EKSODOS 9:14 - KA BAIBL

¹⁴ Naba ha kane ka por, ngan sa phah ïa ki jingpynshitom jong nga baroh halor ka dohnud jong me, bad halor ki shakri jong me, bad halor ki briew jong me; khnang ba men ïoh tip ba ym don uba kat nga ha ka pyrthei baroh.

Khasi CL Bible (BSI)

¹⁴ Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

EKSODOS 9:14 ပူးပေါင်းရင်းမြစ်များ

2 SAMUEL 7:22

Namar kata, me long u bakhraw, A Trai U Blei; naba ym don uba kat ma me, lymne ym don U Blei nalor jong me, katba kum kata baroh ïa kaba ngi la ïohsngew da la ki shkor.

1 SYIEM 8:38

kano kano ka jingduwai bad ka jingkyrpad ba pynlong da uno uno u briew, lane da ki briew jong me ki Israel baroh, uba tip marwei marwei ïa ka jingshitom la ka jong ka dohnud, bad u rah ïa la ki kti sha kane ka ïing:

1 KHRONIKL 17:20

A Trai, ym don uba kat ma me, lymne ym don U Blei nalor jong me, katba kum kata baroh ba ngi la ïohsngew da la ki shkor.

SALM 86:8

Ym don uba kat ma me hapdeng ki blei, A Trai; lymne ki kam kum ki kam jong me.

EKSODOS 15:11

“Uei uba kat ma me, A Trai, hapdeng ki blei? uei uba kat ma me uba tyngshaiñ ha ka jingkhuid, uba itieng ha ki jingïaroh, uba leh ïa ki kam phylla?

EKSODOS 8:10

U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 8:6

Te u Aaron u la kner ïa la ka kti halor kita ki um ka Ijipt; bad ki jakoid ki la ïamih, bad ki la ïatyllup ïa ka ri Ijipt.

EKSODOS 9:15

Naba lada nga la lah kner ïa la ka kti, bad shoh ïa me bad ïa ki briew jong me da ka jingïapthem, te ïa me la lah ot noh na ka pyrthei;

ISAÏAH 45:5

Nga, nga long U Trai, te ym don uwei pat: nalor jong nga ym don U Blei: ngan panpoh ïa me, la mem shym la ithuh ïa nga:

ISAÏAH 46:9

To kynmaw ïa kiei kiei kiba mynshuwa na mynbarim: namar nga, nga long U Blei, bad ym don uwei pat; nga long U Blei, bad ym don uba kat nga;

JEREMAÏAH 10:6

Ym don uba kum ma me, A Trai; me long u bakhraw, bad ka kyrteng jong me ka long ka bakhraw ha ka bor.

JEREMAÏAH 10:7

Uei u ban ym sheptieng ïa me, ko Syiem ki jaid bynriew? Naba ka ïadei ïa me: namar hapdeng ki riewstad baroh jong ki jaid bynriew bad ha ki jinglong syiem jong ki baroh, kat ma me ym ju don.

JEREMAÏAH 19:8

Bad ngan pynlong ka jinglyngngoh, bad ka jingkynshi, ïa kane ka shnong; uwei uwei baroh uba ïaid nangta un lyngngoh bad un kynshi namar ki jingïapkhlam jong ka baroh.

DANIEL 5:21

bad la beh ïa u na u khun bynriew; bad la pynlong ïa ka dohnud jong u kum ki mrad, bad ka jaka shong jong u ka la long ryngkat bad ki kadda khlaw; la pynbam phlang ïa u kum ki masi dab, bad ka met jong u ka la jhieh da ka umjer bneng: tad ynda u la tip ba U Blei U Bahakhlieh Tam Eh u synshar ha ka hima ki briew, bad ba u buh halor jong ka ïa uba u mon hi.

LEBITIKOS 26:18

Bad lada hadien kine kiei kiei ruh phin ym shahshkor ïa nga pynban, ynda kumta, ngan pynshitom ïa phi kham tam hynñiew shah namar ki pop jong phi.

LEBITIKOS 26:21

“Bad lada phin ïaid pyrshah ïa nga, bad phin ym mon shuh ban shahshkor ïa nga; ngan pynroi hynñiew shah halor jong phi da ki jingshah kordit katba kum ki pop jong phi.

LEBITIKOS 26:28

nga ruh ngan ïaid pyrshah ïa phi da ka jingbitar; bad nga hi ngan pynshitom ïa phi hynñiew shah kham jur pat namar ki pop jong phi.

MIKAH 6:13

Namar kata, nga ruh, nga la shoh ïa pha da ka jingmong kaba shitom; nga la pynjot ïa pha namar ki pop jong pha.

DEUTERONOMI 3:24

‘A Trai uba U Blei, me la sdang ban pyni ha la u shakri ïa ka jingkhraw jong me, bad ïa ka kti badonbor jong me: naba uno u blei uba ha ki bneng lane ha ka khyndew, uba lah ban leh katba kum ki jingleh jong me, bad katba kum ki bor jong me?

DEUTERONOMI 4:35

Ha me keiñ la pyni ïa kane, khnang ba men ïoh tip ba U Trai u long U Blei; ym don uwei pat, tang ma u.

JINGPYNPAW 18:8

Namar kane, kita ki jingïapthem jong ka kin ïawan ha kawei ka sngi, ka jingïap, bad ka jingsngewsih, bad ka 'nemsniew: bad yn thang duh ïa ka da ka ding; naba u bakhrawbor long U Trai uba U Blei uba bishar ïa ka.”

JINGPYNPAW 22:18

Nga phla ha uwei pa uwei baroh uba ïohsngew ïa ki ktien jong ka jingïathuhlypa kane ka kitab: Lada uei uei ruh un da pynlang ha kine, U Blei un pynlang ha uta ïa kita ki jingïapthem ïa kiba la thoh ha kane ka kitab:

1 SAMUEL 4:8

Kordit ïa ngi! uei u ban pynim ïa ngi na ka kti jong kine ki blei kiba don bor? Dei kine ki blei kiba la shoh ïa ki Ijipt da kita ki jingïapthem baroh ha kata ka ri khlaw.