EKSODOS 9:3 - KA BAIBL

³ ha khmih, ka kti U Trai kan long halor ki jingri jong me kiba ha ka lyngkha, halor ki kulai, halor ki kadda, halor ki ut, halor ki masi de, bad halor ki langbrot ruh: kan wan ka jingïapkhlam ki mrad kaba jur eh.

Khasi CL Bible (BSI)

³ ngan pynshitom ïa me da kaba phah ïa ka jingpang kaba shyrkhei ha ki jingri jong me baroh — ha ki kulai, ki kada, ki ut, ki masi, ki langbrot bad ki blang jong me.

EKSODOS 9:3 ပူးပေါင်းရင်းမြစ်များ

JENESIS 47:17

Ynda kumta, ki la wallam ïa la ki jingri ha u Joseph: bad u Joseph u la ai ïa u kpu ha ki na ka bynta ki kulai, bad na ka bynta ki kynhun langbrot, bad na ka bynta ki kynhun masi, bad na ka bynta ki kadda de: bad u la bsa ïa ki da ka jingbam na ka bynta ki jingri baroh jong ki ha kata ka snem.

SALM 39:10

To pynkynriah noh ïa ka jingshoh jong me na nga: la bam duh ïa nga da ka jingïaleh ka kti jong me.

EKSODOS 5:3

Ki te ki la ïathuh, “U Blei jong ki Hebru u la ïashem bad ngi: to shah ba ngin leit, ngi kyrpad ïa me, lai sngi lynti sha kata ka ri khlaw, ba ngin ïoh kñia ainguh ha U Trai uba U Blei jong ngi; ïoh ba un pynhap halor jong ngi da ka jingïapthem, lane da ka waitlam.”

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

AMOS 4:10

“Nga la phah hapdeng jong phi da ka jingïapkhlam kum ka rukom ka Ijipt: ïa ki samla shynrang jong phi nga la pynïap da ka waitlam, bad nga la rah noh ïa ki kulai jong phi; bad ïa ka jingiwkhong ka jaka shong dara jong phi nga la pynkiew haduh ki thliew khmut jong phi: pynban, phim shym phai sha nga,” ong U Trai.

KI KAM 13:11

Mynta te ha khmih, ka kti U Trai ka long halor jong me, bad men sa matlah, khlem da ïohi ïa ka sngi katto katne por.” Te shisyndon la hap ha u, u lyoh bad ka jingdum; te u la leit kylleng u da wad ïa ki ban btin ïa u na ka kti.

1 SAMUEL 6:9

Phin khmih ruh, lada ka leit kiew na kata ka lynti ka phang jong ka hi sha Beth-shemesh, te kumta u la pynngat ma u ïa kane ka jingsniew ka bakhraw halor jong ngi: hynrei, lada em, ngin ïoh tip ba ym dei ka kti jong u ba la shoh ïa ngi; kane ka la shu jia ryngkhat ha ngi.”