EKSODOS 6:3 - KA BAIBL

³ Te ha u Abraham, ha u Isaak, bad ha u Jakob, nga la mihpaw da ka kyrteng U Blei U Badonbor Baroh, hynrei, da ka kyrteng jong nga ‘JEHOBAH’ kim shym la ithuh ïa nga.

Khasi CL Bible (BSI)

³ Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

EKSODOS 6:3 ပူးပေါင်းရင်းမြစ်များ

JENESIS 13:18

Te u Abram u la pynkynriah noh ïa la ka ïingtrep, bad u la wan shong sah hajan ki dieng Sning u Mamre, kiba ha Hebron, bad u la tei hangta ïa ka duwan ha U Trai.

JENESIS 17:1

Te u Abram u la long khyndaiphew khyndai snem, bad U Trai u la paw ha u Abram, bad u la ong ha u, “Nga long U Blei U Badonbor Baroh; to ïaid ha khmat jong nga, bad to long me uba janai.

JENESIS 22:14

Bad u Abraham u la khot kyrteng ïa kata ka jaka, “Jehobah-jireh”: kumba la dang ong haduh kane ka sngi, “Ha u lum U Trai yn sa ïohi hi.”

JENESIS 28:3

Bad U Blei U Badonbor Baroh un da kyrkhu ïa me, bad un da pynkharoi ïa me, bad un da pynlong bun ruh ïa me, ba men ïoh long ka jingïalang ki paidbah.

JENESIS 35:11

U Blei u la ong ruh ha u, “Nga long U Blei U Badonbor Baroh: to da nang kharoi, bad to da nang man bun ruh; ka jaid bynriew bad ka jingïalang ki jaid bynriew kin ïamih noh na me bad ki syiem ruh kin mih na ki syngkai jong me.

JENESIS 48:3

Bad u Jakob u la ong ha u Joseph, “U Blei U Badonbor Baroh u la mihpaw ha nga ha Lus ha ka ri Kanaan, bad u la kyrkhu ïa nga,

SALM 68:4

To rwai ha U Blei, to rwai ki jingïaroh ha ka kyrteng jong u: to pun ïa ka lynti bah ha khmat uta uba shong kulai lyngba ïa ki ri khlaw; ka kyrteng jong u long u Jah; bad to risa ha khmat jong u.

SALM 83:18

khnang ba kin ïoh tip ba tang ma me hi, uba ka kyrteng jong me long U Jehobah, uba U Bahakhlieh Tam Eh halor ka khyndew baroh.

EKSODOS 15:3

U Trai u long u nongïaleh thma: ‘U Trai’ long ka kyrteng jong u.

EKSODOS 23:21

To burom ïa u, bad to kohnguh ïa ka ktien jong u; wat pynbitar ïa u: namar un ym map ïa ki jingpalat jong phi; naba ka kyrteng jong nga ka don ha u.

EKSODOS 3:14

Bad U Blei u la ïathuh ha u Moses, “NGA long ba NGA long”: u la ong ruh, “Kumne men ong ha ki khun Israel, NGA long u la phah ïa nga ha phi.”

ISAÏAH 42:8

Nga long U Trai; kata ka long ka kyrteng jong nga: te ïa la ka burom ngan ym ai ha uwei pat, lymne ïa la ka jingïaroh ha ki bleithaw.

ISAÏAH 44:6

Kumne u ong U Trai, U Syiem u Israel, bad u Nongsiewspah jong u, U Trai ki paid: “Nga, nga long u banyngkong, bad nga, nga long u bakhatduh; bad nalor jong nga ym don Blei shuh.

JEREMAÏAH 16:21

“Namar kata, ha khmih, ngan pyntip ha ki, ha kane shi sien ngan pyntip keiñ ha ki ïa ka kti jong nga bad ïa ka bor jong nga; bad kin ïoh tip ba ka kyrteng jong nga long U Jehobah.”

JEREMAÏAH 33:2

“Kumne u ong U Trai uba leh ïa ka, U Trai uba pynlong ïa ka, ïa ka ban pynskhem ïa ka; ‘U Trai’ long ka kyrteng jong u:

ESEKIEL 20:5

bad to ong ha ki, ‘Kumne u ong U Trai U Blei: Ha kata ka sngi ha kaba nga la jied ïa u Israel, bad ba nga la rah ïa la ka kti ha u symbai ka ïing u Jakob, bad ba nga la pynpaw ïa lade ha ki ha ka ri Ijipt, haba nga la rah ïa la ka kti ha ki, nga da ong, “Nga long U Trai U Blei jong phi;”

ESEKIEL 37:13

Te, ko ki briew jong nga, phin ïoh tip ba nga long U Trai, haba nga la plie ïa ki jingtep jong phi, bad nga la pynmih noh ïa phi na ki jingtep jong phi.

ESEKIEL 37:6

Bad ngan buh ki thied ha phi, bad ngan pynmih ïa ka doh ha phi, bad ngan tap ïa phi da ka snieh, bad ngan tian mynsiem ha phi, te phin sa im; bad phin ïoh tip ba nga long U Trai.’ ”

ÏOANNIS 8:58

U Jisu u la ïathuh ha ki, “Shisha, shisha nga ong ha phi, mynba ym pat kha ïa u Abraham, nga, nga long.”

JINGPYNPAW 1:4

U Ïoannis, ha kita ki hynñiew balang kiba ha Asia: To long ka jingaiei ha phi bad ka jingsuk, na uta uba long bad uba la ju long bad u ban sa wan; bad na kita ki hynñiew ki mynsiem kiba long ha khmat ka khet jong u;

RUTH 1:20

Ka te ka la ong ha ki, “Wat khot shuh ïa nga ‘ka Naomi’, khot ïa nga ‘ka Mara’ keiñ: naba U Badonbor Baroh u la leh kthang eh ïa nga.