EKSODOS 6:13 - KA BAIBL

¹³ Te U Trai u la kren ha u Moses bad ha u Aaron, bad ha ki U la ai hukum ïa ki khun Israel, bad ïa u Pharaoh u syiem ka ri Ijipt, ïa ka ban wallam noh ïa ki khun Israel na ka ri Ijipt.

Khasi CL Bible (BSI)

¹³ U Trai u la hukum ïa u Moses bad ïa u Aaron; “Ïathuh ha ki Israel bad ha u Pharaoh ba nga la hukum ïa phi ban ïalam noh ïa ki Israel na ka ri Ijipt.”

EKSODOS 6:13 ပူးပေါင်းရင်းမြစ်များ

SALM 91:11

Naba un hukum ïa la ki angel shaphang jong me, ban sumar ïa me ha ki lynti jong me baroh.

EKSODOS 6:12

Bad u Moses u la kren ha khmat U Trai, u da ong, “Ha khmih, ki khun Israel kim shym la shahshkor ïa nga; kumno te un sngap u Pharaoh ïa nga uba khlem otsher ki rmiang shyntur?”

EKSODOS 6:14

Kine te ki rangbah ha ki ïing ki kpa jong ki: ki khun shynrang u Reuben u khun nyngkong jong u Israel: u Hanokh, bad u Pallu, u Hesron, bad u Karmi: kine ki long ki ïing jong u Reuben.

EKSODOS 6:26

Kine ki long uta u Aaron bad uta u Moses, ha kiba U Trai u la ong, “To wallam noh ïa ki khun Israel na ka ri Ijipt katba kum ki paid jong ki.”

JINGKHEIÑ 27:19

to buh ruh ïa u ha khmat u Eleasar lyngdoh, bad ha khmat u paidlang baroh; bad men ai ka hukum ha u ha khmat jong ki.

JINGKHEIÑ 27:23

bad u la buh ïa la ki kti halor jong u, bad u la ai ka hukum ha u, kumba u la ong U Trai da ka kti u Moses.

MATHAÏOS 4:6

bad u la ong ha U, “Lada me long U Khun U Blei, to pynnoh ïa lade; naba la thoh: “ ‘Un ai hukum ïa ki angel jong u shaphang jong me’: “bad “ ‘kin rah ïa me ha ki kti jong ki, ba ïoh kumno kumno me jynthut ïa la ka kjat ha u maw.’ ”

DEUTERONOMI 31:14

Bad U Trai u la ong ha u Moses, “Ha khmih, ki sngi ki la wan ba me la dei ban ïap: to khot ïa u Joshua, bad phin ïaïeng ha khmat ha Ka Tabernakl ka jingïaseng, ba ngan ïoh ai hukum ïa u.” Te u Moses, bad u Joshua, ki la ïaleit, bad ki la ïaïeng ha khmat ha Ka Tabernakl ka jingïaseng.

1 TIMOTHI 1:18

Ïa kane ka hukum nga aiti ha me, ko Timothi u khun jong nga, katba kum kita ki jingïathuhlypa kiba la long mynshuwa shaphang jong me, ba da ki, men ïoh ïaleh thma ïa kata ka jingïaleh thma babha;

1 TIMOTHI 5:21

Nga hukum jur ha khmat U Blei, bad U Khrist Jisu, bad ki angel kiba la jied, ba men sumar ïa kine kiei kiei ruh khlem da bishar lypa, khlem da leh shiliang ïa kaei kaei ruh.

1 TIMOTHI 6:13

Nga hukum ïa me ha khmat U Blei, uba pynlong im ïa kiei kiei baroh, bad ha khmat U Khrist Jisu uba la sakhi ha khmat u Pontios Pilat ïa kata ka jingphla ka babha,

1 TIMOTHI 6:17

To hukum ïa kita ki bariewspah ha kane ka pyrthei ban ym sngewmeng, lane ban ym kyrmen ha ka jingbymthikna ka spah, hynrei, ha U Blei, u ba ai kyrhai ha ngi ïa kiei kiei baroh ïa ka ban pyndonkam sngewbha ïa ki;

2 TIMOTHI 2:4

Ym don uba pynsuh sat ïa lade da kiei kiei ki jong kane ka jingim haba u leit ïaleh thma; khnang ba un ïoh pynsngewbha ïa uta uba la thung shipai ïa u.

2 TIMOTHI 4:1

Nga hukum ha khmat U Blei, bad U Jisu Khrist uba U Trai, u ban sa bishar ïa kiba im bad ïa ki baïap, bad da kata ka jingmihpaw jong u bad ka hima jong u,