EKSODOS 9:27 - KA BAIBL

²⁷ Te u Pharaoh u la phah khot ïa u Moses bad ïa u Aaron, bad u la ong ha ki, “Ha kane shi sien nga la leh pop: U Trai u long u bahok, ma nga te bad ki briew jong nga ngi long ki bymman.

Khasi CL Bible (BSI)

²⁷ U Pharaoh u la phah khot ïa u Moses bad u Aaron, bad u ong ha ki, “Ha kane ka sien nga la leh pop; U Trai u leh ïa kaba dei; ma nga bad ki briew jong nga ngi la leh bakla.

EKSODOS 9:27 ပူးပေါင်းရင်းမြစ်များ

2 SAMUEL 12:13

Te u Dabid u la ong ha u Nathan, “Nga la leh pop ïa U Trai.” U Nathan te u la ïathuh ha u Dabid, “U Trai ruh u la pyndam noh ïa kata ka pop jong me; men ym ïap keiñ.

2 KHRONIKL 12:6

Ynda kumta, ki rangbah Israel bad u syiem ki la pynrit ïa lade; bad ki la ong, “U Trai u long u bahok.”

SALM 129:4

U Trai u long u bahok: u la bthat ïa ki tyllai jong ki bymman.

SALM 145:17

U Trai u bahok ha la ki lynti baroh, bad uba aiei ha baroh ki jingleh jong u.

SALM 9:16

U Trai u la pynithuh ïa lade, u la pyndep ïa ka jingbishar: ïa u bymman la riam ha ka kam ki kti jong u hi. Higgaion. Selah.

EKSODOS 10:16

Ynda kumta, u Pharaoh u la khot ïa u Moses bad ïa u Aaron da kaba kyrkieh; bad u la ong, “Nga la leh pop ïa U Trai U Blei jong phi, bad ïa phi ruh.

EKSODOS 10:17

Mynta te, nga kyrpad ïa me, to map ïa ka pop jong nga sa tang kane shi sien hi, bad to kyrpad ruh ïa U Trai U Blei jong phi, ba un shim noh na nga sa tang kane ka jingpynïap.”

EKSODOS 8:25

Te u Pharaoh u la khot ïa u Moses bad ïa u Aaron, bad u la ong, “To khie leit phi, to kñia ïa U Blei jong phi ha kane ka ri.”

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

SNGEWSYNEI 1:18

“U Trai u long u bahok; naba nga la ïaleh pyrshah ïa ka hukum jong u: to sngew, nga kyrpad ïa phi, phi ki kynja bynriew baroh, bad to khmih ïa ka jingsngewsih jong nga: ki theisotti jong nga bad ki samla jong nga ki la leit long mraw.

DANIEL 9:14

Namar kata, U Trai u la ap ïa kata ka basniew, bad u la pynwan ïa ka halor jong ngi: namar U Trai U Blei jong ngi u long u bahok ha ki kam jong u baroh kiba u leh, bad ngi ngim shym la kohnguh ïa ka ktien jong u.

JINGKHEIÑ 21:7

Te namar kata, kita ki briew ki la wan ha u Moses, ki la ong ruh, “Ngi la leh pop, ba ngi la kren pyrshah ïa U Trai, bad pyrshah ïa me ruh; to duwai ha U Trai, ba un shim noh ïa kine ki bseiñ napdeng jong ngi.” Bad u Moses u la duwai na ka bynta uta u paidbah.

JINGKHEIÑ 22:34

Bad u Balaam u la ong ha uta u angel U Trai, “Nga la leh pop; naba ngam shym tip ba me la ïeng ïaleh pyrshah ïa nga ha kata ka lynti: te mynta, lada ka long ka basniew ha khmat jong me, ngan leit phai noh pat keiñ.”

MATHAÏOS 27:4

u da ong, “Nga la leh pop haba nga la die noh ïa ka snam balui lui.” Ki te ki la ong, “Kata ka dei aïu ïa ngi? khmih hi ma me keiñ.”

Ka Shithi U Paul Sha Ki Nong Rom 2:5

Hynrei, katba kum kata ka jinglong eh ka jong me bad ka dohnud bymkylla-ka-bamut, me ïaikynshew ïa lade ka jingbitar ïa kaba akher ka sngi ka jingbitar, bad ka jingpynpaw ïa ka jingbishar hok ka jong U Blei;

Ka Shithi U Paul Sha Ki Nong Rom 3:19

Te ngi ïatip biang ba ïa kiei kiei ruh, kat kiba ka hukum ka ong, ka kren ha kita keiñ, kiba hapoh kata ka hukum; ba kumta, yn ïoh pynsngap noh jar ïa ka shyntur baroh, bad ba ka pyrthei baroh kan long hapoh ka jingpynrem U Blei.

JOSHUA 7:20

Te u Akhan u la ïathuh ha u Joshua, bad u la ong, “Shisha nga la leh pop ïa U Trai, U Blei ki Israel, bad kumne bad kumtai nga la leh:

1 SAMUEL 15:24

Te u Saul u la ong ha u Samuel, “Nga la leh pop: namar ba nga la palat ïa ka hukum U Trai, bad ïa ki ktien jong me: naba nga la sheptieng ïa ki paidbah, bad ba nga la kohnguh ïa ki ktien jong ki.

1 SAMUEL 15:30

Ynda kumta, u la ong, “Nga la leh pop: pynban, nga kyrpad ïa me, to burom ïa nga mynta, ha khmat ki tymmen basan ki paidbah jong nga, bad ha khmat ki Israel, bad to wan phai bad nga ba ngan ïoh mane ïa U Trai uba U Blei jong me.”

1 SAMUEL 26:21

Ynda kumta, u Saul u la ong, “Nga la leh pop; to wan phai noh, ko Dabid u khun jong nga: namar ngan ym pynsniew shuh ïa me, naba ka jingim jong nga ka la long ka bakordor ha khmat jong me ha kane ka sngi: ha khmih, nga la leh bieit, bad nga la leh bakla shikatdei.”