EKSODOS 8:8 - KA BAIBL

⁸ Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

Khasi CL Bible (BSI)

⁸ U Pharaoh u la phah khot ïa u Moses bad ïa u Aaron, bad u ong, “To kyrpad ïa U Trai ba un shim noh ïa kine ki jakoid, bad ngan sa pyllait ïa ki briew jong phi ba kin ïoh kñia ainguh ha U Trai.”

EKSODOS 8:8 ပူးပေါင်းရင်းမြစ်များ

1 SYIEM 13:6

Te u syiem u la ïathuh bad u la ong ha uta u briew U Blei, “To kyrpad mynta ïa ka jingisynei U Trai U Blei jong me, bad to duwai na ka bynta jong nga, ba yn pynbha pat ïa ka kti jong nga.” Te uta u briew U Blei u la kyrpad ïa U Trai, bad ïa ka kti u syiem la pynbha pat, bad ka la long kumba mynshuwa.

SALM 66:3

To ong ha U Blei, “Katno kiba itriem ki long ki kam jong me! Namar ka jingkhraw ka bor jong me, ki nongshun jong me kin pynkohnguh ïa lade ha me.

EKSODOS 10:16

Ynda kumta, u Pharaoh u la khot ïa u Moses bad ïa u Aaron da kaba kyrkieh; bad u la ong, “Nga la leh pop ïa U Trai U Blei jong phi, bad ïa phi ruh.

EKSODOS 10:17

Mynta te, nga kyrpad ïa me, to map ïa ka pop jong nga sa tang kane shi sien hi, bad to kyrpad ruh ïa U Trai U Blei jong phi, ba un shim noh na nga sa tang kane ka jingpynïap.”

EKSODOS 10:18

Te ynda u la leit noh na u Pharaoh, u la kyrpad ha U Trai.

EKSODOS 14:5

Te la ïathuh ha u syiem ka ri Ijipt ba uta u paidbah u da ïaphet noh: te ka dohnud u Pharaoh bad ka jong ki shakri jong u ka la kylla pyrshah ïa uta u paidbah, ki la ïa-ong ruh, “Balei ngi la leh ïa kane, ba ngi la pyllait noh ïa ki khun Israel na kaba shakri ïa ngi?”

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 5:2

Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

EKSODOS 8:29

Te u Moses u la ong, “Ha khmih, ngan leit mih noh na me, bad ngan kyrpad ruh ha U Trai ba kine ki bun jaid ki skain kin kynriah noh lashai na u Pharaoh, bad na ki shakri jong u, bad na ki briew jong u ruh: hynrei, wat ai ba u Pharaoh un shukor shuh da kaba un ym pyllait noh ïa u paidbah ba kin ïoh kñia ha U Trai.”

EKSODOS 8:32

Te u Pharaoh u la pyneh ïa la ka dohnud ha kane ruh, bad um shym la pyllait noh ïa uta u paidbah.

EKSODOS 8:9

Bad u Moses u la ong ha u Pharaoh, “To ïoh kane ka burom halor jong nga: hamar kano ka por ba ngan kyrpad na ka bynta jong me, bad na ka bynta ki shakri jong me, bad na ka bynta ki briew jong me, ïa ka ban pynduh noh ïa kine ki jakoid na me hi, bad na ki ïing jong me ruh, ba kin long sa tang ha kata ka wah?”

EKSODOS 9:27

Te u Pharaoh u la phah khot ïa u Moses bad ïa u Aaron, bad u la ong ha ki, “Ha kane shi sien nga la leh pop: U Trai u long u bahok, ma nga te bad ki briew jong nga ngi long ki bymman.

EKSODOS 9:28

To kyrpad ïa U Trai; naba katne ki la biang ki pyrthat U Blei bad u phria; te ngan pyllait noh ïa phi, bad phin ym shong shuh.”

EKSODOS 9:33

Te u Moses u la mih noh na u Pharaoh shabar kata ka nongbah, bad u la kner ïa la ki kti sha U Trai: te uta u pyrthat bad uta u phria de ki la jah noh, bad ym shym la pynhap shuh ïa u slap ha ka khyndew.

JINGKHEIÑ 21:7

Te namar kata, kita ki briew ki la wan ha u Moses, ki la ong ruh, “Ngi la leh pop, ba ngi la kren pyrshah ïa U Trai, bad pyrshah ïa me ruh; to duwai ha U Trai, ba un shim noh ïa kine ki bseiñ napdeng jong ngi.” Bad u Moses u la duwai na ka bynta uta u paidbah.

KI KAM 8:24

U Simon te u la ïathuh bad u la ong, “To duwai ma phi na ka bynta jong nga ha U Trai, ba kawei ruh na kita ïa kiba phi la kren, kan ym jia ha nga!”

1 SAMUEL 12:19

Te u paidbah baroh u la ong ha u Samuel, “To duwai na ka bynta ki shakri jong me ha U Trai uba U Blei jong me, ba ngin ym ïap: namar ngi la pynlang ha ki pop jong ngi baroh sa kane ka jingbymman, ha kaba pan syiem.”