EKSODOS 8:15 - KA BAIBL

¹⁵ Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

Khasi CL Bible (BSI)

¹⁵ Hynrei haba u Pharaoh u ïohi ba kita ki jakoid ki la ïap, u la kylla mutlop biang, bad kumba U Trai u la lah ong, u Pharaoh um shym la shahshkor ïa u Moses bad u Aaron.

EKSODOS 8:15 ပူးပေါင်းရင်းမြစ်များ

EKSODOS 14:5

Te la ïathuh ha u syiem ka ri Ijipt ba uta u paidbah u da ïaphet noh: te ka dohnud u Pharaoh bad ka jong ki shakri jong u ka la kylla pyrshah ïa uta u paidbah, ki la ïa-ong ruh, “Balei ngi la leh ïa kane, ba ngi la pyllait noh ïa ki khun Israel na kaba shakri ïa ngi?”

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 8:14

Te ki la ïa-pynlang ïa ki ha ki jaka jaka: kumta, kata ka ri ka la iwtung.

EKSODOS 8:16

Te U Trai u la ong ha u Moses, “To ong ha u Aaron, ‘To kner noh ïa la u diengduh, bad to shoh ïa ka 'dewmet jong kane ka ri ba kan kylla jynreiñ ha ka ri Ijipt kylleng baroh.’ ”

EKSODOS 8:28

Bad u Pharaoh u la ong, “Ngan shah ba phin ïaleit, ba phin kñia ha U Trai U Blei jong phi ha kata ka ri khlaw; hynrei, tang ba phin ym leit jngai eh: to duwai na ka bynta jong nga.”

EKSODOS 8:29

Te u Moses u la ong, “Ha khmih, ngan leit mih noh na me, bad ngan kyrpad ruh ha U Trai ba kine ki bun jaid ki skain kin kynriah noh lashai na u Pharaoh, bad na ki shakri jong u, bad na ki briew jong u ruh: hynrei, wat ai ba u Pharaoh un shukor shuh da kaba un ym pyllait noh ïa u paidbah ba kin ïoh kñia ha U Trai.”

EKSODOS 8:32

Te u Pharaoh u la pyneh ïa la ka dohnud ha kane ruh, bad um shym la pyllait noh ïa uta u paidbah.

EKSODOS 8:8

Ynda kumta, u Pharaoh u la khot ïa u Moses bad ïa u Aaron, bad u la ong, “To kyrpad ïa U Trai ba un shim noh ïa kine ki jakoid na nga, bad na ki briew jong nga; te ngan sa pyllait noh ïa uta u paidbah, ba kin ïoh kñia ha U Trai.”

PROBERB 26:11

Kum u ksew uba leit phai sha la ka prie, kumta long u babieit uba nang leh nang leh ïa la ka jingbieit.

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

EKLESIASTIS 8:11

Namar ba ïa ka jingrai ïa ka kam bymman ym pyndep shen, namar kata, ka dohnud ki khun bynriew ka thew bha ha ki ban leh bymman.

ISAÏAH 26:10

Lada yn pyni jingisynei ha u bymman, pynban, un ym hikai ïa ka hok; ha ka ri ka jingbeit un leh bymdei, bad un ym khmih ïa ka burom U Trai.

HOSIA 6:4

“Ko Ephraim, ïa-ei ngan leh ïa me? Ko Judah, ïa-ei ngan leh ïa me? naba ka jingbha jong phi ka long kum u lyoh step, bad kum ka umjer kaba duh noh shen.

HEBRU 3:15

katba dang ong, “Mynta ka sngi, lada phin ïohsngew ïa ka ktien jong u, to wat pyneh ïa ki dohnud jong phi, kumba ha kata ka jingpynkhih bitar.”

HEBRU 3:8

wat pyneh ïa ki dohnud jong phi, kumba ha kata ka jingpynkhih bitar, kum ha kata ka sngi ka jingtynjuh ha ka ri khlaw,

JINGPYNPAW 16:9

Kumta keiñ, la pynshit tyrha ïa ki briew da ka jingshit ka bakhraw: te ki la ïakrenbeiñ ïa ka kyrteng jong uta U Blei uba don ka bor halor kine ki jingïapthem; te kim shym la kylla-ka-bamut ban ai burom ha u.

1 SAMUEL 6:12

Bad kita ki masi ki la leit na kaba beit ka lynti sha ka lynti Beth-shemesh; na ka lynti bah keiñ ki la leit, ki da pah keiñ katba ki dang leit, bad kim shym la phai noh sha kamon lymne sha kadiang; kita ki doloi jong ki Philistia ki la bud nadien jong ki haduh ka pud Beth-shemesh.

1 SAMUEL 6:3

Ki te ki la ong, “Lada phin phah noh ïa ka synduk U Blei ki Israel, wat phah noh suda ïa ka; hynrei, la kumno kumno phin ai ha u ïa ka jingainguh namar ka jingpalat: te kumta yn pynkhiah ïa phi, bad phin ïoh tip namar balei ba ka kti jong u kam pat kynriah na phi.”

1 SAMUEL 6:6

Te balei phi pyneh ïa la ki dohnud, kumba ki Ijipt bad u Pharaoh ki la ïa-pyneh ïa ki dohnud jong ki? haba u la leh ïa kaba phylla hapdeng jong ki, ki kim shym la pyllait noh ïa ki paidbah, ki ruh ki la leit noh?

1 SAMUEL 6:9

Phin khmih ruh, lada ka leit kiew na kata ka lynti ka phang jong ka hi sha Beth-shemesh, te kumta u la pynngat ma u ïa kane ka jingsniew ka bakhraw halor jong ngi: hynrei, lada em, ngin ïoh tip ba ym dei ka kti jong u ba la shoh ïa ngi; kane ka la shu jia ryngkhat ha ngi.”