EKSODOS 7:3 - KA BAIBL

³ Te ngan pyneh ïa ka dohnud u Pharaoh, bad ngan pynbun ïa ki dak khyllah bad ïa ki jingphylla jong nga ha ka ri Ijipt.

Khasi CL Bible (BSI)

^3-4 Hynrei ngan pynmutlop ïa u Pharaoh, bad un ym shahshkor ïa me, kam pher katno kiei kiei kiba shyrkhei ba nga leh ha ka ri Ijipt. Nangta ngan wallam ka jingpynshitom kaba tyngeh ha ka Ijipt bad ngan ïalam ïa ki jait jong ki briew jong nga na ka ri Ijipt.

EKSODOS 7:3 ပူးပေါင်းရင်းမြစ်များ

NEHEMAÏAH 9:10

bad me la pyni ïa ki dak phylla bad ki jingphylla halor u Pharaoh, bad halor ki shakri jong u baroh, bad halor ki briew ka ri jong u baroh; namar me la tip ba ki la leh khraw halor ïa ki; bad me la ïoh nam ïa lade, kumba ha kane ka sngi.

SALM 135:9

Uba la phah ïa ki dak bad ki jingphylla hapdeng jong pha, ko Ijipt, halor u Pharaoh, bad halor ki shakri jong u baroh.

SALM 78:12

U la leh ïa kiei kiei kiba khyllah ha khmat ki kpa jong ki, ha ri Ijipt, ha ka madan Soan.

EKSODOS 11:10

U Moses ruh bad u Aaron ki la leh ïa kine ki dak khyllah baroh ha khmat u Pharaoh: te U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel na ka ri jong u.

EKSODOS 11:9

U Trai te u la ong ha u Moses, “U Pharaoh un ym shahshkor ïa phi: ba ki dak khyllah jong nga kin nang bun ha ka ri Ijipt.”

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 4:21

Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

EKSODOS 4:29

Te u Moses bad u Aaron ki la ïaleit bad ki la ïalum lang ïa ki tymmen basan baroh jong ki khun Israel.

EKSODOS 4:7

U la ong ruh, “To buh ïa la ka kti ha la ka shadem pat.” (Bad u la buh ïa la ka kti ha la ka shadem pat; bad u la sei noh ïa ka na la ka shadem, te, ha khmih, ka la kylla pat kum ka doh jong u hi.)

EKSODOS 7:13

Te la pyneh ïa ka dohnud u Pharaoh, bad kumta, um shym shahshkor ïa ki; kumba U Trai u la lah ong.

EKSODOS 9:16

hynrei, shisha na ka bynta kane hi nga la pynïeng ïa me, ïa ka ban pyni ha me ïa ka bor jong nga, bad ïa ka ban pynbna ïa ka kyrteng jong nga de ha ka pyrthei baroh kawei.

PROBERB 21:1

Ka dohnud u syiem ka long ha ka kti U Trai kum ki jingpun um: u pynphai ïa ka kat shaba u mon.

ISAÏAH 51:9

To khie, to khie, to kup ïa ka bor, ko ksang'ti U Trai: to khie, kumba ha ki sngi mynhyndai, ha ki pateng bynriew mynbarim. Ym long ma pha ba la pom noh ïa u Rahab, bad ba la dung ngak ïa u ïakjakor?

MIKAH 7:15

Kum ha kita ki sngi ka jingwan mih jong me na ka ri Ijipt, ngan pyni ha u ïa kiei kiei kiba phylla.

ÏOANNIS 4:48

Ynda kumta, U Jisu u la ong ha u, “Lymda phin ïohi ïa ki dak bad ïa ki kam phylla, phin ym ngeit satia.”

KI KAM 2:22

“Ko ki rangbah Israel, to sngew ïa kine ki ktien: ïa U Jisu uba na Nasaret, u briew ba U Blei u la pynithuh shynna ha phi da ki kambah, bad da ki jingphylla, bad da ki dak khyllah de, kiba U Blei u la leh da u hapdeng jong phi, kumba phi hi ruh phi tip,

KI KAM 7:36

Une u briew, u la ïalam noh ïa ki, ynda u la leh ki jingphylla bad ki dak khyllah ha Ijipt, bad ha ka Duriaw Basaw, bad ha ka ri khlaw ruh sawphew snem.

Ka Shithi U Paul Sha Ki Nong Rom 15:19

da ka bor ki dak khyllah bad ki jingphylla, da ka bor U Mynsiem U Blei; katba naduh Jerusalem, bad kylleng sawdong jin haduh Illyrikom, nga la ïalap biang biang ruh ïa ka gospel U Khrist.

Ka Shithi U Paul Sha Ki Nong Rom 9:18

Kumta keiñ, ïa uba u mon, u isynei; bad ïa uba u mon, u pyneh.

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

DEUTERONOMI 7:19

ïa kita ki jingtynjuh bakhraw ïa kiba ki khmat jong me ki la ïohi, bad ïa kita ki dak, bad ïa kita ki jingphylla, bad ïa kata ka kti badonbor, bad ïa kata ka ksang'ti ba la kner, da kiba U Trai uba U Blei jong me u la ïalam noh ïa me: kumta keiñ, U Trai uba U Blei jong me un sa leh ïa kita ki jaid bynriew baroh ïa kiba me sheptieng.