EKSODOS 8:27 - KA BAIBL

²⁷ Lai sngi lynti ngin ïaleit sha kata ka ri khlaw, ïa ka ban kñia ha U Trai U Blei jong ngi, katba un hukum ïa ngi.”

Khasi CL Bible (BSI)

²⁷ Ngi dei ban leit lai sngi lynti sha ka ri shyiap ban kñia ainguh ha U Trai U Blei jong ngi, kumba u la hukum ïa ngi.”

EKSODOS 8:27 ပူးပေါင်းရင်းမြစ်များ

EKSODOS 10:26

Ki jingri jong ngi ruh kin ïaleit lem bad ngi; yn ym iehnoh ïa kawei ka khnap hadien; naba na kita keiñ ngin ïashim ban ïamane ïa U Trai U Blei jong ngi; te ngim tip da ei ngi dei ban mane ïa U Trai, katba ngim pat poi hangta.”

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 34:11

“To men sumar ïa kata kaba nga hukum ïa me ha kane ka sngi: ha khmih, ngan beh noh na khmat jong me, ïa ki Amor, bad ïa ki Kanaan, bad ïa ki Hit, bad ïa ki Peris, bad ïa ki Hib, bad ïa ki Jebus.

EKSODOS 5:1

Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

EKSODOS 5:3

Ki te ki la ïathuh, “U Blei jong ki Hebru u la ïashem bad ngi: to shah ba ngin leit, ngi kyrpad ïa me, lai sngi lynti sha kata ka ri khlaw, ba ngin ïoh kñia ainguh ha U Trai uba U Blei jong ngi; ïoh ba un pynhap halor jong ngi da ka jingïapthem, lane da ka waitlam.”

LEBITIKOS 10:1

Ynda kumta, u Nadab bad u Abihu, ki khun u Aaron, ki la ïashim ïa la ki khiew thang jingiwbih, bad ki la buh ding ha ki, bad ki la buh halor kata ïa ka jingiwbih thang, bad ki la ïakñia ainguh ha khmat U Trai da ka ding khyllah, ïa kaba um shym la hukum ïa ki.

MATHAÏOS 28:20

da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.”