ÏOANNIS 1:4 - KA BAIBL

⁴ Ha u, la don ka jingim; bad kata ka jingim ka la long ka jingshai jong ki briew.

Khasi CL Bible (BSI)

⁴ U Ktien u la long u tyllong jong ka jingim; bad kane ka jingim ka la wanrah ka jingshai ïa u bynriew.

ÏOANNIS 1:4 ပူးပေါင်းရင်းမြစ်များ

SALM 49:6

Kita kiba shaniah ha la ka spah, bad kiba sngewsarong ha ka jingbun ki spah jong ki;

SALM 84:11

Naba U Trai U Blei u long ka sngi bad ka stieh: U Trai un ai ka jingaiei bad ka burom: ïa kaei kaei ka jingbha un ym khang na kita kiba ïaid beit.

ISAÏAH 42:16

Te ngan wallam ïa ki bamatlah da ka lynti ba kim shym ithuh; ha ki lynti ïaid ba kim tip ngan ïalam ïa ki: ngan pynlong shai ïa ka jingdum ha khmat jong ki, bad kiba beit ïa ki jaka bakyllaiñ. Ïa kine kiei kiei ngan leh, bad ngan ym iehnoh noh ïa ki.

MALAKHI 4:2

Hynrei, ha phi kiba sheptieng ïa ka kyrteng jong nga kan mih ka sngi ka hok bad ka jingpynkhiah ha ki thapniang jong ka; bad phin ïoh mih shabar, bad phin rynsied kum ki khun masi ba bsa ha ïing.

MATHAÏOS 4:16

ki briew kiba shong ha kaba dum ki la ïohi ïa ka jingshai bakhraw, bad ha kita kiba shong ha ka ri bad ha ka syrngiew ka jingïap, la mih ka jingshai.”

LOUKAS 2:32

ka jingshai ïa ka ban pynshai ïa ki Jentil, bad ka burom u Israel u paidlang jong me.”

ÏOANNIS 11:25

U Jisu u la ong ha ka, “Nga long kata ka jingmihpat bad kata ka jingim: uta uba ngeit ha nga, la u la ïap, un ïoh im:

ÏOANNIS 12:35

Ynda kumta, U Jisu u la ïathuh ha ki, “Shibit ar bit kata ka jingshai ka dang long lem bad phi: to ïaid katba phi ïadon kata ka jingshai, ba ka ba-dum kan ym ïoh lap ïa phi: namar uta uba da ïaid ha ka ba-dum, um tip keiñ shaei u leit.

ÏOANNIS 12:46

Nga uba la wan ka jingshai ha ka pyrthei, ba u briew baroh uba ngeit ha nga, un ym ïaisah ha ka ba-dum.

ÏOANNIS 14:6

U Jisu u ïathuh ha u, “Nga uba long kata ka lynti, bad ka jingshisha, bad ka jingim de: ym don uba wan ha U Kpa, hynrei, tang da nga.

ÏOANNIS 3:19

Kane te ka long kata ka jingpynrem, ba ka jingshai ka la wan ha ka pyrthei, bad ki briew ki la ïa-ieit kham tam ïa ka jingdum ban ïa kata ka jingshai; naba ki la long bymman ki jingleh jong ki.

ÏOANNIS 5:21

Namar kumba uta U Kpa u pynmih ïa ki baïap bad u pynim ïa ki, kumta ruh U Khun u pynim ïa kiba u mon.

ÏOANNIS 5:26

Namar kumba U Kpa u don ka jingim ha lade, kumta u la ai ha U Khun ruh ban ïoh ka jingim ha lade:

ÏOANNIS 8:12

Ynda kumta, U Jisu u la ïathuhkhana pat ha ki, u da ong, “Nga long U Jingshai jong ka pyrthei: uta uba wan bud ïa nga, un ym ïaid ha ka ba-dum, hynrei, un ïoh ka jingshai jong ka jingim.”

ÏOANNIS 9:5

Katba nga don ha ka pyrthei, nga long ka jingshai ïa ka pyrthei.”

KI KAM 26:23

kumno ba ka la dei ïa U Khrist ban shah, bad kumno nyngkong da ka jingmihpat na ki baïap, un pynbna ka jingshai ha u paidlang ruh, bad ha ki Jentil.”

1 KORINTH 15:45

Kumta ruh, la thoh: “Ïa u Adam u briew u banyngkong la thaw ka mynsiem ba-im,” hynrei, ïa u Adam u bakhatduh ka mynsiem bapynim;

EPHESOS 5:14

Naba kumta, u ong: “To khie joit me uba ïohthiah, bad to mih na ki baïap, te U Khrist un pynshai ha me.”

KOLOSSAI 3:4

Ynda la paw U Khrist, uba ka jingim jong ngi, ynda kumta, phi ruh, phin paw lem bad u ha ka burom.

1 ÏOANNIS 1:1

Kata kaba la long na kaba mynnyngkong, ïa kaba ngi la ïohsngew, ïa kaba ngi la ïohi da ki khmat jong ngi, ïa kaba ngi la ïoh khmih pyllaw, bad ki kti jong ngi ki la ïoh tba, shaphang uta U Ktien ka jingim

1 ÏOANNIS 1:2

(bad ïa uta u jingim la pynpaw, bad ngi la ïohi, bad ngi ïaphla, bad ngi ïathuh shai ha phi ïa uta u jingim bymjukut, uba la don bad U Kpa, bad la pynpaw ïa u ha ngi);

1 ÏOANNIS 5:11

Te kane ka long kata ka jingphla, ba U Blei u la ai ha ngi ïa ka jingim bymjukut, bad kane ka jingim ka long ha U Khun jong u.

JINGPYNPAW 22:1

Bad u la pyni ha nga ïa ka wah basngur ka um ka jingim, kaba phyrnai kum u mawleiñ, kaba mih noh na ka khet U Blei bad ka jong uta U Khun langbrot, hapdeng kata ka lynti bah jong ka.

JINGPYNPAW 22:16

“Ma nga, U Jisu, nga la phah ïa u angel jong nga ban phla ha phi ïa kine kiei kiei ruh na ka bynta kita ki balang: Nga long ma nga U Thied bad U Khun u ksiew u Dabid, bad uta U Khlur-step batyngshaiñ.”