EKSODOS 7:5 - KA BAIBL

⁵ Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

Khasi CL Bible (BSI)

⁵ Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

EKSODOS 7:5 ပူးပေါင်းရင်းမြစ်များ

SALM 138:7

La nga ïaid hapdeng ki jingjynjar, me men pynshait ïa nga, men rah ïa la ka kti pyrshah ïa ka jingbitar ki nongshun jong nga, bad ka kti kamon jong me kan pynim ïa nga.

SALM 9:16

U Trai u la pynithuh ïa lade, u la pyndep ïa ka jingbishar: ïa u bymman la riam ha ka kam ki kti jong u hi. Higgaion. Selah.

EKSODOS 10:2

bad ba me ruh men pynsngew ha la ki khun, bad ha u khun jong u khun jong me, ïa kiei kiei kat kiba nga la leh ha ka ri Ijipt, bad ïa ki dak phylla jong nga ïa kiba nga la trei hapdeng jong ki; khnang ba phin ïoh tip ba ma nga, nga long U Trai.”

EKSODOS 10:7

Te ki shakri u Pharaoh ki la ïa-ong ha u, “Slem katno une u briew un long ka jingriam ïa ngi? To pyllait noh ïa kita ki briew, ba kin ïoh shakri ïa U Trai U Blei jong ki: balei mem pat tip ba la pynjot ïa ka ri Ijipt?”

EKSODOS 14:18

Ki Ijipt te kin sa tip ba ma nga, nga long U Trai, ynda nga la ïoh burom halor u Pharaoh, bad halor ki kali ïapom jong u, bad halor ki nongshong kulai jong u ruh.”

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 18:8

Te u Moses u la ïathuh naduh haduh ha la u kthaw kurim ïa kaba U Trai u la leh ha u Pharaoh bad ha ki Ijipt na ka bynta ki Israel, bad ïa ka jingjynjar baroh kaba la jia ha kata ka lynti, bad kumno ba U Trai u la pyllait noh ïa ki.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 7:17

Kumne u ong U Trai, “Da kane men sa tip ba ma nga, nga long U Trai: ha khmih, nga ngan shoh da une u diengduh uba ha ka kti jong nga halor kita ki wah, te kin sa kylla snam.

EKSODOS 8:10

U te u la ong, “Lashai.” Bad u la ong, “To kan long katba kum ka ktien jong me: ba men ïoh tip ba ym don uno uno ruh uba kum U Trai U Blei jong ngi.

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

EKSODOS 8:22

Bad ngan pynkyrpang ha kata ka sngi ïa ka ri Goshen, ha kaba ki ïashong u paidbah jong nga, ba kita ki bun jaid ki skain kin ym don hangta; khnang ba men ïoh tip ba nga long U Trai hapdeng ka pyrthei.

ESEKIEL 25:17

Bad ngan pynhiar ïa ka kput bakhraw halor jong ki da ki jingpynshitom ba-itieng; bad kin sa tip ba nga long U Trai, haba ngan pynhiar la ka kput halor jong ki.”

ESEKIEL 28:22

‘Kumne u ong U Trai U Blei: “ ‘ “Ha khmih, nga long pyrshah ïa pha, ko Sidon; bad yn pyndonburom ïa nga hapdeng jong pha: bad kin tip ba nga long U Trai, ynda nga la leh ïa ki jingbishar ha ka, bad ynda pynkyntang ïa nga ha ka.

ESEKIEL 32:15

“Haba ngan pynlong ka ri kynjah bad ki ri khlaw ïa ka ri Ijipt, ka ri ba la pynthylli noh ïa kata kaba ju dap, haba ngan shoh noh ïa kita baroh kiba shong ha ka, hangta keiñ, kin ïoh tip ba ma nga, nga long U Trai.

ESEKIEL 36:23

Te ngan pynkyntang ïa ka kyrteng bakhraw jong nga, ïa kaba la pyntngit sang hapdeng ki jaid bynriew, ïa kaba phi keiñ phi la pyntngit sang hapdeng jong ki; bad kita ki jaid bynriew kin ïoh tip ba nga long U Trai, haba la pynkyntang ïa nga ha phi ha khmat jong ki,’ ong U Trai U Blei.

ESEKIEL 39:22

Kumta, ka ïing Israel kan tip ba nga la long U Trai U Blei jong ki, naduh kata ka sngi bad hadien ruh.

ESEKIEL 39:7

“Bad ngan pyntip ïa ka kyrteng bakhuid jong nga hapdeng ki briew jong nga ki Israel; lymne ngan ym shah shuh ban pyntngit sang ïa ka kyrteng bakhuid jong nga: bad ki jaid bynriew kin ïoh tip ba nga long U Trai, U Bakhuid keiñ ha Israel.