EKSODOS 8:3 - KA BAIBL

³ bad kata ka wah kan boi da ki jakoid, ki ban sa kiew, kin ïarung ruh shapoh ïing jong me, bad sha ka kamra thiah jong me, bad halor ka jingthiah jong me, bad shapoh ïing ki shakri jong me, bad halor ki briew jong me de, bad sha ki jaka shet kpu jong me, bad sha ki kpu im jong me ruh;

Khasi CL Bible (BSI)

³ Ka wah Nile kan jyllei da ki jakoid kat haduh ba kin kynthih na wah bad rung shapoh ïingsyiem jong me, sha kamra thiah jong me bad halor jingthiah jong me, sha ki ïing jong ki rangbah synshar bad ki briew jong me, bad wat ha ki jaka shet kpu jong me bad ki khiew shet kpu jong me.

EKSODOS 8:3 ပူးပေါင်းရင်းမြစ်များ

2 KHRONIKL 22:11

Hynrei, ka Jehoshabeath, ka khun u syiem, ka la shim ïa u Joash u khun u Ahasaïah, bad ka la tuh noh ïa u napdeng ki khun u syiem ïa kiba la pynïap noh, bad ka la buh ïa u bad ïa ka aïa jong u ha ka kamra thiah. Kumta, ka Jehoshabeath, ka khun u syiem Jehoram, ka tnga u Jehoïada u lyngdoh, (namar ka long ka para u Ahasaïah) ka la buhrieh ïa u na ka Athaliah, kumta ba kam shym la pynïap ïa u.

SALM 105:30

Ka ri jong ki ka la boi da ki jakoid, ha ki kamra ki syiem jong ki keiñ.

EKSODOS 10:6

bad kin sa pyndap ïa ki ïing jong me, bad ïa ki ïing ki shakri jong me baroh, bad ïa ki ïing ki Ijipt baroh; kat kita lymne ki kpa jong me lymne ki kpa ki kpa jong me, kim shym la ïohi, naduh kata ka sngi ba ki la mih ha ka pyrthei haduh kane ka sngi.’ ” Te haba u la phai, u la mih noh na u Pharaoh.

EKSODOS 12:34

Uta u paidbah te u la shim ïa u kpu im jong ki haba ym pat la khleh thiat, ki la ïasong ruh ïa u kpu im jong ki ha la ki jaiñkup ba ki da bah ha la ki tyrpeng.

EKSODOS 7:11

Ynda kumta, u Pharaoh ruh u la khot ïa ki riewstad, bad ïa ki nongleh byrtong: te ki nongleh byrtong ka ri Ijipt, ki hi ruh ki la leh kumjuh da ki jingleh myntor jong ki.

EKSODOS 8:11

Bad kita ki jakoid kin ïaleit noh na me, bad na ki ïing jong me, bad na ki shakri jong me, bad na ki briew jong me; kin long sa tang ha kata ka wah.”

EKSODOS 8:2

Te lada mem treh ban pyllait noh ïa ki, ha khmih, ngan shoh ïa ki phang jong me baroh da ki jakoid:

EKSODOS 8:4

kita ki jakoid te kin ïarynsied halor jong me, bad halor ki briew jong me, bad halor ki shakri jong me baroh.” ’ ”