EKSODOS 6:7 - KA BAIBL

⁷ ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

Khasi CL Bible (BSI)

⁷ Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

EKSODOS 6:7 ပူးပေါင်းရင်းမြစ်များ

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

JENESIS 28:13

Bad ha khmih, U Trai u la ïeng haneng jong ka, bad u la ong, “Nga long U Trai uba U Blei u Abraham u kpa jong me, bad U Blei u Isaak: kane ka khyndew ha kaba me thiah, ha me ngan ai duh ïa ka, bad ha u symbai jong me;

1 SYIEM 20:28

Bad uta u briew U Blei u la wan bad u la kren ha u syiem ki Israel, bad u la ong, “Kumne ong U Trai, ‘Namar ba ki nong Syria ki la ong, “Uta U Trai u long u Blei ki lum, hynrei, um long u Blei ki them;” namar kata, ngan ai noh ïa une u paidbah baroh ha ka kti jong me, bad phin sa tip ba ma nga, nga long U Trai.’ ”

1 SYIEM 8:60

ba ki kynja bynriew ka pyrthei baroh kin ïoh tip ba U Trai keiñ, uba long U Blei: ym don shuh uwei pat.

NEHEMAÏAH 1:10

Mynta, kine ki long ki shakri jong me bad u paidlang jong me, ïa kiba me la pynim da ka bor bakhraw jong me, bad da ka kti badonbor jong me.

SALM 100:3

To tip ba U Trai u long U Blei: long ma u uba la thaw ïa ngi, bad ngi long ki jong u; ngi long ki briew jong u, bad ki langbrot ka jaka phlang jong u.

SALM 81:6

Nga la pynkynriah noh ïa ka tyrpeng jong u na ka jingkit: ïa ki kti jong u la pyllait na kata ka shang.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 14:18

Ki Ijipt te kin sa tip ba ma nga, nga long U Trai, ynda nga la ïoh burom halor u Pharaoh, bad halor ki kali ïapom jong u, bad halor ki nongshong kulai jong u ruh.”

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 15:16

Ka jingsheptieng bad ka jingshyrkhei kin ngat ha ki; da ka jingkhraw ka ksang'ti jong me kin ïasngap jar kum u maw; tad ynda kita ki briew jong me kin ïalait shiliang, A Trai, tad ynda ki ïalait shiliang uta u paidbah ïa uba me la siewspah.

EKSODOS 15:2

U Trai u long ka bor bad ka jingrwai jong nga, bad u la wan long ka jingpynim ïa nga: U long ma U, U Blei jong nga, bad ngan pyndonburom ïa U; U Blei u kpa jong nga, bad ngan ïaroh burom ïa U.

EKSODOS 16:12

“Nga la ïohsngew ïa ki jingkhñium ki khun Israel: to kren ha ki, da kaba ong, ‘Ynda la janmiet phin ïoh bam ïa ka doh, bad mynstep ruh yn pynkdang ïa phi da u kpu; bad phin ïoh tip ba nga long ma nga U Trai U Blei jong phi.’ ”

EKSODOS 16:6

Kumta, u Moses bad u Aaron ki la ïathuh ha ki khun Israel baroh, “Ynda la janmiet, phin sa tip ba U Trai u wallam noh ïa phi na ka ri Ijipt.

EKSODOS 2:11

Ka la jia ruh ha kita ki sngi, mynba u Moses u la rangbah, ba u la mih shabar sha ki para jong u, bad u la khmih ïa ki jingkit jong ki: bad u la ïohi ïa uwei u Ijipt ba u da shoh ïa u Hebru uba na ki para jong u.

EKSODOS 6:6

Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

EKSODOS 7:17

Kumne u ong U Trai, “Da kane men sa tip ba ma nga, nga long U Trai: ha khmih, nga ngan shoh da une u diengduh uba ha ka kti jong nga halor kita ki wah, te kin sa kylla snam.

ISAÏAH 41:20

ba kin ïohi bad ïoh tip, bad ïapyrkhat, bad ïashemphang lang, ba ka kti U Trai ka la leh ïa kane, bad U Bakhuid jong ki Israel u la thaw ïa ka.

ISAÏAH 49:23

Bad ki syiem kin long ki nongri nongdup jong pha, bad ki mahadei jong ki kin long ki nongri nongdup jong pha: kin dem khrup ha pha bad ki khmat sha ka khyndew, bad kin jliah noh ïa ka 'dewmet ki sla'jat jong pha; bad phan tip ba nga long U Trai, bad kiba ap khmih ïa nga kin ym sngewlehrain.”

ISAÏAH 49:26

Bad ngan pynbam ïa ki nongbanbor jong pha da ka doh jong ki hi; bad kin ïabuaid da la ka jong ka snam, kumba da ka Waiñ thymmai: te ka doh baroh kan ïoh tip ba nga U Trai nga long u nongpynim jong pha, bad U Nongsiewspah jong pha, U Bakhlaiñ jong u Jakob.”

ISAÏAH 51:15

Naba nga long U Trai U Blei jong me, uba pynkhih ïa ka duriaw, ba ki jingat phyllung jong ka ki kyrhuh: ‘U Trai ki paid’ long ka kyrteng jong u.

ISAÏAH 60:16

Phan buiñ ruh ïa ka buiñ jong ki jaid bynriew, bad phan buiñ ïa ka jymbuiñ jong ki syiem: te phan tip ba nga U Trai nga long U Nongpynim jong pha, bad U Nongsiewspah jong pha, U Badonbor jong u Jakob.

ISAÏAH 63:8

Namar u la ong, “Shisha, ki long ki briew jong nga, ki khun ki ban ym leh shukor:” kumta u la long U Nongpynim jong ki.

JEREMAÏAH 30:22

“Te phin long ki briew jong nga, bad nga ngan long U Blei jong phi.”

JEREMAÏAH 31:33

“Hynrei, kane ka long ka jutang ba ngan thaw bad ka ïing Israel hadien kita ki sngi,” ong U Trai; “ngan buh ïa ka hukum jong nga ha ki bynta kiba shapoh jong ki, bad ngan thoh ïa ka ha ka dohnud jong ki; bad ngan long U Blei jong ki, bad ki kin long ki briew jong nga:

ESEKIEL 20:19

nga long U Trai U Blei jong phi; to ïaid ha ki aiñ jong nga, bad sumar ïa ki jingbishar jong nga, bad to leh ïa ki:

HOSIA 1:10

Pynban, ka jingkheiñ ki khun Israel kan long kum u shyiap ka duriaw, u bym lah ban thew lymne ñiew; kan long ruh, ba ha ka jaka ha kaba la ong ha ki, “Phi phim long u paidlang jong nga”, yn ong ha ki, “Phi long ki khun shynrang U Blei u ba-im”.

LEBITIKOS 11:44

Naba nga long U Trai U Blei jong phi: namar kata, to pynkyntang ïa lade, bad phin long ki bakhuid; naba nga long u bakhuid: bad wat pyntngit ïa lade da kaei kaei bapar halor ka khyndew.

LEBITIKOS 11:45

Naba nga long U Trai uba la ïalam noh ïa phi na ka ri Ijipt, ïa ka ban long U Blei ïa phi: kumta, to long ki bakhuid, naba nga long u bakhuid.’ ”

SEKHARAÏAH 13:9

Te ngan ïalam ïa kata ka shi bynta lyngba ïa ka ding, bad ngan pynkhuid ïa ki kumba pynkhuid ïa ka rupa, bad ngan phrang ïa ki kumba phrang ïa ka ksiar: kin khot ïa ka kyrteng jong nga, bad ngan shahshkor ïa ki: nga ngan ong, ‘U long u paidbah jong nga’; ki ruh kin ong, ‘U Trai u long U Blei jong nga.’ ”

JINGKHEIÑ 15:41

Nga U Trai U Blei jong phi, uba la wallam ïa phi na ka ri Ijipt ban long U Blei ïa phi: Nga long U Trai U Blei jong phi.”

MATHAÏOS 22:32

‘Nga uba U Blei u Abraham, bad U Blei u Isaak, bad U Blei u Jakob ruh’? U Blei um long U Blei ki baïap, hynrei, jong ki ba-im.”

Ka Shithi U Paul Sha Ki Nong Rom 8:31

Kumno te ngin ïa-ong ïa kine kiei kiei ruh? Lada U Blei u long na ka bynta jong ngi, uei uta u ban ïaleh bad ngi?

DEUTERONOMI 14:2

Namar me long u paidlang u bakyntang ha U Trai uba U Blei jong me, U Trai ruh u la jied ïa me, ban long u paidlang ba dei la u jong hi, nalor kita ki jaid bynriew baroh kiba don ha ka pyrthei.

DEUTERONOMI 26:18

U Trai ruh u la shim ïa me ha kane ka sngi ban long u paidlang la u jong hi, kumba u la kular ïa me, bad ba men sumar ïa ki hukum jong u baroh;

DEUTERONOMI 29:12

ba men ïoh rung hapoh ka jutang U Trai uba U Blei jong me, bad hapoh ka jingsmai jong u, ïa kaba U Trai uba U Blei jong me u pynlong bad me, ha kane ka sngi:

DEUTERONOMI 29:13

khnang ba un ïoh pynskhem ïa me ha kane ka sngi, ïa ka ban long u paidlang ha lade hi, bad ba u un ïoh long U Blei ïa me, kumba u la ong ha me, bad kumba u la smai ha ki kpa jong me, ha u Abraham, ha u Isaak, bad ha u Jakob.

DEUTERONOMI 29:5

Bad nga la ïalam ruh ïa phi, sawphew snem, ha kata ka ri khlaw: ki jaiñ jong phi kim shym la man rim ha phi, bad ka juti jong me ruh kam shym la man rim ha ka sla'jat jong me.

DEUTERONOMI 4:20

Hynrei, U Trai u la shim ïa phi, bad u la wallam noh ïa phi na kata ka lawar ding saiñ nar, na ka ri Ijipt keiñ, khnang ba phin long u paidlang ha u, ka bynta trai keiñ, kumba phi long ha kane ka sngi.

DEUTERONOMI 7:6

“Naba me long u paidlang bakyntang ïa U Trai uba U Blei jong me: uta U Trai uba U Blei jong me u la jied ïa me, ïa ka ban long u paidlang bakyrpang ïa u hi keiñ, nalor ki kynja bynriew baroh kiba ha khmat ka pyrthei.

HEBRU 11:16

Hynrei, mynta, ki ïakwah ïa ka ri ba kham bha, kata ka long kaba kynja bneng; naba kumta, U Blei um sngewlehrain ïa ki, ba yn khot ïa u, “U Blei jong ki”; namar u la khreh ka nongbah ïa ki.

1 PETROS 2:10

kiba mynno mynno ruh kim long u paidlang, hynrei, mynta, ki long keiñ u paidlang U Blei: ïa kiba ym shym la isynei, hynrei, mynta, la isynei ïa ki.

JINGPYNPAW 21:3

Bad nga la ïohsngew ka ktien bajam na kata ka khet, ka da ong, “Ha khmih, Ka Tabernakl U Blei ryngkat bad ki briew, bad un shong lem bad ki, te ma ki kin ïalong ki paidlang jong u, bad U Blei hi un long lem bad ki, bad un long U Blei jong ki:

JINGPYNPAW 21:7

Uta uba jop un ïoh ïa kiei kiei baroh; bad ngan long U Blei jong u, bad ma u de un long u khun jong nga.