EKSODOS 7:21 - KA BAIBL

²¹ Bad kita ki dohkha kiba ha kata ka wah ki la ïap noh; bad kata ka wah ka la iwtung, te ki Ijipt kim lah ban dih shuh na ka um jong kata ka wah; te la don ka snam ha ka ri Ijipt baroh kawei.

Khasi CL Bible (BSI)

²¹ Ki dohkha ha ka wah ki la ïap, bad ka la sma iwtung eh kat haduh ba ki nong Ijipt kim nud shuh ban dih um na ka. Ka snam ka la don ha kylleng ka ri Ijipt.

EKSODOS 7:21 ပူးပေါင်းရင်းမြစ်များ

SALM 105:29

U la pynkylla snam ïa ki um jong ki, bad u la pynïap ïa ki dohkha jong ki.

EKSODOS 7:18

Bad ki dohkha ruh kiba ha kata ka wah kin ïap noh, bad kata ka wah kan iwtung; bad ki Ijipt kin isih ban dih na ka um jong kata ka wah.” ’ ”

EKSODOS 7:20

Te u Moses bad u Aaron ki la leh kumta, kumba U Trai u la hukum; bad u la rah ïa uta u diengduh, bad u la shoh ruh ïa kita ki um kiba ha kata ka wah ha khmat u Pharaoh, bad ha khmat ki shakri jong u; te ïa kita ki um baroh kiba ha kata ka wah la pynkylla snam.

EKSODOS 7:22

Bad kita ki nongleh byrtong ka ri Ijipt ki la leh kumjuh da ki jingleh myntor jong ki: te ïa ka dohnud u Pharaoh la pyneh, bad um shym la shahshkor ïa ki; kumba U Trai u la lah ong.

EKSODOS 8:14

Te ki la ïa-pynlang ïa ki ha ki jaka jaka: kumta, kata ka ri ka la iwtung.

ISAÏAH 19:8

Ki nongtong dohkha ruh kin ïam, bad kita baroh kiba khwai ha ka Neil kin sngewsih, bad kita kiba pyiar jar halor ki um kin sngewlwait.

JINGPYNPAW 8:9

bad la ïap noh ka balai ka bynta na ka jong kita ki jingthaw kiba ha kata ka duriaw, kiba don jingim, bad la pynjot noh ïa ka balai ka bynta na ka jong ki lieng.