EKSODOS 9:29 - KA BAIBL

²⁹ Te u Moses u la ong ha u, “Haba nga dang shu mih noh na kane ka nongbah, ngan sa kner ïa la ki kti sha U Trai; te uta u pyrthat un duh, bad uta u phria ruh un ym hap shuh; khnang ba men ïoh tip ba ka pyrthei ka long ka jong U Trai.

Khasi CL Bible (BSI)

²⁹ U Moses u ong ha u, “Nga tang shu poi shabar kane ka shnong, ngan duwai ha U Trai. U pyrthat un sangeh, bad u phria un ym hap shuh, ba phin ïoh tip ba ka pyrthei ka long ka jong U Trai.

EKSODOS 9:29 ပူးပေါင်းရင်းမြစ်များ

1 SYIEM 8:22

Te u Solomon u la ïeng ha khmat ka duwan U Trai ha khmat u paidbah Israel baroh, bad u la rah ïa la ki kti sha bneng:

1 SYIEM 8:38

kano kano ka jingduwai bad ka jingkyrpad ba pynlong da uno uno u briew, lane da ki briew jong me ki Israel baroh, uba tip marwei marwei ïa ka jingshitom la ka jong ka dohnud, bad u rah ïa la ki kti sha kane ka ïing:

ESRA 9:5

Bad ha ka jingkñia la janmiet nga la ïeng joit na la ka jingshah jingit, ba la kad noh la ka jaiñkup bad la ka jingphong; bad nga la hap dem ha la ki khohsiew, bad nga la pyiar noh ïa la ki kti ha U Trai U Blei jong nga;

Ka Kitab U Job 11:13

“Lada men pynbeit ïa la ka dohnud, bad kner ïa la ki kti sha u;

SALM 135:6

U Trai u la leh ïa kaei kaei baroh, kaba u la mon, ha bneng bad ha ka khyndew, ha ki duriaw bad ha ki jingjylliew baroh.

SALM 143:6

Nga kner ïa la ki kti sha me: ka mynsiem jong nga, kum ka 'dewryngkhiang, ka thrang ïa me. Selah.

SALM 50:12

Lada nga thngan, ngan ym ïathuh ha me: naba ka pyrthei ka jong nga, bad ka jingdap jong ka.

EKSODOS 19:5

Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

EKSODOS 20:11

naba ha ki hynriew sngi, U Trai u la thaw ïa ka bneng bad ïa ka khyndew, ïa ka duriaw ruh, bad ïa baroh katba don ha ki, u la shong sngi ruh ha kata ka sngi ka bahynñiew: namar kata, U Trai u la kyrkhu ïa ka sngi Sabbaton, bad u la pynkyntang khuid ïa ka ruh.

EKSODOS 8:22

Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

EKSODOS 8:6

Te u Aaron u la kner ïa la ka kti halor kita ki um ka Ijipt; bad ki jakoid ki la ïamih, bad ki la ïatyllup ïa ka ri Ijipt.

EKSODOS 9:33

Te u Moses u la mih noh na u Pharaoh shabar kata ka nongbah, bad u la kner ïa la ki kti sha U Trai: te uta u pyrthat bad uta u phria de ki la jah noh, bad ym shym la pynhap shuh ïa u slap ha ka khyndew.

ISAÏAH 1:15

Te haba phi kner la ki kti, ngan buhrieh la ki khmat na phi: shisha keiñ, haba phi pynlong shibun ki jingduwai, ngan ym sngap: ki kti jong phi ki dap da ka snam.

1 KORINTH 10:26

Namar “Ka khyndew ka long ka jong U Trai, bad ka jingdap kyrhai jong ka.”

1 KORINTH 10:28

Hynrei, lada uno uno ruh un ong ha phi, “Kane ka long ka doh kñia”; wat bam phi, na ka bynta uta uba la ïathuh, bad na ka bynta ka jingïatiplem: “namar ka khyndew ka long ka jong U Trai, bad ka jingdap kyrhai jong ka”:

DEUTERONOMI 10:14

Ha khmih, ka bneng bad ka bneng jong ki bneng, ki long ki jong U Trai uba U Blei jong me, ka khyndew ruh, bad baroh katba don ha ka.