EKSODOS 9:24 - KA BAIBL

²⁴ Kumta, la don u phria, bad ka ding ba la ïakhleh lem bad uta u phria bapynshitom eh, ym shym la don kat uta ha ka ri Ijipt baroh naduh ba ka la man jaid bynriew.

Khasi CL Bible (BSI)

²⁴ Ka la long ka 'erïong kaba jur tam ba ka Ijipt ka la mad ha ka histori jong ka baroh.

EKSODOS 9:24 ပူးပေါင်းရင်းမြစ်များ

Ka Kitab U Job 38:23

ïa kiba nga la tyngkai namar ka por ka jingjynjar, hamar ka sngi ka jingïaleh bad ka thma?

SALM 105:32

U la ai da u phria ïa ki ha ka jaka u slap, bad ka ding ba-meh ha ka ri jong ki.

SALM 18:13

U Trai u la riew pyrthat ruh ha ki bneng bad uta U Bahakhlieh Tam u la pynjam ïa la ka ktien; u phria bad ka rnga ding barhem.

EKSODOS 10:6

bad kin sa pyndap ïa ki ïing jong me, bad ïa ki ïing ki shakri jong me baroh, bad ïa ki ïing ki Ijipt baroh; kat kita lymne ki kpa jong me lymne ki kpa ki kpa jong me, kim shym la ïohi, naduh kata ka sngi ba ki la mih ha ka pyrthei haduh kane ka sngi.’ ” Te haba u la phai, u la mih noh na u Pharaoh.

EKSODOS 9:18

Ha khmih, lashai hamar kane ka por ngan pynhap da u phria uba jur eh, kat uta ym ju don ha ka ri Ijipt naduh ba ka dang long haduh mynta.

EKSODOS 9:23

Bad u Moses u la kner ïa la u diengduh sha bneng: bad U Trai u la phah da ki pyrthat bad da u phria, bad ka ding ruh ka la nang pur halor ka khyndew; bad U Trai u la pynhap ïa u phria halor ka ri Ijipt.

EKSODOS 9:25

Bad uta u phria u la shoh baroh kylleng ka ri Ijipt ïa baroh kat kiba ha ka lyngkha, ïa u briew ruh bad ïa u mrad; bad uta u phria u la shoh ruh ïa ki jhur ka lyngkha baroh, u la pynkheiñ ruh ïa u dieng baroh jong ka lyngkha.

ISAÏAH 30:30

Te U Trai un pynïohsngew ïa ka jingsawa ba-donburom jong u, bad un pyni ïa ka jinghiar ka ksang'ti jong u, lem bad ka jingshla ka jingbitar jong u, bad ka thylliej ding ka ding babam duh, lem bad ka lyer kyrthep, bad ka 'erïong, bad u phria.

ESEKIEL 1:4

Te nga la khmih, bad ha khmih, ka 'erïong ka la wan na shatei, u lyoh bakhraw, lem bad ka ding kaba lyngwit ha lade, bad ka jingthaba baroh sawdong ïa ka, bad napdeng jong ka, i kum ka rong ka laha, napdeng kata ka ding keiñ.

ESEKIEL 13:13

Namar kata, kumne u ong U Trai U Blei: Ngan pynkad keiñ ïa ka da ka 'erïong ha ka jingkhih bitar jong nga; bad kan don u 'lap praw u ban da shlei ha ka jingbitar jong nga, bad ki phria bakhraw ha ka jingkhih bitar ïa ka ban pynduh ïa ka.

MATHAÏOS 24:21

Naba hangta, ka kordit bah kan long, kat kaba ym pat ju long naduh myndanglong ka pyrthei haduh mynta, em, lymne kan ym long shuh ruh.