh ïa U Blei ha la ka sngi na ka bynta jong phi, ko parabangeit ba la ieit da U Trai, namar ba U Blei u la jied ïa phi naduh kaba mynnyngkong sha ka jingpynim ha ka jingpynkhuid U Mynsiem, bad ka jingngeit ïa ka jingshisha;

HEBRU 13:20

Te U Blei ka jingsuk uba la wallam pat na ki baïap ïa U Nongap u bakhraw ki langbrot, da ka snam ka jutang bymjukut, ïa U Jisu U Trai jong ngi keiñ,

1 PETROS 2:10

kiba mynno mynno ruh kim long u paidlang, hynrei, mynta, ki long keiñ u paidlang U Blei: ïa kiba ym shym la isynei, hynrei, mynta, la isynei ïa ki.

1 PETROS 2:25

Namar phi la ju leit sakma kum ki langbrot; hynrei, mynta, la pynphai pat ïa phi sha U Nongaplangbrot bad U Nongsharai ki mynsiem jong phi.

1 PETROS 5:4

Te ynda la pynpaw ïa U Nongaplangbrot Rangbah, phin ïoh pdiang ïa kata ka pansngiat ka burom ka bymsep noh.

JINGPYNPAW 3:20

Ha khmih, nga ïeng ha ka jingkhang bad nga tied: lada uno uno ruh un ïohsngew ïa ka ktien jong nga, bad un plie ïa kata ka jingkhang, ngan wan rung hapoh ha u, bad ngan ïakhawai miet lem bad u, bad ma u lem bad nga.