EKSODOS 7:23 - KA BAIBL

²³ Te haba u Pharaoh u la phai u la leit sha la ïing, bad um shym la buh ïa kane ruh ha ka dohnud jong u.

Khasi CL Bible (BSI)

²³ Pynban, u la phai wak bad u leit noh sha la ka ïingsyiem khlem da pynleit jingmut ei ei ruh em shaphang kane.

EKSODOS 7:23 ပူးပေါင်းရင်းမြစ်များ

Ka Kitab U Job 7:17

U briew u long aïu, ba men pynkhraw ïa u, bad ba men buh la ka dohnud ha u,

SALM 62:10

Wat shaniah ha ka jingbanbeiñ, bad wat man thala ha ka jingknieh bor: lada roi ki spah, wat buh la ka dohnud ha ki.

EKSODOS 7:22

Bad kita ki nongleh byrtong ka ri Ijipt ki la leh kumjuh da ki jingleh myntor jong ki: te ïa ka dohnud u Pharaoh la pyneh, bad um shym la shahshkor ïa ki; kumba U Trai u la lah ong.

EKSODOS 7:24

Bad ki Ijipt baroh te ki la ïatih baroh sawdong ïa kata ka wah ba kin ïoh ka um ban dih; naba kim lah dih shuh na ka um jong kata ka wah.

EKSODOS 9:20

Uta na ki shakri u Pharaoh uba la sheptieng ïa ka ktien U Trai u la pynphet ïa la ki shakri bad ïa la ki jingri shapoh ki ïing;

EKSODOS 9:21

hynrei, uta u bym shym la suidñiew ïa ka ktien U Trai u la iehnoh ïa la ki shakri bad ïa la ki jingri ha ka lyngkha.

PROBERB 22:17

To pyndem ïa la ka shkor, bad to sngap ïa ki ktien jong ki bastad, bad to thew ïa la ka dohnud sha ka jingtip jong nga.

PROBERB 24:32

Hangta nga la khmih, bad nga la pyrkhat bha: nga la ïohi, bad nga la ïoh ka jinghikai.

PROBERB 28:14

Suk uta u briew uba sheptieng ha la ka sngi: hynrei, uta uba pyneh ïa la ka dohnud un hap sha ka basniew.

PROBERB 29:1

Uta haba la sneng ïa u bunsien u pyneh ïa la ka ryndang yn pynlwet kyndit ïa u, bad kata bymdon jingshna shuh.

ISAÏAH 26:11

Ko Trai, ïa ka kti jong me la kyntiew, pynban, kim ïohi: hynrei, kin sa ïohi ïa ka jingshitrhem jong me ïa u paidlang, bad yn pynlehrain ïa ki; shisha keiñ, ka ding kan bam duh ïa ki nongshun jong me.

ISAÏAH 47:7

Te pha la ong, “Ngan long ka kynrad junom:” katba pham shym la buh ïa kine kiei kiei ha la ka dohnud, lymne pham shym la kynmaw ïa ka bakut jong ka.

JEREMAÏAH 36:24

Te kim shym la sheptieng, lymne kad ïa ki jaiñ jong ki, lymne u syiem, lymne uno uno na ki shakri jong u kiba la ïohsngew ïa kine ki ktien baroh.

JEREMAÏAH 5:3

A Trai, ki khmat jong me kim khmih ha ka jingshisha? Me la shoh ïa ki, hynrei, kim shym la sngewsih; me la bam duh ïa ki, hynrei, kim treh ban pdiang ïa ka jingsneng: ki la pynlong ïa ki khmat jong ki kham eh ban ïa u mawsiang; kim treh ban wan phai pat.

ESEKIEL 40:4

Te uta u briew u la ong ha nga, “Ko khun u briew, to khmih da ki khmat jong me, bad to sngew da ki shkor jong me, bad to pyrkhat ruh da ka dohnud jong me ïa kata baroh kaba ngan sa pyni ha me; namar ïa kata khnang la wallam ïa me shane ba ngan dup pyni ïa ki ha me: to pynpaw ha ka ïing Israel ïa kata baroh kaba me ïohi.”

HABAKKUK 1:5

“Ha khmih phi hapdeng ki jaid bynriew, bad to khmih thuh, bad to sngewphylla shikatdei: naba nga leh ïa ka jingleh ha ki sngi jong phi, ïa kaba phin ym ngeit la yn ïathuh ruh ïa kata ha phi.

MALAKHI 2:2

Lada phin ym sngap, bad lada phin ym pyrkhat, ïa ka ban ai burom ïa ka kyrteng jong nga,” ong U Trai ki paid, “te ngan phah ïa ka jingtim halor jong phi, bad ngan tim ïa ki jingkyrkhu jong phi: shisha keiñ, nga la tim lypa ïa ki, namar ba phim pyrkhat ïa kane.

DEUTERONOMI 32:46

u la ong ruh ha ki: “To phin pyrkhat biang ha la ka dohnud ïa kine ki ktien baroh, ïa kiba nga phla ha phi ha kane ka sngi; ïa kiba phin hukum ha la ki khun, ïa ka ban sumar ban leh ïa ki ktien jong kane ka hukum baroh.

1 SAMUEL 4:20

Te hamar ka por ba kan sa ïap, kita ki kynthei kiba la don lem bad ka ki la ïa-ong, “Wat sheptieng; naba pha la kha khun shynrang.” Hynrei, ka kam shym phai ktien, kam shym sngew ruh ïa kata.