EKSODOS 7:4 - KA BAIBL

⁴ Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 7:4 ပူးပေါင်းရင်းမြစ်များ

EKSODOS 10:1

Te U Trai u la ong ha u Moses, “To leit shapoh ha u Pharaoh: namar nga la pyneh ïa ka dohnud jong u, bad ïa ka dohnud ki shakri jong u, ba ngan ïoh pyni ïa kine ki dak phylla jong nga ha khmat jong u:

EKSODOS 11:9

U Trai te u la ong ha u Moses, “U Pharaoh un ym shahshkor ïa phi: ba ki dak khyllah jong nga kin nang bun ha ka ri Ijipt.”

EKSODOS 12:51

Bad ka la jia ba ha kata hi ka sngi ba U Trai u la wallam ïa ki khun Israel na ka ri Ijipt da ki paidbah.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 18:8

Te u Moses u la ïathuh naduh haduh ha la u kthaw kurim ïa kaba U Trai u la leh ha u Pharaoh bad ha ki Ijipt na ka bynta ki Israel, bad ïa ka jingjynjar baroh kaba la jia ha kata ka lynti, bad kumno ba U Trai u la pyllait noh ïa ki.

EKSODOS 3:19

Te nga tip skhem ba u syiem ka ri Ijipt un ym shah ïa phi ban leit, lymda da ka kti badonbor.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 6:1

Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

EKSODOS 6:26

Kine ki long uta u Aaron bad uta u Moses, ha kiba U Trai u la ong, “To wallam noh ïa ki khun Israel na ka ri Ijipt katba kum ki paid jong ki.”

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 7:13

Te la pyneh ïa ka dohnud u Pharaoh, bad kumta, um shym shahshkor ïa ki; kumba U Trai u la lah ong.

EKSODOS 7:16

Bad men ong ruh ha u, ‘U Trai, U Blei jong ki Hebru, u la phah ïa nga ha me, u da ong, “To da pyllait noh ïa ki briew jong nga, ba kin ïoh shakri ïa nga ha ri khlaw: te ha khmih, haduh mynta mem shahshkor satia.”

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

EKSODOS 8:19

Ynda kumta, kita ki nongleh byrtong ki la ong ha u Pharaoh, “Kane ka long ka shynriah'ti ka jong U Blei:” te pynban, la pyneh ïa ka dohnud u Pharaoh, bad um shym la shahshkor ïa ki; kumba U Trai u la lah ong.

EKSODOS 9:12

Bad U Trai u la pyneh ïa ka dohnud u Pharaoh, bad um shym shahshkor ïa ki, kumba U Trai u la lah kren ha u Moses.

EKSODOS 9:3

ha khmih, ka kti U Trai kan long halor ki jingri jong me kiba ha ka lyngkha, halor ki kulai, halor ki kadda, halor ki ut, halor ki masi de, bad halor ki langbrot ruh: kan wan ka jingïapkhlam ki mrad kaba jur eh.

PROBERB 19:29

Ïa ki jingbishar la khreh ïa ki nongrkhiebeiñ, bad ïa ki jingjngem ïa ka ingdong ki babieit.

ISAÏAH 26:9

Da la ka mynsiem nga la kwah ïa me mynmiet; shisha keiñ, da la ka mynsiem hapoh jong nga ngan wad ïa me dang step: namar haba ki jingbishar jong me ki ha ka khyndew, kiba shong ha ka pyrthei kin hikai ïa ka hok.

SNGEWSYNEI 3:3

Da shisha, pyrshah ïa nga u phai pat pa u phai pat ïa la ka kti baroh shi sngi.

ESEKIEL 14:21

Namar kumne u ong U Trai U Blei: “Sa katno lei lei haba nga phah ïa ki saw tylli ki jingpynshitom bajur jong nga halor ka Jerusalem, ïa ka waitlam, bad ïa ka 'nemsniew, bad ïa ki mrad barunar, bad ïa ka khlam, ban ot noh na ka bad briew bad mrad?

ESEKIEL 25:11

bad ngan leh ïa ki jingbishar halor u Moab; bad kin tip ba nga long U Trai.”

ESEKIEL 30:14

Bad ngan pynkynjah ïa ka Pathros, bad ngan buh ïa ka ding ha Soan, bad ngan leh ïa ki jingbishar ha No.

ESEKIEL 30:19

Kumne ngan leh ïa ki jingbishar ha Ijipt: bad kin tip ba nga long U Trai.”

JINGPYNPAW 15:4

Uei u ban ym tieng burom ïa me, A Trai, bad pyndonburom ïa ka kyrteng jong me? naba tang ma me hi u bakhuid. Naba ki kynja bynriew baroh kin ïawan bad kin ïamane dem ha khmat jong me, naba la pynpaw shynna ïa ki jingleh bahok jong me.”

JINGPYNPAW 16:7

Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

JINGPYNPAW 19:2

Naba kiba shisha bad ki bahok long kita ki jingbishar jong u; naba u la bishar ïa kata ka nuti ka bakhraw, kaba la ju pynpyut ïa kata ka khyndew da ka jingleh nuti jong ka, bad u pynhiar kput ïa ka na ka bynta ka snam kita ki shakri jong u.”

NONGBISHAR 2:15

Kat shaba ki la mih, ka kti U Trai ka la long pyrshah ïa ki, ïa ka ban sniew, kumba U Trai u la lah kren, bad kumba u la lah smai ha ki: te la pynjynjar sat ïa ki.