EKSODOS 6:6 - KA BAIBL

⁶ Namar kata, to ong ha ki khun Israel, ‘Nga long ma nga U Jehobah, bad ngan wallam noh ïa phi napoh ka jingpynshitom ki Ijipt, bad ngan pyllait noh ïa phi na ka jingpynlong mraw jong ki, bad ngan siewspah ïa phi da ka ksang'ti ba la kner, bad da ki jingbishar bakhraw:

Khasi CL Bible (BSI)

⁶ Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

EKSODOS 6:6 ပူးပေါင်းရင်းမြစ်များ

1 SYIEM 8:42

(naba kin sa bna ïa ka kyrteng bakhraw jong me, bad ïa ka kti badonbor jong me, bad ïa ka ksang'ti bakner jong me;) te haba u wan duwai sha kane ka ïing;

2 SYIEM 17:36

hynrei, U Trai, uba la wallam ïa phi na ka ri Ijipt da ka bor bah bad da ka ksang'ti ba la kner, ïa uta keiñ, phin sheptieng, bad ha u phin dem ïa lade, bad ha u phin kñia:

1 KHRONIKL 17:21

Bad kano kawei ka jaid bynriew ha ka khyndew kaba kum u paidlang jong me ki Israel, ïa kiba U Blei u la leit ban pynim ba kin long u paidlang ïa u hi, ban pynlong ïa me ka nam da kiei kiei kiba khraw bad kiba itriem, ha kaba beh noh ïa ki jaid bynriew na khmat ki briew jong me, ïa kiba me la pynim na Ijipt?

NEHEMAÏAH 1:10

Mynta, kine ki long ki shakri jong me bad u paidlang jong me, ïa kiba me la pynim da ka bor bakhraw jong me, bad da ka kti badonbor jong me.

SALM 77:16

Ki um ki la ïohi ïa me, A U Blei; ki um ki la ïohi ïa me, ki la sheptieng: ki jingjylliew ruh ki la khynñiuh.

SALM 81:11

“Hynrei, ki briew jong nga kim shym sngap ïa nga; bad ki Israel kim treh ïa nga.

SALM 81:6

Nga la pynkynriah noh ïa ka tyrpeng jong u na ka jingkit: ïa ki kti jong u la pyllait na kata ka shang.

SALM 81:7

Me la kyang ha ka jingjynjar, te nga la pyllait ïa me; nga la phai ktien ïa me ha ki jaka rieh u pyrthat; nga la tynjuh ïa me ha ki um Meribah. Selah.

EKSODOS 1:11

Namar kata, ki la thung ïa ki sordar halor jong ki ban pynshitom ïa ki da ki jingkit jong ki. Te ki la tei ki nongbah ki jingkynshew ïa u Pharaoh, ka Pithom bad ka Raamses keiñ.

EKSODOS 12:41

Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

EKSODOS 12:51

Bad ka la jia ba ha kata hi ka sngi ba U Trai u la wallam ïa ki khun Israel na ka ri Ijipt da ki paidbah.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:16

Kane te kan long ka dak ha ka kti jong me, bad ki jingteh hapdeng ki khmat jong me: namar da ka kti badonbor U Trai u la wallam ïa ngi na ka ri Ijipt.”

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 15:13

“Da la ka jingisynei me la ïalam noh ïa uta u paidbah ïa uba me la siewspah: me la btin ïa ki ha ka bor jong me sha ka jaka shongneh ka jingkhuid jong me.

EKSODOS 16:6

Kumta, u Moses bad u Aaron ki la ïathuh ha ki khun Israel baroh, “Ynda la janmiet, phin sa tip ba U Trai u wallam noh ïa phi na ka ri Ijipt.

EKSODOS 18:1

Ynda u Jethro, u lyngdoh ka ri Midian, u kthaw kurim u Moses, u la ïohsngew ïa kata baroh ba U Blei u la lah leh ïa u Moses, bad ïa ki Israel u paidbah jong u, bad ba U Trai u la lah wallam noh ïa ki Israel na ka ri Ijipt;

EKSODOS 2:11

Ka la jia ruh ha kita ki sngi, mynba u Moses u la rangbah, ba u la mih shabar sha ki para jong u, bad u la khmih ïa ki jingkit jong ki: bad u la ïohi ïa uwei u Ijipt ba u da shoh ïa u Hebru uba na ki para jong u.

EKSODOS 3:17

nga la ong ruh, Ngan ïalam noh artet ïa phi na ka jingshitom ka ri Ijipt sha ka ri ki Kanaan, bad ki Hit, bad ki Amor, bad ki Peris, bad ki Hib, bad ki Jebus ruh de, sha ka ri kaba tuid da ka dud bad ka ngap.” ’

EKSODOS 3:8

bad nga la wan hiar ma nga ban pyllait noh ïa ki na ka kti ki Ijipt, bad ban ïalam noh ïa ki na kata ka ri sha ka ri babha bad bakhraw, sha ka ri keiñ kaba tuid da ka dud bad ka ngap; sha ka jaka ki Kanaan, bad ki Hit, bad ki Amor, bad ki Peris, bad ki Hib, bad ki Jebus de.

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 6:2

Te U Blei u la kren ha u Moses, bad U la ong ha u, “Ma nga, nga long U Jehobah:

EKSODOS 6:29

ba U Trai u la kren ha u Moses, u da ong, “Nga long ma nga U Trai: to men kren ha u Pharaoh u syiem ka ri Ijipt ïa baroh kaba nga ong ha me.”

EKSODOS 6:8

Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U Jehobah.’ ”

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 7:5

Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

ISAÏAH 9:12

ki Syria na shuwa, bad ki Philistia na shadien; te kin bam duh ïa ki Israel da ka shyntur ba ang. La kumta ruh ka jingbitar jong u kam shym la phai noh, hynrei, ka kti jong u ka shu dang kner.

ISAÏAH 9:17

Namar kata, U Trai un ym kmen ha ki samla jong ki, lymne un ym sngewsynei ïa ki khunswet bad ïa ki riewkynthei jong ki: namar uwei uwei baroh u long u bymman bad uba leh sniew, bad ka shyntur baroh ka kren thala. La kumta ruh ka jingbitar jong u kam shym la phai noh, hynrei, ka kti jong u ka shu dang kner.

ISAÏAH 9:21

u Manasseh, ïa u Ephraim; bad u Ephraim, ïa u Manasseh; bad kita lang kin ïaleh ïa u Judah. La kumta ruh ka jingbitar jong u kam shym la phai noh, hynrei, ka kti jong u ka shu dang kner.

JEREMAÏAH 21:5

Bad nga hi ngan ïaleh ïa phi da ka kti ba la kner bad ka ksang'ti bakhlaiñ, ha ka jingbitar keiñ, bad ha kaba otshla, bad ha kaba ing khait.

JEREMAÏAH 27:5

“Nga la thaw ïa ka khyndew ïa u briew bad u mrad kiba halor ka khmat ka khyndew, da la ka borbah bad da la ka ksang'ti ba la kner; bad nga ai ïa ka kat ha kiba nga sngewdei.

JEREMAÏAH 32:21

bad uba la ïalam noh ïa la ki briew ki Israel na ka ri Ijipt da ki dak, bad da ki jingphylla, bad da ka kti bakhlaiñ, bad da ka ksang'ti ba la kner, bad da ka jingitieng bakhraw;

ESEKIEL 20:33

“Katba nga im,” u ong U Trai U Blei, “da shisha da ka kti badonbor, bad da ka ksang'ti ba la sei, bad da ka jingotshla ba la theh noh, ngan long u syiem halor jong phi:

KI KAM 13:17

U Blei jong une u paidlang Israel, u la jied ïa ki kpa jong ngi; bad u la pynkyntiew ïa une u paidlang mynba ki la shong basa ha ka ri Ijipt, bad da ka ksang'ti badonbor u la ïalam noh ïa ki na ka.

DEUTERONOMI 11:2

To tip ma phi ha kane ka sngi: naba ngam kren bad ki khun jong phi, ki bym shym la tip, bad ki bym shym la ïohi ïa ka jingsneng saja jong U Trai uba U Blei jong phi, ïa ka jingkhraw jong u, ïa ka kti badonbor jong u, bad ïa ka ksang'ti ba la kner jong u,

DEUTERONOMI 15:15

Bad men kynmaw, ba me hi me la ju long u mraw ha ka ri Ijipt, bad ba U Trai uba U Blei jong me u la siewspah ïa me: namar kata, nga hukum ha me ïa kane mynta.

DEUTERONOMI 26:8

te U Trai u la ïalam noh ruh ïa ngi na ka ri Ijipt da ka kti badonbor, bad da ka ksang'ti ba la kner, bad da ka jingshitom bakhraw, bad da ki dak khyllah, bad da ki jingphylla ruh:

DEUTERONOMI 4:23

To sumar ïa lade, ba ïoh phin ïaklet ïa ka jutang U Trai uba U Blei jong phi, ïa kaba u la pynlong bad phi, bad ba phin ïathaw bleithaw ïa lade ba la mutdur, lane ïa ka dur kaei kaei ruh ïa kaba U Trai uba U Blei jong me u la adong ïa me.

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?

DEUTERONOMI 5:15

Bad to kynmaw ba me, me la long u mraw ha ka ri Ijipt, bad ba U Trai uba U Blei jong me u la wallam noh ïa me nangta da ka kti badonbor, bad da ka ksang'ti ba la kner: namar kata keiñ, U Trai uba U Blei jong me u la hukum ïa me ban sumar ïa ka sngi Sabbaton.

DEUTERONOMI 6:12

to da sumar te ba ïoh men klet noh ïa U Trai, uba la wallam noh ïa me na ka ri Ijipt, na kata ka ïing ka jinglongmraw.

DEUTERONOMI 7:19

ïa kita ki jingtynjuh bakhraw ïa kiba ki khmat jong me ki la ïohi, bad ïa kita ki dak, bad ïa kita ki jingphylla, bad ïa kata ka kti badonbor, bad ïa kata ka ksang'ti ba la kner, da kiba U Trai uba U Blei jong me u la ïalam noh ïa me: kumta keiñ, U Trai uba U Blei jong me un sa leh ïa kita ki jaid bynriew baroh ïa kiba me sheptieng.

DEUTERONOMI 7:8

hynrei, namar ba U Trai u la ieit ïa phi, bad namar ba un pyndep ïa ka jingsmai ïa kaba u la lah smai ha ki kpa jong phi, U Trai u la ïalam noh ïa phi da ka kti badonbor, bad u la pyllait noh ruh ïa phi na kata ka ïing ka jinglongmraw, na ka kti u Pharaoh u syiem ka ri Ijipt.

DEUTERONOMI 9:29

Pynban, ki long u paidlang jong me, bad ka bynta pateng jong me, ïa kiba me la wallam noh da ka borbah jong me, bad da la ka ksang'ti ba la kner.’