HAGGAI 2:4 - KA BAIBL

⁴ La kumta ruh, to pynkhlaiñ ïa lade, ko Serubbabel,’ ong U Trai; ‘bad to pynkhlaiñ ïa lade, ko Joshua u khun u Jehosadak, u rangbah lyngdoh; bad to pynkhlaiñ ïa lade, phi ki briew jong ka ri baroh,’ ong U Trai, ‘bad to trei: naba nga don lem bad phi,’ ong U Trai ki paid,

Khasi CL Bible (BSI)

⁴ Hynrei mynta to wat duh jingkyrmen, mano mano ruh na phi. Leh la ka kam, naba nga long ryngkat bad phi.

HAGGAI 2:4 ပူးပေါင်းရင်းမြစ်များ

2 SAMUEL 5:10

Bad u Dabid u la nang ïoh bor nang ïoh bor; bad U Trai, U Blei ki paid, u la don ryngkat bad u.

1 KHRONIKL 22:13

Te men man bha, lada me sumar ban leh ïa ki aiñ bad ki jingbishar kiba U Trai u la hukum ïa u Moses shaphang ki Israel: to long u bakhlaiñ, bad uba shlur bha; wat sheptieng, lymne sngewkyiuh.

1 KHRONIKL 28:20

Bad u Dabid u la ong ha u Solomon u khun jong u, “To long uba skhem bad uba shlur, bad to leh ïa ka: wat sheptieng, lymne khaw-eit: naba U Trai U Blei, U Blei jong nga keiñ, u long lem bad me; un ym iehnoh ïa me, lymne kyntait ïa me, tad ynda la pyndep ïa ki kam baroh kiba dei ha ka jingshakri ka ïing U Trai.

ESRA 10:18

Bad hapdeng ki khun ki lyngdoh, la shem kiba la shongkurim ïa ki kynthei nongwei: na ki khun u Jeshua, u khun u Josadak, bad ki para jong u, u Maaseïah, bad u Elieser, bad u Jarib, bad u Gedaliah.

ESRA 5:2

Ynda kumta, u Serubbabel u khun u Shealtiel, bad u Jeshua u khun u Josadak, ki la ïeng, bad ki la sdang ban tei ïa ka ïing U Blei kaba ha Jerusalem: bad ki nongïathuhlypa U Blei ki la don lem bad ki, ki da ïarap ïa ki.

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

HAGGAI 1:13

Ynda kumta, u Haggai u nonglam-ktien U Trai u la kren ha kata ka jingphah ktien U Trai ha u paidbah, u da ong, “Nga don lem bad phi,” ong U Trai.

SEKHARAÏAH 4:6

Ynda kumta, u la ïathuh bad u la kren, u da ong, “Kane ka long ka ktien U Trai ha u Serubbabel, ka da ong, ‘Ym da u paidïapom, lymne da ka bor, hynrei, da U Mynsiem jong nga,’ ” ong U Trai ki paid.

SEKHARAÏAH 8:9

Kumne u ong U Trai ki paid: “To kin long khlaiñ ki kti jong phi, phi kiba ïohsngew ha kine ki sngi ïa kine ki ktien na ka shyntur kita ki nongïathuhlypa, kiba la don ha ka sngi ba la seng ïa ka nongrim jong ka ïing U Trai ki paid, ïa ka templ keiñ, khnang ban tei ïa ka.

MARKOS 16:20

Ki te haba ki la mih noh, ki la ïalap kylleng sawdong, U Trai ruh U da trei lem, bad U da pynskhem ïa kata ka ktien da ki dak kiba bud. Amen.

KI KAM 7:9

“Te kita ki kthaw tymmen, ba ki da ïasngewpihuiñ ïa u Joseph, ki la die noh ïa u sha Ijipt; hynrei, U Blei u la don ryngkat bad u,

1 KORINTH 16:13

To da sharai phi, to da ïeng skhem phi ha ka jingngeit, to da leh shlur ïa lade phi kum ki rangbah, to da pynkhlaiñ ïa lade phi.

EPHESOS 6:10

Ha kaba wai noh, to long kiba khlaiñ ha U Trai, bad ha ka bor ka jingkhlaiñ jong u.

DEUTERONOMI 31:23

U la ai hukum ruh ïa u Joshua u khun u Nun, bad u la ong, “To long uba khlaiñ bad uba shlur: namar me men ïalam ïa ki khun Israel sha kata ka ri ïa kaba nga la smai ha ki; bad ngan long ryngkat bad me.”

2 TIMOTHI 2:1

Ma me, namar kata, ko khun jong nga, to pynkhlaiñ ïa lade ha ka jingaiei kaba ha U Khrist Jisu.

2 TIMOTHI 4:17

Hynrei, U Trai u la ïeng hajan jong nga, bad u la ai bor ha nga; khang ba da nga yn ïoh pyndep biang ïa kata ka jingïalap, bad ba ki Jentil baroh kin ïohsngew: te la pyllait ïa nga na ka shyntur u sing.

JOSHUA 1:6

Pynkhlaiñ bad pynshlur bha ïa lade: namar men pynïoh bynta ha une u paidbah ïa kata ka ri ba nga la smai ha ki kpa jong ki ban ai ha ki.

JOSHUA 1:9

Hato ngam shym la hukum ïa me? To long uba khlaiñ bad uba shlur bha; wat tieng, lymne wat kyiuh: namar U Trai U Blei jong me u don ryngkat bad me kat sha kaba me leit.”

NONGBISHAR 2:18

Te haba U Trai u la pynmih ki nongbishar ïa ki, ynda kumta, U Trai u la don lem bad uta u nongbishar, bad u la pyllait ïa ki na ka kti ki nongshun jong ki baroh ki sngi jong uta u nongbishar: namar U Trai u la kylla-ka-bamut na ka bynta ka jingud jong ki namar kita kiba la banbeiñ ïa ki bad ba la pynshitom ïa ki.

1 SAMUEL 16:18

Te uwei na kita ki shakri u la ïathuh, bad u la ong, “Ha khmih, nga la ïohi ïa uwei u khun u Jesse u nong Bethlehem, uba nang ha kaba tem bad uba khlaiñ bor, bad u long u nongïaleh thma, bad uba stad ktien, bad uba bhabriew lymphuin, bad U Trai ruh u don ryngkat bad u.”