EKSODOS 6:4 - KA BAIBL

⁴ Bad nga la pynskhem ruh ïa ka jutang jong nga bad ki, ïa ka ban ai ha ki, ïa ka ri Kanaan, ïa ka ri ki jingleit jong ki keiñ ha kaba ki la long ki nongwei.

Khasi CL Bible (BSI)

⁴ Nga la pynlong ruh ka jutang bad ki, da kaba kular ban ai ha ki ïa ka ri Kanaan, ka ri ha kaba ki la shong la sah kum ki sohshnong.

EKSODOS 6:4 ပူးပေါင်းရင်းမြစ်များ

JENESIS 12:7

Bad U Trai u la mihpaw ha u Abram, u da ong, “Ha u symbai jong me ngan ai ïa kane ka ri”: bad hangta u la tei ïa ka duwan ha U Trai uba la lah mihpaw ha u.

JENESIS 15:13

Bad U Trai u la ong ha u Abram, “To tip shisha ba u symbai jong me un long nongwei ha ka ri ka bymdei ka jong ki, bad kin shakri ruh ïa ki; bad kita kin ïa-pynshitom ïa ki, sawspah snem;

JENESIS 15:18

Ha kata ka sngi, U Trai u la teh ka jutang bad u Abram, u da ong, “Ha u symbai jong me nga la ai ïa kane ka ri, naduh ka wah ka ri Ijipt haduh ka wah bah, kaba ka wah Ïuphratis:

JENESIS 17:13

Ka dei ban otsher keiñ ïa uta ïa u ba'n kha ha ïing jong me, bad ïa uta ïa u ba'n thied da ki sbai jong me: bad ka jutang jong nga kan long ka jutang baïaineh junom ha ka doh jong phi.

JENESIS 17:4

“Shaphang jong nga, ha khmih, ka jutang jong nga ka long bad me, bad me men long u kpa ïa ki jaid bynriew babun byllien.

JENESIS 23:4

“Nga long u nongwei bad u nongwan hap hapdeng jong phi: to ai duh ha nga ïa ka jaka tep hapdeng jong phi, khnang ba ngan ïoh tep ïa la ka baïap na khmat jong nga.”

JENESIS 26:3

To shong nongwei katto katne ha kane ka ri, bad nga te ngan long lem bad me, bad ngan kyrkhu ïa me; namar ha me, bad ha u symbai jong me, ngan ai ïa kine ki ri baroh, bad ngan pyndep skhem ïa la ka jingsmai ïa kaba nga la smai ha u Abraham u kpa jong me.

JENESIS 26:4

Bad ngan pynbun ïa u symbai jong me kum ki khlur bneng, bad ngan ai ha u symbai jong me ïa kine ki ri baroh; bad ïa ki jaid bynriew baroh ka pyrthei yn kyrkhu ha u symbai jong me;

JENESIS 28:13

Bad ha khmih, U Trai u la ïeng haneng jong ka, bad u la ong, “Nga long U Trai uba U Blei u Abraham u kpa jong me, bad U Blei u Isaak: kane ka khyndew ha kaba me thiah, ha me ngan ai duh ïa ka, bad ha u symbai jong me;

JENESIS 28:4

Bad un ai ha me ïa ka jingkyrkhu u Abraham: ha me bad ha u symbai jong me lem bad me; ba men ïoh pateng ïa ka ri ka jingwan hap jong me, ïa kaba U Blei u la ai duh ha u Abraham.”

JENESIS 6:18

Hynrei, bad me ngan pynskhem ïa la ka jutang; te shapoh kata ka ïinglieng men ïoh wan bsut: ma me bad ki khun shynrang jong me, bad ka tnga jong me, bad ki tnga ki khun shynrang jong me lem bad me.

2 SAMUEL 23:5

“Shisha ka ïing jong nga kam long kumta bad U Blei, pynban, u la pynlong ka jutang kaba junom bad nga, ba la buh pynbeit ha kiei kiei baroh, bad kaba skhem: namar ba ka long ka jingpynim jong nga baroh, bad ka jingkwah jong nga baroh, la um pynman ïa ka.

SALM 105:11

u da ong, “Ha me ngan ai ïa ka ri Kanaan, ka bynta ka ri kynti jong phi:”

SALM 105:12

mynba ki dang khyndiat ha ka jingkheiñ; ho-oid, tang khyndiat eh keiñ, bad ki long sohshnong ha ka;

EKSODOS 13:4

Ha kane ka sngi phi la wan noh ha u 'nai Abib.

EKSODOS 13:5

Te ynda U Trai u la ïalam ïa me sha ka ri ki Kanaan, bad ki Hit, bad ki Amor, bad ki Hib, bad ki Jebus de, ïa kaba u la smai ha ki kpa jong me ban ai ha me, ka ri kaba tuid da ka dud bad ka ngap, men leh ïa kane ka kam ha une u bnai.

EKSODOS 6:8

Ngan wallam ruh ïa phi sha kata ka ri, shaphang kaba nga la smai ban ai ïa ka ha u Abraham, ha u Isaak, bad ha u Jakob ruh; te ngan ai ïa ka, ban long ka bynta jong phi: ma nga, nga long U Jehobah.’ ”

ISAÏAH 55:3

Pyndem la ka shkor, to wan ruh ha nga; to sngew, te ka mynsiem jong phi kan sa im: bad ngan pynlong bad phi ka jutang bymjukut, ki jingisynei baskhem jong u Dabid keiñ.

JINGKHEIÑ 10:29

Te u Moses u la kren ha u Hobab, u khun u Reuel u nong Midian, uba u kthaw kurim jong u Moses, “Ngi ïaleit ha kata ka jaka ba U Trai u la kren shaphang jong ka, ‘Ha phi ngan ai ïa ka’: to wan ma me lem bad ngi, ngi ruh ngin leh bha ïa me; naba U Trai u la kren ïa ka babha shaphang ki Israel.”

KI KAM 7:5

Te um shym la ai ha u ka bynta ha ka, em, wat kat shi sien ïuh kjat; toi U la kular ban ai kynti ïa ka ha u, bad ha u symbai jong u hadien jong u, mynba um pat don khun.