EKSODOS 8:22 - KA BAIBL

²² Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

Khasi CL Bible (BSI)

²² Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri.

EKSODOS 8:22 ပူးပေါင်းရင်းမြစ်များ

JENESIS 46:34

Te phin ïathuh, ‘Ki shakri jong me ki la ju long kiba ri jingri naduh ba ngi dang long samla haduh mynta, ma ngi ruh bad ki kpa tymmen jong ngi:’ ba phin ïoh shong duh keiñ ha ka ri Goshen; naba u kynja nongsharai langbrot baroh u long ka jingijli ha ki Ijipt.”

SALM 110:2

U Trai un phah noh ïa u dieng ka bor na ka Seïon, “To synshar ma me hapdeng ki nongshun jong me.”

SALM 74:12

Pynban, U Blei u long U Syiem jong nga naduh mynno mynno, uba trei ïa ka jingpynim hapdeng ka khyndew.

EKSODOS 10:23

kim ïaïohi shuh paralok hi, lymne uno uno ruh um shym la ïeng na la ka jaka lai sngi: hynrei, ha ki khun Israel baroh la don ka jingshai ha ki jaka shong jong ki.

EKSODOS 12:13

Kata ka snam te kan sa long ka dak ïa phi ha ki ïing ha kiba phi don: bad haba nga ïohi ïa kata ka snam, ngan ïaid palat ïa phi, bad kata ka jingpynïap kan ym long ïa ka ban pynjot ïa phi, haba nga shoh ïap ïa ka ri Ijipt.

EKSODOS 19:5

Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

EKSODOS 20:11

naba ha ki hynriew sngi, U Trai u la thaw ïa ka bneng bad ïa ka khyndew, ïa ka duriaw ruh, bad ïa baroh katba don ha ki, u la shong sngi ruh ha kata ka sngi ka bahynñiew: namar kata, U Trai u la kyrkhu ïa ka sngi Sabbaton, bad u la pynkyntang khuid ïa ka ruh.

EKSODOS 7:17

Kumne u ong U Trai, “Da kane men sa tip ba ma nga, nga long U Trai: ha khmih, nga ngan shoh da une u diengduh uba ha ka kti jong nga halor kita ki wah, te kin sa kylla snam.

EKSODOS 7:5

Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

EKSODOS 8:10

U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 8:21

Hynrei, lada men ym pyllait noh ïa u paidbah jong nga, ha khmih, ngan phah ïa ki bun jaid ki skain ha me, bad ha ki shakri jong me, bad ha ki briew jong me ruh, bad hapoh ki ïing jong me; bad ki ïing ki Ijipt kin dap da ki bun jaid ki skain, bad kata ka khyndew ruh ha kaba ki don.

EKSODOS 8:23

Bad ngan buh ïa ka jingïapher hapdeng ki briew jong nga bad ki jong me: te lashai keiñ kan long kane ka dak.” ’ ”

EKSODOS 9:26

Tang ha ka ri Goshen, ha kaba la shong ki khun Israel, ym shym la don phria.

EKSODOS 9:29

Te u Moses u la ong ha u, “Haba nga dang shu mih noh na kane ka nongbah, ngan sa kner ïa la ki kti sha U Trai; te uta u pyrthat un duh, bad uta u phria ruh un ym hap shuh; khnang ba men ïoh tip ba ka pyrthei ka long ka jong U Trai.

EKSODOS 9:4

U Trai ruh un pynïapher ïa ki jingri jong ki Israel bad ki jingri ka ri Ijipt; ba kan ym ïap kaei kaei ruh em kaba dei ka jong ki khun Israel.” ’ ”

EKSODOS 9:6

U Trai u la leh ruh ïa kata ha kaba lashai, bad ki jingri baroh jong ka ri Ijipt ki la ïap noh: hynrei, na ki jingri jong ki khun Israel kawei ruh kam shym la ïap.

ESEKIEL 30:19

Kumne ngan leh ïa ki jingbishar ha Ijipt: bad kin tip ba nga long U Trai.”

MALAKHI 3:18

Hangta te phin phai bad phin sngewthuh ïa u bahok na u bymman, bad ïa uba shakri ïa U Blei na uta u bym shakri ïa u.”