EKSODOS 7:17 - KA BAIBL

¹⁷ Kumne u ong U Trai, “Da kane men sa tip ba ma nga, nga long U Trai: ha khmih, nga ngan shoh da une u diengduh uba ha ka kti jong nga halor kita ki wah, te kin sa kylla snam.

Khasi CL Bible (BSI)

¹⁷ Mynta te, ko Syiem Kynrad, U Trai u ong ba phin sa tip u long uei da kaei kaba un sa leh. Ha khmih, ngan tied ïa ka sla um da une u diengduh, bad ka um kan kylla snam.

EKSODOS 7:17 ပူးပေါင်းရင်းမြစ်များ

1 SYIEM 20:28

Bad uta u briew U Blei u la wan bad u la kren ha u syiem ki Israel, bad u la ong, “Kumne ong U Trai, ‘Namar ba ki nong Syria ki la ong, “Uta U Trai u long u Blei ki lum, hynrei, um long u Blei ki them;” namar kata, ngan ai noh ïa une u paidbah baroh ha ka kti jong me, bad phin sa tip ba ma nga, nga long U Trai.’ ”

2 SYIEM 19:19

Namar kata te, A Trai U Blei jong ngi, nga kyrpad ïa me, pyllait im ïa ngi na ka kti jong u, ba ki hima ka khyndew baroh kin ïoh tip ba me long U Trai U Blei, tang ma me hi keiñ.”

SALM 105:29

U la pynkylla snam ïa ki um jong ki, bad u la pynïap ïa ki dohkha jong ki.

SALM 78:44

bad ba u la pynkylla snam ïa ki wah jong ki, bad ïa ki wah rit jong ki, katba kim lah dih shuh.

SALM 83:18

khnang ba kin ïoh tip ba tang ma me hi, uba ka kyrteng jong me long U Jehobah, uba U Bahakhlieh Tam Eh halor ka khyndew baroh.

SALM 9:16

U Trai u la pynithuh ïa lade, u la pyndep ïa ka jingbishar: ïa u bymman la riam ha ka kam ki kti jong u hi. Higgaion. Selah.

EKSODOS 1:22

Te u Pharaoh u la hukum ïa ki briew jong u baroh, u da ong, “Ïa ki khun shynrang baroh kiba yn kha to phin bred noh sha kata ka wah, hynrei, ïa ki khun kynthei baroh phin ri im.”

EKSODOS 10:2

bad ba me ruh men pynsngew ha la ki khun, bad ha u khun jong u khun jong me, ïa kiei kiei kat kiba nga la leh ha ka ri Ijipt, bad ïa ki dak phylla jong nga ïa kiba nga la trei hapdeng jong ki; khnang ba phin ïoh tip ba ma nga, nga long U Trai.”

EKSODOS 4:9

Hynrei, lada kin ym ngeit ruh ïa kine ki dak baroh ar, lymne sngap ïa ka ktien jong me, to men shim na ka um jong kata ka wah, bad theh ïa ka ha ryngkew: bad kata ka um ïa kaba me shim na kata ka wah kan sa kylla snam ha ryngkew.”

EKSODOS 5:2

Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

EKSODOS 7:20

Te u Moses bad u Aaron ki la leh kumta, kumba U Trai u la hukum; bad u la rah ïa uta u diengduh, bad u la shoh ruh ïa kita ki um kiba ha kata ka wah ha khmat u Pharaoh, bad ha khmat ki shakri jong u; te ïa kita ki um baroh kiba ha kata ka wah la pynkylla snam.

EKSODOS 7:5

Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

ESEKIEL 25:17

Bad ngan pynhiar ïa ka kput bakhraw halor jong ki da ki jingpynshitom ba-itieng; bad kin sa tip ba nga long U Trai, haba ngan pynhiar la ka kput halor jong ki.”

ESEKIEL 29:9

Bad ka ri Ijipt kan long ka jingkynjah bad kaba sah khlaw; bad kin ïoh tip ba nga long U Trai: “Namar u la ong, ‘Ka wah ka long ka jong nga hi, bad nga la pynlong ma nga ïa ka.’

ESEKIEL 30:19

Kumne ngan leh ïa ki jingbishar ha Ijipt: bad kin tip ba nga long U Trai.”

ESEKIEL 30:8

Bad kin sa tip ba nga long U Trai, ynda nga la buh ding ha Ijipt, bad ynda la pynjot thiaw ïa ki nongïarap jong ka baroh.

ESEKIEL 32:15

“Haba ngan pynlong ka ri kynjah bad ki ri khlaw ïa ka ri Ijipt, ka ri ba la pynthylli noh ïa kata kaba ju dap, haba ngan shoh noh ïa kita baroh kiba shong ha ka, hangta keiñ, kin ïoh tip ba ma nga, nga long U Trai.

ESEKIEL 32:6

Da ka snam jong me ngan ai um ruh ïa ka ri ha kaba me jngi, wat haduh ki lum keiñ; bad ki lynti um kin dap da me.

ESEKIEL 38:23

Bad ngan pynkhraw ïa lade, bad ngan pynkyntang ïa lade, bad ngan pynbna nam ïa lade ha khmat kiba bun ki jaid bynriew: te kin ïoh tip ba nga long U Trai.”

ESEKIEL 39:28

Te kin ïoh tip ba nga long U Trai U Blei jong ki, uba la leit lam mraw ïa ki hapdeng ki jaid bynriew, bad nga la ïalum ïa ki ha ka ri jong ki hi; bad ngan ym iehnoh ïa uwei ruh em na ki shata;

DANIEL 4:17

Kane ka jingrai ka long da ka hukum jong kita ki nongap phira, bad ka jingleh da ka ktien jong kita ki bakhuid: khnang ba kita ki ba-im kin tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uno uno uba u mon hi, bad ba u buh halor jong ka, ïa uba poh tam na ki briew.’

DANIEL 4:32

Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

DANIEL 4:37

Mynta, nga, u Nebukhadnessar, nga ïaroh bad kyntiew nam bad pyndonburom ïa uta u syiem jong ka bneng; namar ki kam jong u baroh, ki long ka jingshisha, bad ki lynti jong u, ka jingbishar: bad ïa kiba ïaid ha ka jingsarong, u lah ban pynpoh.”

DANIEL 5:21

bad la beh ïa u na u khun bynriew; bad la pynlong ïa ka dohnud jong u kum ki mrad, bad ka jaka shong jong u ka la long ryngkat bad ki kadda khlaw; la pynbam phlang ïa u kum ki masi dab, bad ka met jong u ka la jhieh da ka umjer bneng: tad ynda u la tip ba U Blei U Bahakhlieh Tam Eh u synshar ha ka hima ki briew, bad ba u buh halor jong ka ïa uba u mon hi.

DANIEL 5:23

hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

JINGPYNPAW 11:6

Kine ki don ka bor ban khang khop ïa ka bneng, ba u slap un ym hap ha ki sngi kata ka jingïathuhlypa jong ki: bad ki don ka bor halor ki um ban pynkylla snam ïa ki, bad ban shoh ïa ka khyndew da ki jingïapthem baroh katno katno sien ruh katba ki ïakwah.

JINGPYNPAW 8:8

Bad u angel u ba-ar u la pynsawa; te kum ïa u lum bakhraw ïa uba la thang da ka ding la bred sha ka duriaw; te ka balai ka bynta na ka jong kata ka duriaw ka la kylla snam,