EKSODOS 7:11 - KA BAIBL

¹¹ Ynda kumta, u Pharaoh ruh u la khot ïa ki riewstad, bad ïa ki nongleh byrtong: te ki nongleh byrtong ka ri Ijipt, ki hi ruh ki la leh kumjuh da ki jingleh myntor jong ki.

Khasi CL Bible (BSI)

¹¹ Nangta u Pharaoh u phah khot ïa ki riewstad bad ïa ki nongleh myntor jong u, bad ki ruh ki leh kumjuh da ka myntor jong ki.

EKSODOS 7:11 ပူးပေါင်းရင်းမြစ်များ

JENESIS 41:8

Te mynstep ka la jia ba ka mynsiem jong u ka la khih khuslai; bad u la phah khot ïa ki kynja nongkren byrtong baroh ka ri Ijipt, bad ïa ki riewstad baroh jong ka: bad u Pharaoh u la ïathuh ha ki la ki jingphohsniew; hynrei, ym don ba lah ban batai ïa ki ha u Pharaoh.

EKSODOS 7:12

Naba ki la bred uwei uwei baroh ïa la u diengduh, te ki ruh ki la kylla bseiñ: hynrei, u diengduh u Aaron u la nguid noh ïa ki diengduh jong ki.

EKSODOS 7:22

Bad kita ki nongleh byrtong ka ri Ijipt ki la leh kumjuh da ki jingleh myntor jong ki: te ïa ka dohnud u Pharaoh la pyneh, bad um shym la shahshkor ïa ki; kumba U Trai u la lah ong.

EKSODOS 8:18

Bad kita ki nongleh byrtong ruh, ki la leh kumta, ban pynmih jynreiñ da ki jingleh myntor jong ki, hynrei, kim lah: kumta, la don kita ki jynreiñ ha u briew, bad ha u mrad.

EKSODOS 8:3

bad kata ka wah kan boi da ki jakoid, ki ban sa kiew, kin ïarung ruh shapoh ïing jong me, bad sha ka kamra thiah jong me, bad halor ka jingthiah jong me, bad shapoh ïing ki shakri jong me, bad halor ki briew jong me de, bad sha ki jaka shet kpu jong me, bad sha ki kpu im jong me ruh;

EKSODOS 8:7

Kita ki nongleh byrtong ruh ki la leh kumjuh da ki jingleh myntor jong ki, bad ki la ïa-pynmih ïa ki jakoid halor ka ri Ijipt.

DANIEL 2:2

Ynda kumta, u syiem u la hukum ban khot ïa ki riewstad, bad ki nongleh byrtong, bad ki nongkheiñ ksuid, bad ki Khaldi, ban ïathuh ha u syiem ïa ki jingphohsniew jong u. Kumta, ki la wan hapoh bad ki la ïeng ha khmat u syiem.

DANIEL 2:27

U Daniel u la ïathuh ha khmat u syiem, bad u la ong, “Ym don ki riewstad, ki nongleh byrtong, ki nongleh myntor, lymne ki nongkren shwar, kiba lah ban pyni ha u syiem ïa kata ka jingbuhrieh ïa kaba u syiem u la kwah;

DANIEL 4:6

Namar kata, nga la hukum ban wallam hapoh ha khmat jong nga ïa ki riewstad baroh jong ka Babilon, ba kin pyntip ha nga ïa ka jingbatai jong kata ka jingphohsniew.

DANIEL 5:11

don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

DANIEL 5:7

U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

MATHAÏOS 24:24

Naba ki khrist lamler, bad ki nongïathuhlypa lamler, kin mih, bad kin pyni ïa ki dak ki bakhraw bad ki jingphylla, kat ban shukor, lada lah, wat ïa kiba la jied.

GALATIA 3:1

A ki Galatia ki babieit! hato uei ba la pynthame ïa phi, haba ha pyrshah ki khmat jong phi la pyni shynna ïa U Jisu Khrist ba la sahnarphna ïa u?

EPHESOS 4:14

ba kumta, ngin ym long shuh ki khynnah, ïa kiba la pynshad kynting bad ba la rong noh kylleng da ka lyer ka jinghikai baroh, da ka buit shalai ki briew, ha ka jingleh sianti, katba kum ka buit sniew ka jinghikai bakla;

2 THESSALONI 2:9

uta keiñ uba ka jingwan jong u ka long katba kum ka jingtrei jong u Soitan, da ka bor, bad ki dak khyllah, bad ki jingphylla balamler baroh,

2 TIMOTHI 3:8

Bad kumba u Jannis bad u Jambris ki la ïeng ïaleh pyrshah ïa u Moses, kumta, kine ruh ki ïeng ïaleh pyrshah ïa ka jingshisha; ki briew ba la pynpyut ha ki jingmut, kiba la kyntait shaphang kata ka jingngeit.

2 TIMOTHI 3:9

Hynrei, kin ym ïaid jngai shuh; namar kata ka jingbieit jong ki kan paw ha ki briew baroh, kumba ka jong kita ruh ka la long.

JINGPYNPAW 19:20

Te la kem ïa uta u mrad khlaw, bad lem bad u ruh ïa uta u nongïathuhlypa balamler uba la leh ïa kita ki dak khyllah ha khmat jong u, da kiba u la shukor ïa kita kiba la pdiang ïa kata ka dak uta u mrad khlaw, bad ïa kita kiba la ïamane dem ïa kata ka dur jong u. Ïa kine baroh ar, la bred im keiñ sha kata ka pung ka ding ïa kaba la thang da u kyndok.

1 SAMUEL 6:2

Bad ki Philistia ki la phah khot ïa ki lyngdoh bad ïa ki nongkhan, ki da ong, “Ngin leh kumno ïa kane ka synduk U Trai? to ïathuh ha ngi da kumno ngin phah noh ïa ka sha ka jaka jong ka.”