“Ha khmih, nga phah ïa la u nonglam-ktien, bad un khreh ïa ka lynti ha shuwa jong nga: bad U Trai, uba phi ïawad, un wan kyndit sha la ka ïing: bad uta u angel ka jutang, ha uba phi ïasngewbha, ha khmih, u wan,” ong U Trai ki paid.
(U Ïoannis u la phla shaphang jong U, bad u la pyrta, u da ong, “Une, u long uta ïa uba nga la ong, ‘Uta uba wan nadien jong nga, u la jia long shuwa jong nga, naba u la shuwa ïa nga.’ ”)
Te u Paul u la ong, “U Ïoannis u la pynbaptis da ka jingbaptis ka jingkylla-ka-bamut, u da ong ha u paidbah ba ki dei ban ngeit ha uta u ban sa wan hadien jong u, kata, ha U Jisu.”
bad ïa ka ban pynsngewthuh ïa ki briew baroh, kaei long kata ka jingpynïaid jong kata ka jingmaïan, ïa kaba la buhrieh na bymjukut ha U Blei uba la thaw ïa kiei kiei baroh:
U Trai um leh tud shaphang la ka jingkular, kumba don kiba ïañiew ka jingleh tud; hynrei, u ïaishah slem bad phi, u bym da mon ïano ïano ruh ban jot noh, hynrei, ba baroh kin poi sha ka jingkylla-ka-bamut.