EKSODOS 6:5 - KA BAIBL

⁵ Bad nga la ïohsngew ruh ïa ka jingud ki khun Israel, ïa kiba ki Ijipt ki bat ha ka jinglongmraw; bad nga la kynmaw ïa la ka jutang.

Khasi CL Bible (BSI)

⁵ Mynta nga la ïohsngew ïa ka jingud jong ki Israel, ïa kiba ki nong Ijipt ki la teh mraw, bad nga la kynmaw ïa la ka jutang.

EKSODOS 6:5 ပူးပေါင်းရင်းမြစ်များ

JENESIS 8:1

Bad U Blei u la kynmaw ïa u Noah, bad ïa kiei kiei ki kynja ba-im baroh, bad ïa ki jingri baroh katba la don lem bad u ha kata ka ïinglieng: U Blei ruh u la pynmih ïa ka lyer ban beh halor ka khyndew, te kita ki um ki la jem jai;

JENESIS 9:15

te ngan kynmaw ruh ïa la ka jutang kaba hapdeng jong nga bad phi bad kiei kiei ki kynja ba-im baroh na ka doh baroh; bad kita ki um kin ym man long ka jingshlei shuh ïa ka ban pynjot ïa ka doh baroh.

SALM 105:8

U la kynmaw ïa la ka jutang junom, ïa kata ka ktien kaba u la hukum ïa hajar ki pateng bynriew;

EKSODOS 2:23

Ka la jia te hadien bun sngi, ba u la ïap noh uta u syiem ka ri Ijipt: te ki khun Israel ki la ïa-ud namar kata ka jinglongmraw, bad ki la ïalynñiar ruh, bad kata ka jinglynñiar jong ki ka la wan kiew sha U Blei namar kata ka jinglongmraw.

EKSODOS 2:24

Bad U Blei u la sngew ïa ka jingud jong ki, bad U Blei u la kynmaw ruh ïa ka jutang jong u bad u Abraham, bad u Isaak, bad u Jakob ruh.

EKSODOS 3:7

U Trai u la ong ruh, “Nga la ïohi shisha ïa ka jingshitom ki briew jong nga kiba ha ka ri Ijipt, bad nga la ïohsngew ïa ka jinglynñiar jong ki namar ki sordar jong ki; naba nga la tip ïa ka jingsngewsih sat jong ki;

EKSODOS 5:4

Te uta u syiem ka ri Ijipt u la ong ha ki, “Na ka balei ma phi, u Moses bad u Aaron, phi pynpep ïa ki briew na ka jingtrei jong ki? khie leit phi sha la ki jingkit.”

ISAÏAH 63:9

Ha ka jingshitom jong ki baroh u la shah shitom, bad u angel na khmat jong u, u la pynim ïa ki; ha ka jingieit jong u bad ha ka jingsngewsynei jong u, u la siewspah ïa ki; te u la kynthup ïa ki, u la bah ruh ïa ki ha la ka sngi naduh mynhyndai.

LOUKAS 1:54

U shan bor ïa u Israel u shakri jong U, ba Un ïoh kynmaw ïa ka jingisynei

LOUKAS 1:72

ban pyni ka jingisynei ïa ki kpa jong ngi, bad ban kynmaw ïa ka jutang bakhuid jong U;