EKSODOS 6:26 - KA BAIBL

²⁶ Kine ki long uta u Aaron bad uta u Moses, ha kiba U Trai u la ong, “To wallam noh ïa ki khun Israel na ka ri Ijipt katba kum ki paid jong ki.”

Khasi CL Bible (BSI)

²⁶ U Aaron bad u Moses ki la long kita ha kiba U Trai u la ong, “Ïalam noh ïa ki jait Israel na Ijipt.”

EKSODOS 6:26 ပူးပေါင်းရင်းမြစ်များ

JENESIS 2:1

Kumta la pyndep noh ïa ki bneng bad ïa ka pyrthei, bad ïa ki kynhun bah baroh jong ki.

1 KHRONIKL 6:3

Bad ki khun u Amram: u Aaron, bad u Moses, bad ka Miriam. Bad ki khun shynrang u Aaron: u Nadab, bad u Abihu, u Eleasar, bad u Ithamar.

SALM 77:20

Me la ïalam ïa la ki briew kum ka kynhun langbrot, da ka kti u Moses bad u Aaron.

SALM 99:6

U Moses bad u Aaron hapdeng ki lyngdoh jong u, bad u Samuel hapdeng kita kiba khot kyrpad ïa ka kyrteng jong u; ki la khot kyrpad ïa U Trai, te u la phai ktien ïa ki.

EKSODOS 12:17

Phin rakhe te ïa Ka Niam U Kpu Khlem Thiat; namar ha kane ka sngi hi, ngan ïalam noh ïa ki paidbah jong phi na ka ri Ijipt: namar kata, phin rakhe ïa kane ka sngi ha ki pateng la pateng jong phi da ka hukum ha la ka rta.

EKSODOS 12:41

Te ynda la kut kita ki sawspah laiphew snem, ha kata ka sngi hi keiñ, ka la jia ba ki paidbah jong U Trai baroh ki la ïamih noh na ka ri Ijipt.

EKSODOS 12:51

Bad ka la jia ba ha kata hi ka sngi ba U Trai u la wallam ïa ki khun Israel na ka ri Ijipt da ki paidbah.

EKSODOS 13:18

Hynrei, U Blei u la ïalam ïa uta u paidbah sawdong, na ka lynti ka ri khlaw ka Duriaw Basaw: da kaba kieng atiar ruh ki khun Israel ki la ïaleit mih artet na ka ri Ijipt.

EKSODOS 20:2

“Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 32:1

Te haba uta u paidlang u la ïohi ba u Moses u tud ban wan hiar na uta u lum, uta u paidlang u la ïalum lang ha u Aaron, bad u la ong ha u, “To ïeng, to thaw blei ïa ngi, ban leit sha shuwa jong ngi; naba une u Moses, uta u briew keiñ uba la wallam artet ïa ngi na ka ri Ijipt, ngim tip shuh la jia aïu ïa u.”

EKSODOS 32:11

Te u Moses u la kyrpad ha khmat U Trai U Blei jong u, u da ong, “A Trai, balei ba ka jingbitar jong me kan meh buk pyrshah ïa u paidlang jong me, ïa uba me la wallam noh na ka ri Ijipt da ka borbah bad da ka kti badonbor?

EKSODOS 32:7

Te U Trai u la ong ha u Moses, “To khie leit da hiar noh; naba uta u paidbah jong me, ïa uba me la wallam noh artet na ka ri Ijipt, u la pynsniew ïa lade;

EKSODOS 6:13

Te U Trai u la kren ha u Moses bad ha u Aaron, bad ha ki U la ai hukum ïa ki khun Israel, bad ïa u Pharaoh u syiem ka ri Ijipt, ïa ka ban wallam noh ïa ki khun Israel na ka ri Ijipt.

EKSODOS 6:20

Te u Amram u la shim ïa ka Jokhebed ka ñiakha jong u ban long ka tnga jong u; ha u ka la kha ruh ïa u Aaron bad ïa u Moses: te ki snem ka rta u Amram ki la long shispah laiphew hynñiew snem.

EKSODOS 6:7

ngan shim ruh ïa phi ban long ki briew ïa nga, ma nga ruh, ngan long U Blei ïa phi: bad phin sa tip ba nga, nga long U Jehobah U Blei jong phi, uba wallam noh ïa phi napoh ki jingpynshitom ki Ijipt.

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

MIKAH 6:4

Naba nga la wallam ïa me na ka ri Ijipt, bad nga la pyllait ïa me na ka ïing ka jinglongmraw; bad nga la phah ïa u Moses, u Aaron, bad ka Miriam ha shuwa jong me.

JINGKHEIÑ 33:1

Kine ki long ki jingleit ki khun Israel, kiba la ïamih noh na ka ri Ijipt, lem bad ki paidïapom jong ki da ka kti u Moses, bad u Aaron.

JOSHUA 24:5

Te nga la phah ïa u Moses bad u Aaron, bad nga la pynshitom ïa ka Ijipt, katba kum kata ba nga la leh hapdeng jong ki: bad hadien kata, nga la wallam noh ïa phi.

1 SAMUEL 12:6

Bad u Samuel u la ong ha u paidbah, “U long U Trai keiñ uba la thung ïa u Moses bad u Aaron, bad uba la wallam noh ïa ki kpa jong phi na ka ri Ijipt.

1 SAMUEL 12:8

Mynba u Jakob u la poi sha Ijipt, bad ki kpa jong phi ki la ïam ha U Trai, hangta U Trai u la phah ïa u Moses bad u Aaron, kiba la wallam noh ïa ki kpa jong phi na Ijipt, bad ki la pynshong ïa ki ha kane ka jaka.