EKSODOS 8:26 - KA BAIBL

²⁶ U Moses te u la ong, “Kam bit ban leh kumta; namar ngin kñia ïa ka jingisih ki Ijipt ha U Trai uba U Blei jong ngi: ha khmih, lada ngin ïakñia ïa ka jingisih ki Ijipt ha khmat jong ki, hato kin ym lynthem ïa ngi?

Khasi CL Bible (BSI)

²⁶ Hynrei u Moses u jubab, “Kam long kaba dei ba ngin leh kumta, namar ki nong Ijipt kin thut haba ngin kñia ïa ki mrad kiba ngi ai sha U Trai U Blei jong ngi. Lada ngi pyndonkam ïa kine ki mrad bad pynmong ïa ki nong Ijipt da kaba kñia ïa kine ki jingri ha ka jaka ba ki lah ban ïohi, kin sa lynthem maw ïa ngi.

EKSODOS 8:26 ပူးပေါင်းရင်းမြစ်များ

JENESIS 43:32

Kumta, ki la buh ïa ka jingbam ïa u kyrpang, bad ïa ki ruh kyrpang, bad ïa ki Ijipt kiba la ju bam ryngkat bad u ruh de, kyrpang; namar ki kynja Ijipt kim lah bam jingbam lem bad ki kynja Hebru; namar kata ka long kaba ijli da ki kynja Ijipt.

JENESIS 46:34

Te phin ïathuh, ‘Ki shakri jong me ki la ju long kiba ri jingri naduh ba ngi dang long samla haduh mynta, ma ngi ruh bad ki kpa tymmen jong ngi:’ ba phin ïoh shong duh keiñ ha ka ri Goshen; naba u kynja nongsharai langbrot baroh u long ka jingijli ha ki Ijipt.”

2 SYIEM 23:13

Bad ïa ki jaka bajrong kiba ha khmat ka Jerusalem, kiba sha kamon u lum ka jingtngit, kiba u Solomon u syiem ki Israel u la lah tei ïa ka Ashtoreth ka jingijli ki nong Sidon, bad ïa u Khemosh ka jingijli ki Moab, bad ïa u Milkom ka jingijli ki khun u Ammon, ïa kita u syiem u la pynsang.

ESRA 9:1

Ynda la pyndep ïa kine kiei kiei, ki rangbah ki la ïashur jan sha nga, ki ïa-ong, “U paidbah ki Israel, bad ki lyngdoh bad ki Lebi, kim shym la pynkyrpang ïa lade na ki briew kine ki ri, ki da leh katba kum ka jingijli jong ki, ki jong ki Kanaan, ki Hit, ki Peris, ki Jebus, ki Ammon, ki Moab, ki Ijipt, bad ki Amor.

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

ISAÏAH 44:19

Bad ym don uba puson ha la ka dohnud, lymne ym don ka jingtip lane ka jingshemphang ïa ka ban ong, “Shi bynta nga la thang ding; bad nga la shet kpu ruh ha ki rnga jong u; nga la syang doh bad nga la bam: hato ngan pynlong ïa kaba sah, ka jingijli? Ngan dem ha ka met u dieng?”