EKSODOS 7:19 - KA BAIBL

¹⁹ Bad U Trai u la kren ha u Moses, “To ong ha u Aaron, ‘To shim ïa u diengduh jong me, to kner ruh ïa la ka kti halor ki um ka ri Ijipt, halor ki wah bah jong ki, halor ki wah duid jong ki ruh, bad halor ki pukri jong ki, bad halor ki pung um jong ki baroh de, ba kin kylla snam; bad ba kin long snam ha ka ri Ijipt baroh kawei, ha ki diang dieng bad ha ki diang maw ruh.’ ”

Khasi CL Bible (BSI)

¹⁹ U Trai u ong ha u Moses, “Ong ïa u Aaron ban shim ïa la u diengduh bad ban rah ïa u halor ki wah, ki nur-um, bad ki pukri um baroh ha ka ri Ijipt. Ka um kan kylla snam, bad ha ka ri baroh kawei kan don ka snam, wat ha ki khiew dieng bad ki khiew maw ruh.”

EKSODOS 7:19 ပူးပေါင်းရင်းမြစ်များ

JENESIS 1:10

Te ïa kata ka ryngkew, U Blei u la khot “Ka Khyndew”, bad ïa kata ka jingïalang ki um u la khot “Ki Duriaw”; bad U Blei u la ïohi ba ka la long ka babha.

2 SYIEM 4:29

Ynda kumta, u la ong ha u Gehasi, “To panpoh ïa ka syngkai, bad to rah ïa u diengduh jong nga ha la ka kti, bad leit noh: lada me ïashem badno badno, wat ïakhublei ïa u; bad lada uno uno u khublei ïa me, wat phai ktien ïa u: bad to buh ïa u diengduh jong nga halor ka khmat uta u khynnah.”

EKSODOS 10:12

U Trai te u la ong ha u Moses, “To kner ïa la ka kti halor ka ri Ijipt ïa ka ban pynmih ïa ki puit, ba kin ïoh kiew halor ka ri Ijipt, bad ba kin ïoh bam duh ruh ïa u jhur jong kane ka ri baroh, ïa kaba sah baroh na kaba shoh u phria.”

EKSODOS 10:21

Te U Trai u la ong ha u Moses, “To rah ïa la ka kti sha bneng, ba ka jingdum kan long halor ka ri Ijipt, ka jingdum ruh kaba da lah ban tba.”

EKSODOS 14:16

Bad to rah ma me ïa la u diengduh, bad to kner ruh ïa la ka kti halor ka duriaw, to pynïakhlad ruh ïa ka: te ki khun Israel kin ïoh ïaid ryngkew lyngba ïa ka duriaw.

EKSODOS 14:21

Te u Moses u la kner ïa la ka kti halor kata ka duriaw, bad U Trai u la pynphai pat ïa kata ka duriaw da ka lyer mihngi kaba jur ha kata baroh shi miet, bad u la pynrngad ïa ka duriaw, ïa kita ki um ruh la pynïakhlad.

EKSODOS 14:26

Te U Trai u la ong ha u Moses, “To kner noh ïa la ka kti halor ka duriaw, ba kita ki um kin tyllep pat halor ki Ijipt, halor ki kali ïapom jong ki, bad halor ki nongshong kulai jong ki.”

EKSODOS 4:9

Hynrei, lada kin ym ngeit ruh ïa kine ki dak baroh ar, lymne sngap ïa ka ktien jong me, to men shim na ka um jong kata ka wah, bad theh ïa ka ha ryngkew: bad kata ka um ïa kaba me shim na kata ka wah kan sa kylla snam ha ryngkew.”

EKSODOS 8:16

Te U Trai u la ong ha u Moses, “To ong ha u Aaron, ‘To kner noh ïa la u diengduh, bad to shoh ïa ka 'dewmet jong kane ka ri ba kan kylla jynreiñ ha ka ri Ijipt kylleng baroh.’ ”

EKSODOS 9:33

Te u Moses u la mih noh na u Pharaoh shabar kata ka nongbah, bad u la kner ïa la ki kti sha U Trai: te uta u pyrthat bad uta u phria de ki la jah noh, bad ym shym la pynhap shuh ïa u slap ha ka khyndew.

ISAÏAH 19:10

Ïa ki mawbynna jong ka yn pynlwet, ïa ki nongbylla baroh yn pynkhuslai mynsiem.

ISAÏAH 5:25

Namar kata, ka jingbitar U Trai ka la meh ïa u paidlang jong u, bad u la rah ïa la ka kti pyrshah ïa ki, bad u la shoh ïa ki, te ki lum ki la khynñiuh, bad ki metïap jong ki, ki la long kum ka synrum hapdeng ki lynti shnong. La katta ka jingbitar jong u kam shym la phai noh, hynrei, ka kti jong u ka shu dang kner.

HABAKKUK 3:8

U Trai u la sngewsih ïa ki wah? ka jingbitar jong me ka la long ïa ki wah, lane ka jingotshla jong me ïa ka duriaw, ba me la shong halor ki kulai jong me, halor ki kali ka jingpynim jong me?