EKSODOS 7:16 - KA BAIBL

¹⁶ Bad men ong ruh ha u, ‘U Trai, U Blei jong ki Hebru, u la phah ïa nga ha me, u da ong, “To da pyllait noh ïa ki briew jong nga, ba kin ïoh shakri ïa nga ha ri khlaw: te ha khmih, haduh mynta mem shahshkor satia.”

Khasi CL Bible (BSI)

¹⁶ Nangta ong ha u Pharaoh, ‘U Trai, U Blei jong ki Hebru, u la phah ïa nga ban ong ha phi ba phin shah ïa ki briew jong u ban leit, khnang ba kin ïoh ban mane ïa u ha ri shyiap. Hynrei haduh mynta phim shym shahshkor.

EKSODOS 7:16 ပူးပေါင်းရင်းမြစ်များ

EKSODOS 10:3

Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

EKSODOS 13:15

Ka la jia te mynba u Pharaoh da kaba eh u da pyllait noh ïa ngi, ba U Trai u la pynïap ïa uba la kha nyngkong baroh ha ka ri Ijipt, ïa uba la kha nyngkong na u briew, bad ïa uba la kha nyngkong na u mrad ruh. Namar kata, nga kñia ainguh ha U Trai ïa uba la kha nyngkong baroh, uba long shynrang; hynrei, ïa uba la kha nyngkong na ki khun jong nga baroh nga siewspah keiñ.’

EKSODOS 14:5

Te la ïathuh ha u syiem ka ri Ijipt ba uta u paidbah u da ïaphet noh: te ka dohnud u Pharaoh bad ka jong ki shakri jong u ka la kylla pyrshah ïa uta u paidbah, ki la ïa-ong ruh, “Balei ngi la leh ïa kane, ba ngi la pyllait noh ïa ki khun Israel na kaba shakri ïa ngi?”

EKSODOS 3:12

U te u la ong, “Shisha ngan long lem bad me; bad kane kan long ka dak ïa me, ba ma nga hi nga la phah ïa me: ynda me la ïalam noh ïa ki briew jong nga na ka ri Ijipt, phin ïoh shakri ïa U Blei halor une u lum.”

EKSODOS 3:13

Bad u Moses u la ïathuh ha U Blei, “Ha khmih, haba ngan wan sha ki khun Israel, bad ngan ong ha ki, ‘U Blei ki kpa jong phi u la phah ïa nga ha phi’; bad ba kin kylli ïa nga, ‘Kaei ka kyrteng jong u?’ ngan ong aïu ha ki?”

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 4:22

Bad men ong ha u Pharaoh, ‘Kumne u ong U Trai, u Israel u long u khun jong nga, uba kha nyngkong jong nga keiñ,

EKSODOS 4:23

bad nga la ong ha me, “To pyllait noh ïa u khun jong nga ba un ïoh shakri ïa nga;” te lada mem treh ban pyllait noh ïa u, ha khmih, ngan pynïap noh ïa u khun jong me, uba la kha nyngkong jong me keiñ.’ ”

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 8:1

Te U Trai u la kren ha u Moses, “To leit ha u Pharaoh, to ong ruh ha u, ‘Kumne u ong U Trai, “To pyllait noh ïa u paidbah jong nga, ba kin ïoh ïashakri ïa nga.

EKSODOS 8:20

Te U Trai u la ong ha u Moses, “To khie la dang step lashai, to ïeng ruh ha khmat u Pharaoh; ha khmih, u wan mih sha kata ka um; to ong ruh ha u, ‘Kumne u ong U Trai, “To pyllait noh ïa u paidbah jong nga, ba kin ïoh shakri ïa nga.

EKSODOS 9:1

Ynda kumta, U Trai u la ong ha u Moses, “To leit ha u Pharaoh, to ïathuh ruh ha u, ‘Kumne u ong U Trai U Blei ki Hebru: “To pyllait noh ïa u paidbah jong nga, ba kin ïoh shakri ïa nga.

EKSODOS 9:13

Te U Trai u la ong ha u Moses, “To khie la dang step, bad to ïeng ha khmat u Pharaoh, bad to ong ha u, ‘Kumne u ong U Trai U Blei jong ki Hebru, “To pyllait noh ïa u paidbah jong nga, ba kin ïoh shakri ïa nga.

ISAÏAH 45:13

Nga la pynmih ïa u ha ka hok, bad ngan pynbeit ïa ki lynti jong u baroh: u un tei ïa ka shnong jong nga, bad un pyllait ei ïa ki khun kliarwait jong nga, khlem dor lymne bainong,” ong U Trai ki paid.

JEREMAÏAH 50:33

Kumne u ong U Trai ki paid: “Ïa ki khun Israel bad ki khun Judah la banbor lang: bad kita kiba la ring mraw ïa ki, ki bat khak ïa ki: kim treh ban pyllait ïa ki.