EKSODOS 8:19 - KA BAIBL

¹⁹ Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

Khasi CL Bible (BSI)

¹⁹ Te kita ki nongleh myntor ki ong ha u Pharaoh, “U Blei u la leh ïa kane.” Hynrei u Pharaoh u dang mutlop bad kumba U Trai u la lah ong, um shym la shahshkor ïa u Moses bad u Aaron.

EKSODOS 8:19 ပူးပေါင်းရင်းမြစ်များ

JENESIS 41:24

Bad kita ki rynjup soh Kew ki baswai ki la nguid noh ïa kita ki hynñiew tylli ki rynjup soh Kew ki babha: bad ïa kane nga la ïathuh ha ki nongkren shwar; hynrei, ym don ba lah ban batai ïa ka ha nga.”

SALM 8:3

Haba nga pyrkhat ïa ki bneng jong me, ka kam ki shynriah'ti jong me, u bnai bad ki khlur kiba me la buh;

EKSODOS 10:23

kim ïaïohi shuh paralok hi, lymne uno uno ruh um shym la ïeng na la ka jaka lai sngi: hynrei, ha ki khun Israel baroh la don ka jingshai ha ki jaka shong jong ki.

EKSODOS 10:7

Te ki shakri u Pharaoh ki la ïa-ong ha u, “Slem katno une u briew un long ka jingriam ïa ngi? To pyllait noh ïa kita ki briew, ba kin ïoh shakri ïa U Trai U Blei jong ki: balei mem pat tip ba la pynjot ïa ka ri Ijipt?”

EKSODOS 11:7

Hynrei, ïa uwei ruh na ki khun Israel, u ksew un ym pynkhih ïa la u thylliej, ïa u briew lane ïa u mrad: khnang ba phin ïoh tip ba U Trai u buh ka jingïapher hapdeng ki Ijipt bad ki Israel.’

EKSODOS 7:13

Te la pyneh ïa ka dohnud u Pharaoh, bad kumta, um shym shahshkor ïa ki; kumba U Trai u la lah ong.

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 7:5

Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

EKSODOS 9:26

Tang ha ka ri Goshen, ha kaba la shong ki khun Israel, ym shym la don phria.

EKSODOS 9:4

U Trai ruh un pynïapher ïa ki jingri jong ki Israel bad ki jingri ka ri Ijipt; ba kan ym ïap kaei kaei ruh em kaba dei ka jong ki khun Israel.” ’ ”

DANIEL 2:19

Ynda kumta, la pynpaw ïa kata ka jingbuhrieh ha u Daniel ha ka jingithuhpaw mynmiet. Ynda kumta, u Daniel u la kyrkhu ïa U Blei ka bneng.

MATHAÏOS 12:28

Hynrei, lada nga beh noh ïa ki ksuid da U Mynsiem U Blei, kumta te, ka hima U Blei ka la wan shisyndon ha phi.

LOUKAS 11:20

Hynrei, lada nga beh noh ïa ki ksuid da ka shynriah'ti U Blei, te kumta ka hima ka jong U Blei ka la wan ha phi.

ÏOANNIS 11:47

Ynda kumta, ki rangbah lyngdoh bad kita ki Pharisi, ki la ïalang dorbar, bad ki la ïa-ong, “Ngi leh aïu? naba une u briew u leh shibun ki dak khyllah;

KI KAM 4:16

ki da ong, “Aïu ngin leh ïa kine ki briew? namar shisha ba ïa ka dak khyllah ba-donnam la leh da ki, ka la paw shai ha baroh kiba shong ha Jerusalem; bad ïa kata ngim lah ban len.

1 SAMUEL 6:3

Ki te ki la ong, “Lada phin phah noh ïa ka synduk U Blei ki Israel, wat phah noh suda ïa ka; hynrei, la kumno kumno phin ai ha u ïa ka jingainguh namar ka jingpalat: te kumta yn pynkhiah ïa phi, bad phin ïoh tip namar balei ba ka kti jong u kam pat kynriah na phi.”

1 SAMUEL 6:9

Phin khmih ruh, lada ka leit kiew na kata ka lynti ka phang jong ka hi sha Beth-shemesh, te kumta u la pynngat ma u ïa kane ka jingsniew ka bakhraw halor jong ngi: hynrei, lada em, ngin ïoh tip ba ym dei ka kti jong u ba la shoh ïa ngi; kane ka la shu jia ryngkhat ha ngi.”