EKSODOS 8:17 - KA BAIBL

¹⁷ Bad ki la leh kumta; bad u Aaron u la rah ïa la ka kti bad la uta u diengduh, bad u la shoh ïa ka 'dewmet jong ka khyndew, te ka la kylla jynreiñ ha u briew bad ha u mrad; ka 'dewmet jong ka ri baroh keiñ ka la kylla jynreiñ ha ka ri Ijipt kylleng baroh.

Khasi CL Bible (BSI)

¹⁷ Kumta u Aaron u shoh ïa ka khyndew da la u diengduh; te u pui pui baroh ha Ijipt u kylla mait, bad kumta la boi da u mait ha u briew bad ha u mrad.

EKSODOS 8:17 ပူးပေါင်းရင်းမြစ်များ

SALM 105:31

U la kren, te ki la mih ki kynhun ki skain, bad ki jynreiñ ha ka ri jong ki kylleng baroh.

SALM 78:45

U la phah ki kynhun ki skain hapdeng jong ki, kiba la bam duh ïa ki; bad ïa ki jakoid, kiba la pynjot ïa ki.

EKSODOS 4:23

bad nga la ong ha me, “To pyllait noh ïa u khun jong nga ba un ïoh shakri ïa nga;” te lada mem treh ban pyllait noh ïa u, ha khmih, ngan pynïap noh ïa u khun jong me, uba la kha nyngkong jong me keiñ.’ ”

EKSODOS 5:1

Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

EKSODOS 8:16

Te U Trai u la ong ha u Moses, “To ong ha u Aaron, ‘To kner noh ïa la u diengduh, bad to shoh ïa ka 'dewmet jong kane ka ri ba kan kylla jynreiñ ha ka ri Ijipt kylleng baroh.’ ”

ISAÏAH 23:9

U Trai ki paid u la thmu ïa ka ban pyntngit ïa ka jingsarong ka burom baroh, ban pynjahburom ïa kiba donburom jong ka ri baroh.

KI KAM 12:23

Te kumne kumne u angel U Trai u la shoh ïa u, namar um shym la ai ka burom ha U Blei; te la bam ka ksaiñ ïa u, bad u la dkut mynsiem noh.