EKSODOS 9:23 - KA BAIBL

²³ Bad u Moses u la kner ïa la u diengduh sha bneng: bad U Trai u la phah da ki pyrthat bad da u phria, bad ka ding ruh ka la nang pur halor ka khyndew; bad U Trai u la pynhap ïa u phria halor ka ri Ijipt.

Khasi CL Bible (BSI)

²³ Kumta u Moses u rah ïa la u diengduh shajrong, bad U Trai u phah ïa u pyrthat bad ïa u phria, bad ka leilieh ruh ka la tied ïa ka khyndew. U Trai u phah ïa u phria uba jur, lem bad ka leilieh kaba thaba.

EKSODOS 9:23 ပူးပေါင်းရင်းမြစ်များ

JENESIS 19:24

Ynda kumta, U Trai u la pynhap slap halor ka Sodom bad Gomorra da u kyndok bad da ka ding na U Trai na bneng;

Ka Kitab U Job 37:13

la ka long khnang ïa ka jingsneng, lane ïa la ka khyndew, lane ïa ka jingisynei, ba u pynwan ïa ka.

SALM 147:17

U shat ïa u thah kum ki lyngkhot: uei uba lah ban shah ïa ka jingkhriat jong u?

SALM 148:8

ka ding bad u phria, ka ïor bad ka jynhaw; ka lyer ba khie 'erïong, ba leh ïa ka ktien jong u:

SALM 18:13

U Trai u la riew pyrthat ruh ha ki bneng bad uta U Bahakhlieh Tam u la pynjam ïa la ka ktien; u phria bad ka rnga ding barhem.

SALM 29:3

Ka ktien sawa U Trai ka halor ki um: U Blei ka burom u riew pyrthat, U Trai keiñ halor bun ki um.

SALM 77:18

Ka jingsawa u pyrthat jong me ka la don ha ka lyer langthari; ki leilieh ki la pynshai ïa ka pyrthei: ka khyndew ka la khynñiuh bad ka la khih.

EKSODOS 19:16

Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

EKSODOS 20:18

Uta u paidbah baroh te u la ïohi ïa kita ki pyrthat, bad ïa kita ki leilieh, bad ïa kata ka jingsawa ka turoi, bad ïa uta u lum u da mih tdem: te haba uta u paidbah u la ïohi, u la kynriah noh, bad u la ïeng noh na sha jngai.

EKSODOS 9:18

Ha khmih, lashai hamar kane ka por ngan pynhap da u phria uba jur eh, kat uta ym ju don ha ka ri Ijipt naduh ba ka dang long haduh mynta.

EKSODOS 9:24

Kumta, la don u phria, bad ka ding ba la ïakhleh lem bad uta u phria bapynshitom eh, ym shym la don kat uta ha ka ri Ijipt baroh naduh ba ka la man jaid bynriew.

ISAÏAH 30:30

Te U Trai un pynïohsngew ïa ka jingsawa ba-donburom jong u, bad un pyni ïa ka jinghiar ka ksang'ti jong u, lem bad ka jingshla ka jingbitar jong u, bad ka thylliej ding ka ding babam duh, lem bad ka lyer kyrthep, bad ka 'erïong, bad u phria.

ESEKIEL 38:22

Te ngan ïasaid bad u da ka khlam bad da ka snam ruh; bad ngan pynhap slap halor jong u, bad halor ki kynhun jong u, bad halor kiba bun ki kynja bynriew kiba don ryngkat bad u, da u 'lap praw ba theh, bad da u phria bakhraw, da ka ding, bad da u kyndok de.

JOSHUA 10:11

Ka la jia ruh, katba ki la phet ïap na khmat ki Israel, haba ki la don ha ka jur Beth-horon, ba U Trai u la pynhap ki maw bakhraw halor jong ki na bneng haduh Asekah, bad ki la ïap: ki la long ruh kham bun kiba la ïap da u phria ban ïa kita ba ki khun Israel ki la pynïap da ka waitlam.

JINGPYNPAW 16:18

Te la don ki leilieh, bad ki jingsawa, bad ki pyrthat; bad la don ka jingkhynñiuh jumai bakhraw, kat kata kam ju la long naduh ba la long ki briew ha ka khyndew, ka jingkhynñiuh jumai bajur eh katta katta, bad kaba khraw katta katta.

JINGPYNPAW 16:21

Bad u phria bakhraw, kat ka jingthew shi talent, u la hap na bneng halor ki briew: te ki briew ki la ïakrenbeiñ ïa U Blei namar kata ka jingïapthem jong u phria; naba kata ka jingïapthem jong u ka la long kaba khraw eh.

JINGPYNPAW 8:7

Te uta u banyngkong u la pynsawa; bad la jia long u phria bad ka ding ïa kiba la khleh da ka snam, bad la bred ïa ki shalor ka khyndew; te ïa ka balai ka bynta na ka jong ka khyndew bad ïa ka balai ka bynta na ka jong ki dieng la thang noh, bad ïa u phlang bajyrngam baroh la thang noh.