EKSODOS 8:16 - KA BAIBL

¹⁶ Te U Trai u la ong ha u Moses, “To ong ha u Aaron, ‘To kner noh ïa la u diengduh, bad to shoh ïa ka 'dewmet jong kane ka ri ba kan kylla jynreiñ ha ka ri Ijipt kylleng baroh.’ ”

Khasi CL Bible (BSI)

¹⁶ U Trai u la ong ha u Moses, “Ong ïa u Aaron ban shoh ïa ka khyndew da u diengduh, ba u pui pui ha ka ri Ijipt baroh kawei un kylla mait.”

EKSODOS 8:16 ပူးပေါင်းရင်းမြစ်များ

SALM 105:31

U la kren, te ki la mih ki kynhun ki skain, bad ki jynreiñ ha ka ri jong ki kylleng baroh.

EKSODOS 4:23

bad nga la ong ha me, “To pyllait noh ïa u khun jong nga ba un ïoh shakri ïa nga;” te lada mem treh ban pyllait noh ïa u, ha khmih, ngan pynïap noh ïa u khun jong me, uba la kha nyngkong jong me keiñ.’ ”

EKSODOS 5:1

Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

EKSODOS 8:17

Bad ki la leh kumta; bad u Aaron u la rah ïa la ka kti bad la uta u diengduh, bad u la shoh ïa ka 'dewmet jong ka khyndew, te ka la kylla jynreiñ ha u briew bad ha u mrad; ka 'dewmet jong ka ri baroh keiñ ka la kylla jynreiñ ha ka ri Ijipt kylleng baroh.

EKSODOS 8:18

Bad kita ki nongleh byrtong ruh, ki la leh kumta, ban pynmih jynreiñ da ki jingleh myntor jong ki, hynrei, kim lah: kumta, la don kita ki jynreiñ ha u briew, bad ha u mrad.

EKSODOS 8:5

Bad U Trai u la kren ha u Moses, “To ong ha u Aaron, ‘To kner ïa la ka kti bad la u diengduh halor kita ki wah bah, bad halor kita ki wah duid, bad halor kita ki pung de, bad to pynmih ïa ki jakoid halor ka ri Ijipt.’ ”