EKSODOS 9:4 - KA BAIBL

⁴ U Trai ruh un pynïapher ïa ki jingri jong ki Israel bad ki jingri ka ri Ijipt; ba kan ym ïap kaei kaei ruh em kaba dei ka jong ki khun Israel.” ’ ”

Khasi CL Bible (BSI)

⁴ Ngan pynïapher ïa ki jingri jong ki Israel na ki jong ki nong Ijipt, bad kumta yn ym don wat kawei ruh ka jingri ki Israel ka ban ïap noh.

EKSODOS 9:4 ပူးပေါင်းရင်းမြစ်များ

EKSODOS 10:23

kim ïaïohi shuh paralok hi, lymne uno uno ruh um shym la ïeng na la ka jaka lai sngi: hynrei, ha ki khun Israel baroh la don ka jingshai ha ki jaka shong jong ki.

EKSODOS 12:13

Kata ka snam te kan sa long ka dak ïa phi ha ki ïing ha kiba phi don: bad haba nga ïohi ïa kata ka snam, ngan ïaid palat ïa phi, bad kata ka jingpynïap kan ym long ïa ka ban pynjot ïa phi, haba nga shoh ïap ïa ka ri Ijipt.

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

EKSODOS 8:22

Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

EKSODOS 9:26

Tang ha ka ri Goshen, ha kaba la shong ki khun Israel, ym shym la don phria.

EKSODOS 9:5

U Trai u la buh ïa ka Ïa ruh, u da ong, “Lashai U Trai un sa leh ïa kane ha kane ka ri.”

EKSODOS 9:6

U Trai u la leh ruh ïa kata ha kaba lashai, bad ki jingri baroh jong ka ri Ijipt ki la ïap noh: hynrei, na ki jingri jong ki khun Israel kawei ruh kam shym la ïap.

AMOS 4:7

“Bad nga la khang ruh ïa u slap na phi, haba dang don lai bnai haduh ka aïom ot: bad nga la pynhap slap ha kawei ka nongbah, bad nga la pynlong ban ym hap slap ha kawei pat ka nongbah. Kawei ka bynta ka la ïoh slap, te kata ka bynta ka bym shym ïoh slap ka la ïap tyrkhong.

MALAKHI 3:18

Hangta te phin phai bad phin sngewthuh ïa u bahok na u bymman, bad ïa uba shakri ïa U Blei na uta u bym shakri ïa u.”