EKSODOS 6:8 - KA BAIBL

⁸ Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U Jehobah.’ ”

Khasi CL Bible (BSI)

⁸ Ngan ïalam ïa phi sha ka ri kaba nga la kular skhem ban ai ha u Abraham, ha u Isaak, bad ha u Jakob; bad ngan ai ïa ka ha phi kum ka nongkynti jong phi hi. Nga long U Trai.’ ”

EKSODOS 6:8 ပူးပေါင်းရင်းမြစ်များ

JENESIS 14:22

Te u Abram u la ïathuh ha u syiem ka Sodom, “Nga la kyntiew ïa la ka kti sha U Trai, uba U Blei U Bahalor Tam Eh, uba U Trai ka bneng bad ka khyndew,

JENESIS 15:18

Ha kata ka sngi, U Trai u la teh ka jutang bad u Abram, u da ong, “Ha u symbai jong me nga la ai ïa kane ka ri, naduh ka wah ka ri Ijipt haduh ka wah bah, kaba ka wah Ïuphratis:

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

JENESIS 28:13

Bad ha khmih, U Trai u la ïeng haneng jong ka, bad u la ong, “Nga long U Trai uba U Blei u Abraham u kpa jong me, bad U Blei u Isaak: kane ka khyndew ha kaba me thiah, ha me ngan ai duh ïa ka, bad ha u symbai jong me;

JENESIS 35:12

Bad ka ri ïa kaba nga la ai ha u Abraham bad ha u Isaak, ha me keiñ ngan ai ïa ka, bad ha u symbai jong me hadien jong me ngan ai ïa kata ka ri.”

NEHEMAÏAH 9:15

bad me la ai ïa u kpu na bneng ïa ka jingthngan jong ki, bad me la pynmih ruh ïa ka um ha ki, na u mawsiang ïa ka jingsliang jong ki, bad me la hukum ïa ki, ban leit shapoh ban ïoh ïa ka ri ïa kaba me la rah la ka kti ban ai ïa ki.

EKSODOS 13:5

Te ynda U Trai u la ïalam ïa me sha ka ri ki Kanaan, bad ki Hit, bad ki Amor, bad ki Hib, bad ki Jebus de, ïa kaba u la smai ha ki kpa jong me ban ai ha me, ka ri kaba tuid da ka dud bad ka ngap, men leh ïa kane ka kam ha une u bnai.

EKSODOS 32:13

To kynmaw ïa la ki shakri, ïa u Abraham, ïa u Isaak, bad ïa u Israel, ha kiba me la smai da lade hi, bad me la ong ha ki, ‘Ngan pynroi ïa u symbai jong phi kat ki khlur ka bneng, bad ïa kane ka ri baroh shaphang kaba nga la kren, ngan ai ha u symbai jong phi, bad kin ïaïoh pateng ïa ka ha la ka rta.’ ”

EKSODOS 6:2

Te U Blei u la kren ha u Moses, bad U la ong ha u, “Ma nga, nga long U Jehobah:

EKSODOS 6:4

Bad nga la pynskhem ruh ïa ka jutang jong nga bad ki, ïa ka ban ai ha ki, ïa ka ri Kanaan, ïa ka ri ki jingleit jong ki keiñ ha kaba ki la long ki nongwei.

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

ESEKIEL 20:15

Nalor kata ruh, nga la rah pat ïa la ka kti ha ki ha ka ri khlaw, ba ngan ym leit lam ïa ki sha kata ka ri kaba nga la ai ïa ki, kaba tuid da ka dud bad ka ngap, kaba long ka burom jong ki ri baroh;

ESEKIEL 20:23

Nga la rah pat la ka kti ha ki ha kata ka ri khlaw, ba ngan pynsaphred ïa ki hapdeng ki jaid bynriew, bad ngan pynsakma ïa ki sha kylleng ki ri;

ESEKIEL 20:28

Naba haba nga la wallam ïa ki sha kata ka ri, ïa kaba nga la rah ïa la ka kti ban ai ha ki, te ki la shu ïohi ïa u lum bajrong baroh, bad ïa u dieng uba bniap baroh, bad ki la ainguh ïa la ki jingkñia hangta, bad hangta ki la ïa-ai ïa la ki jingainguh kiba pynkhih bitar, hangta ruh, ki la pynlong la ki jingiw baiwbih, bad hangta ki la ïatheh noh ïa la ki jingainguh dih.

ESEKIEL 20:42

Bad phin ïoh tip ba nga long U Trai, haba ngan wallam ïa phi sha ka ri Israel, sha ka ri kaba nga la rah la ka kti ban ai ha ki kpa jong phi.

ESEKIEL 36:7

namar kata, kumne u ong U Trai U Blei: “Nga la rah ïa ka kti jong nga, nga da ong, Da shisha kita ki Jentil kiba sawdong ïa phi, kin kit ïa ka jinglehrain jong ki hi.

ESEKIEL 47:14

Bad phin ïoh kynti ïa ka, uwei kumjuh kum uwei pat; shaphang kata, nga la rah la ka kti ban ai ïa ka ha ki kpa jong phi: bad kane ka ri kan hap ha phi ban long ka jingïoh pateng.

JINGKHEIÑ 10:29

Te u Moses u la kren ha u Hobab, u khun u Reuel u nong Midian, uba u kthaw kurim jong u Moses, “Ngi ïaleit ha kata ka jaka ba U Trai u la kren shaphang jong ka, ‘Ha phi ngan ai ïa ka’: to wan ma me lem bad ngi, ngi ruh ngin leh bha ïa me; naba U Trai u la kren ïa ka babha shaphang ki Israel.”

JINGKHEIÑ 11:12

Long ma nga ba la pun ïa kine ki briew baroh? Long ma nga ba la pynkha ïa ki, ba me ong ha nga, ‘To bah kynthup ïa ki ha la ka shadem, kumba u kpa uba ri khun, u kynthup ïa i khunlung iba dang buiñ, sha kata ka ri ïa kaba me la kular da ka jingsmai ha ki kpa jong ki?’

JINGKHEIÑ 14:30

da shisha keiñ, phin ym ïoh poi sha kata ka ri, ïa kaba nga la smai da kyntiew ïa la ka kti, ïa ka ban pynshong duh ïa phi ha ka, hynrei, tang u Kaleb u khun u Jephunneh, bad u Joshua u khun u Nun.

JINGKHEIÑ 23:19

U Blei um long u briew, ba un lamler; lymne u khun u briew, ba un kylla-ka-bamut: ïa kaba U la ong, un ym leh? Lane ïa kaba U la kren, un ym pyndep noh?

DEUTERONOMI 32:40

Naba nga rah ïa la ka kti sha bneng, bad nga ong, “Nga im ha la ka rta.”

DEUTERONOMI 4:31

naba U Trai uba U Blei jong me, u long U Blei uba isynei keiñ; un ym iehnoh ïa me, lymne pynjot ïa me, lymne klet ïa ka jutang jong ki kpa jong me ïa kaba u la smai ha ki.

JOSHUA 24:13

Bad nga la ai ha phi ïa ka ri kaba phim shym la trei, bad ïa ki shnong kiba phim shym la tei, bad phi la shong ha ki; ïa ki brisoh Waiñ bad ïa ki brisoh Olib kiba phim shym la thung phi bam.’

JINGPYNPAW 10:6

bad u la smai ha uta uba ïai-im sha ki bymjukut ki bymjukut, uba la thaw ïa ka bneng bad kiei kiei ruh kiba ha ka, bad ïa ka khyndew bad kiei kiei ruh kiba ha ka, bad ïa ka duriaw bad kiei kiei ruh kiba ha ka, ba kan ym long ka jingpyntud shuh:

1 SAMUEL 15:29

Ruh putet, uba Ka Bor ki Israel un ym lamler lymne kylla-ka-bamut; namar ma u um long u briew, ba un kylla-ka-bamut.”