EKSODOS 6:12 - KA BAIBL

¹² Bad u Moses u la kren ha khmat U Trai, u da ong, “Ha khmih, ki khun Israel kim shym la shahshkor ïa nga; kumno te un sngap u Pharaoh ïa nga uba khlem otsher ki rmiang shyntur?”

Khasi CL Bible (BSI)

¹² Hynrei u Moses u phai ktien, “Wat ki Israel ruh kim shym sngap ïa nga, u Pharaoh lei shano un sngap? Nga dei u briew uba duna ka ktien ka thylliej.”

EKSODOS 6:12 ပူးပေါင်းရင်းမြစ်များ

EKSODOS 3:11

Hynrei, u Moses u la ong ha U Blei, “Nga, nga long uei, ba ngan leit sha u Pharaoh, bad ba ngan ïalam noh ïa ki khun Israel na ka ri Ijipt?”

EKSODOS 3:13

Bad u Moses u la ïathuh ha U Blei, “Ha khmih, haba ngan wan sha ki khun Israel, bad ngan ong ha ki, ‘U Blei ki kpa jong phi u la phah ïa nga ha phi’; bad ba kin kylli ïa nga, ‘Kaei ka kyrteng jong u?’ ngan ong aïu ha ki?”

EKSODOS 4:1

Te u Moses u la ïathuh pat bad u la ong, “Hynrei, ha khmih, kin ym ïangeit ïa nga, lymne sngap ïa ka ktien jong nga: naba kin ong, ‘U Trai um shym la mihpaw ha me.’ ”

EKSODOS 4:10

Te u Moses u la ong ha U Trai, “A Trai jong nga, ngam long uba pnah ka shyntur, lymne mynno mynno, lymne naduh ba me la kren bad la u shakri: hynrei, nga long uba thlun ka jingkren, bad uba thlun u thylliej.”

EKSODOS 6:13

Te U Trai u la kren ha u Moses bad ha u Aaron, bad ha ki U la ai hukum ïa ki khun Israel, bad ïa u Pharaoh u syiem ka ri Ijipt, ïa ka ban wallam noh ïa ki khun Israel na ka ri Ijipt.

EKSODOS 6:30

Bad u Moses u la ïathuh ha khmat U Trai, “Ha khmih, nga uba khlem otsher ki rmiang shyntur, kumno te un shahshkor u Pharaoh ïa nga?”

EKSODOS 6:9

Te u Moses u la kren kumta ha ki khun Israel: hynrei, ki, kim shym la shahshkor ïa u Moses namar kata ka jingpisa mynsiem bad namar kata ka jingpynlong mraw bashitom eh.

ISAÏAH 6:5

Te nga la ong, “Kordit ïa nga! namar nga la ïap; namar nga u briew u batngit ki rmiang shyntur, bad nga shong hapdeng u paidlang ba tngit ki rmiang shyntur: naba ki khmat jong nga ki la ïohi ïa U Syiem, U Trai ki paid.”

JEREMAÏAH 1:6

Nga te nga la ong, “A Trai U Blei! Ha khmih, ngam nang kren: naba nga dang khynnah.”

JEREMAÏAH 6:10

Hano ngan kren bad ngan phla, ba kin dup sngew? Ha khmih, ka shkor jong ki ka long khlem otsher, bad kim lah ban sngap: ha khmih, ka ktien U Trai ka la long ha ki ka jingbeiñ; kim don ka jingsngewbha ha ka.

JEREMAÏAH 9:26

ïa ka Ijipt, bad ïa ka Judah, bad ïa ka Edom, bad ïa ki khun u Ammon, bad ïa ka Moab, bad ïa baroh kat kiba khap ïa ki dong u shñiuh jong ki, kiba shong ha ri khlaw: naba ki jaid bynriew baroh ki long kiba khlem otsher, bad ka ïing Israel baroh ki long ki bym shym la otsher la ka dohnud.”

LEBITIKOS 26:41

nga ruh nga la ïaid pyrshah ïa ki, bad nga la ïalam ïa ki sha ka ri ki nongshun jong ki: ynda kumta, lada kita ki dohnud bym shym la otsher jong ki kin dem, bad kumta ba ki kohnguh ïa ka jingsaja ka jingleh bymman jong ki;

KI KAM 7:51

“Phi kiba eh ryndang, bad kiba khlem otsher ha ka dohnud bad ha ki shkor, khlem da pud phi ïaleh pyrshah ïa U Mynsiem Bakhuid! kumba ki kpa jong phi ki la leh, kumta phi ruh phi leh!

DEUTERONOMI 30:6

Bad U Trai uba U Blei jong me un otsher ïa ka dohnud jong me, bad ïa ka dohnud u symbai jong me, ïa ka ban ieit ïa U Trai uba U Blei jong me da la ka dohnud baroh, bad da la ka mynsiem baroh, khnang ba men ïoh im.