ÏOANNIS 1:9 - KA BAIBL

⁹ Uta, u la long U Jingshai U bashisha, u ban sa wan ha ka pyrthei, uba pynshai ïa ki briew baroh.

Khasi CL Bible (BSI)

⁹ Kane ka la long ka jingshai kaba shisha — ka jingshai kaba wan sha ka pyrthei bad pynshai ha u bynriew baroh.

ÏOANNIS 1:9 ပူးပေါင်းရင်းမြစ်များ

ISAÏAH 49:6

U la ong te, “Ka long kaba sting eh ba men long u shakri jong nga ban pynïeng ïa ki jaid u Jakob, bad ban pynbha pat ïa kiba pynsah jong ki Israel: ngan ai ruh ïa me ban long ka jingshai ïa ki Jentil, ba men ïoh long ka jingpynim jong nga haduh ka bakut ka pyrthei.”

ISAÏAH 8:20

Ïa, sha ka hukum bad sha ka jingphla! Lada kim kren kat kane ka ktien, shisha ka jingmih ka sngi kan ym don ïa ki.

MATHAÏOS 6:23

Hynrei, lada ka khmat jong me ka long jngut, ka met jong me baroh kan long dum. Namar kata, lada ka jingshai kaba ha me ka long dum, kata kaba dum kaba katno!”

LOUKAS 11:36

Haba kumta, lada ka met jong me baroh ka shai bha, bymdon ruh ka bynta ka ba-dum, baroh kan shai bha, kumba haba ka sharak ka pynshai ïa me da ka jingtyngshaiñ jong ka.”

ÏOANNIS 1:4

Ha u, la don ka jingim; bad kata ka jingim ka la long ka jingshai jong ki briew.

ÏOANNIS 1:7

Une, u la mih noh ïa ka ban phla, ba un ïoh phla shaphang uta U Jingshai, ba baroh kin ïoh ngeit da U.

ÏOANNIS 12:46

Nga uba la wan ka jingshai ha ka pyrthei, ba u briew baroh uba ngeit ha nga, un ym ïaisah ha ka ba-dum.

ÏOANNIS 14:6

U Jisu u ïathuh ha u, “Nga uba long kata ka lynti, bad ka jingshisha, bad ka jingim de: ym don uba wan ha U Kpa, hynrei, tang da nga.

ÏOANNIS 15:1

“Ma nga, nga long u dieng soh Waiñ uba shisha, bad U Kpa jong nga u long u nongsumar brisoh.

ÏOANNIS 6:32

Ynda kumta, U Jisu u la ong ha ki, “Shisha, shisha nga ong ha phi, Ym dei u Moses uba la ai ha phi ïa uta u kpu na bneng; hynrei, U Kpa jong nga u ai ha phi ïa uta u kpu uba shisha na bneng:

ÏOANNIS 7:12

Te la don shibun ka jingïakren pasiaw shaphang jong u hapdeng ki paidbah. Don kiba la ïa-ong, “U long u babha”: kiwei pat de ki la ïa-ong, “Em, hynrei, u shukor ïa u paidbah.”

1 ÏOANNIS 1:8

Lada ngi ong ba ngim don ka pop ngi shukor ïa lade, bad kata ka jingshisha kam don ha ngi.

1 ÏOANNIS 2:8

Pat, ïa ka hukum bathymmai nga thoh ha phi, kaba long kaba shisha ha u bad ha phi; naba kata ka jingdum ka ïaid jah noh, bad kata ka jingshai kaba shisha ka la tyngshaiñ hi mynta.

1 ÏOANNIS 5:20

Ngi tip ruh ba uta U Khun U Blei u la wan, bad u la ai ha ngi ka jingshemphang, khnang ba ngin ïoh ithuh ïa uta U Bashisha; bad ngi long ha uta U Bashisha, ha uta U Khun jong u, U Jisu Khrist. Une u long uta U Blei Bashisha, bad kata ka jingim bymjukut.