EKSODOS 6:1 - KA BAIBL

¹ Ynda kumta, U Trai u la ong ha u Moses, “Mynta men ïohi kaei ba ngan sa leh ïa u Pharaoh: naba da ka kti badonbor un pyllait noh ïa ki, bad da ka kti badonbor un pynmih noh ïa ki na ka ri jong u.”

Khasi CL Bible (BSI)

¹ Nangta U Trai u la ong ha u Moses, “Mynta men sa ïohi aïu ngan leh ïa u Pharaoh. Ngan pynbor ïa u ban shah ïa ki briew jong nga ban leit. Ha ka jingshisha, ngan pynbor ïa u ban beh noh ïa ki na ka ri jong u.”

EKSODOS 6:1 ပူးပေါင်းရင်းမြစ်များ

2 SYIEM 7:19

bad uta u rangbah u la ïathuh ïa u briew jong U Blei, bad u la ong, “Te, ha khmih, lada U Trai un pynlong ki jingkhang ïit ha bneng, kat kane ka lah ban long?” U te u la ong, “Ha khmih, men ïohi ïa ka da la ki khmat, hynrei, men ym ïoh bam ïa ka:”

2 SYIEM 7:2

Te uta u rangbah uba ha ka kti jong u, u syiem u shaniah u la ïathuh ha u briew jong U Blei, bad u la ong, “Ha khmih, lada U Trai un pynlong jingkhang ïit ha bneng, kane ka lah ban long?” U te u la ong, “Ha khmih, men ïohi da la ki khmat, hynrei, men ym ïoh bam ïa ka.”

2 KHRONIKL 20:17

Phim donkam ban ïaleh ha kane ka thma: to buh beit ïa lade, to ïeng thik, bad khmih ïa ka jingpynim U Trai bad phi, ko Judah bad Jerusalem:’ wat sheptieng, lymne khaw-eit: to khie leit lashai ban ïaleh ïa ki; namar U Trai u long lem bad phi.”

SALM 12:5

“Namar ka jinglute ïa ki baduk, namar ka jingud ki bakyrduh, mynta ngan ïeng,” ong U Trai; “Ngan buh ha kaba suk ïa uta ha uba ki ïapyrsad.”

SALM 12:6

Ki ktien U Trai ki long ki ktien ki bakhuid; kum ka rupa ba la phrang ha ka shlem ha ka khyndew, ba la pynkhuid hynñiew sien.

SALM 136:12

da ka kti kaba khlaiñ, bad ka ksang'ti ba la kner: naba ka jingisynei jong u ka bymjukut.

SALM 89:13

Me don ka ksang'ti badonbor: kaba khlaiñ ka kti jong me, bad kaba jrong ka kti kamon jong me.

EKSODOS 11:1

Te U Trai u la ong ha u Moses, “Ngan da wallam shuh sa kawei ka jingpynïapthem halor u Pharaoh, bad halor ka ri Ijipt; hadien kata te, un sa pyllait noh ïa phi nangne: haba un da pyllait noh ïa phi, shisha un da beh noh ïa phi nangne baroh phar.

EKSODOS 12:31

Bad u la khot ïa u Moses bad ïa u Aaron mynmiet, bad u la ong, “To ïeng, to mih noh napdeng ki briew jong nga, ma phi bad ki khun Israel ruh; to khie leit noh, da shakri ïa U Trai, kumba phi la ong.

EKSODOS 12:33

Te kita ki Ijipt ki la ïakyntu eh ïa u paidbah, ki da phah noh ïa ki na kata ka ri da kaba kyrkieh; naba ki la ïa-ong, “Ngi la ïap lut noh.”

EKSODOS 12:39

Te ki la shet ïa u kpu bakhlem thiat da uta u kpu im ïa uba ki la wallam na ka ri Ijipt, naba ym shym la khleh thiat ïa u; namar la beh noh ïa ki na ka ri Ijipt, katba kim lah ban sangeh shuh, lymne kim shym la ïoh khreh jingbam ïa lade.

EKSODOS 13:14

Te haba u khun jong me un sa kylli ïa me lashai lashisngi, u da ong, ‘Kaei kane?’ men ong ha u te, ‘Da ka kti badonbor U Trai u la ïalam noh ïa ngi na ka ri Ijipt, na ka ïing ka jingpynlong mraw keiñ.

EKSODOS 13:16

Kane te kan long ka dak ha ka kti jong me, bad ki jingteh hapdeng ki khmat jong me: namar da ka kti badonbor U Trai u la wallam ïa ngi na ka ri Ijipt.”

EKSODOS 13:3

Te u Moses u la ong ha u paidbah, “To kynmaw phi ïa kane ka sngi, ha kaba phi la wan noh na ka ri Ijipt, na kata ka ïing ka jingpynlong mraw; naba da ka kti badonbor U Trai u la ïalam noh ïa phi nangta: wat bam ïa u kpu ba dei thiat.

EKSODOS 13:9

Kane te kan sa long ka dak ïa me ha ka kti jong me, bad kum ka jingpynkynmaw hapdeng ki khmat jong me, khnang ba ka hukum U Trai kan da long ha ka shyntur jong me: namar da ka kti badonbor U Trai u la ïalam noh ïa me na ka ri Ijipt.

EKSODOS 14:13

Te u Moses u la ong ha uta u paidbah, “Wat sheptieng phi, to sangeh, to khmih ruh ïa ka jingpynim jong U Trai ïa kaba un sa pyni ha phi ha kane ka sngi: namar kita ki Ijipt ïa kiba phi la ïohi ha kane ka sngi, phin ym ïohi shuh ïa ki lano lano ruh.

EKSODOS 15:6

Ka kti kamon jong me, A Trai, ka long kaba donburom ha ka bor, ka kti kamon jong me, A Trai, ka la lympat lyngkhot lyngkhai ïa ki nongshun.

EKSODOS 7:4

Hynrei, u Pharaoh un ym shahshkor ïa phi, ba ngan ïoh buh ïa la ka kti halor ka ri Ijipt, bad ba ngan pynmih noh de ïa la ki paidbah, kiba ki briew jong nga, ki khun Israel keiñ, na ka ri Ijipt da ki jingbishar bakhraw.

EKSODOS 7:5

Te ki Ijipt kin sa tip ba nga long ma nga U Trai, haba nga la kner ïa la ka kti halor ka ri Ijipt, bad ba nga la pynmih noh ïa ki khun Israel napdeng jong ki.”

ISAÏAH 63:12

Hangno uta uba la pynïaid ïa ka ksang'ti kaba donburom jong u ha ka kti kamon jong u Moses? uba la pynkhlad ar liang ïa ki um ha khmat jong ki, ban pynlong ïa lade ka nam ba ha la ka rta?

JINGKHEIÑ 11:23

Te U Trai u la ong ha u Moses, “La pynlyngkot ne em ïa ka kti jong U Trai? mynta men ïohi ïa ka ktien jong nga kan jia long ha me ne em.”

JINGKHEIÑ 23:23

Namar shisha ym don kaba ai ksuid pyrshah ïa u Jakob, lymne ruh kaba leh byrtong pyrshah ïa u Israel: ha kane ka por yn ong shaphang u Jakob bad shaphang u Israel, ‘Katno u la leh U Blei!’

KI KAM 13:17

U Blei jong une u paidlang Israel, u la jied ïa ki kpa jong ngi; bad u la pynkyntiew ïa une u paidlang mynba ki la shong basa ha ka ri Ijipt, bad da ka ksang'ti badonbor u la ïalam noh ïa ki na ka.

DEUTERONOMI 32:39

“ ‘To khmih mynta, ba ma nga, ma nga keiñ long ma U, bad ym don u blei nalor jong nga; ma nga uba pynïap, bad ma nga uba pynim ruh: ma nga uba pynmong, bad ma nga uba pynkhiah ruh: lymne ym don uba lah ban pyllait noh na ka kti jong nga.

DEUTERONOMI 4:34

Lane U Blei u la pyni da kaba leit shim ha lade ïa ka jaid bynriew napdeng kawei pat ka jaid bynriew, da ki jingtynjuh, da ki dak khyllah, bad da ki jingphylla, bad da ka thma, bad da ka kti badonbor ruh, bad da ka ksang'ti ba la kner, bad da ki jingsheptieng bakhraw ruh, kat kumba baroh ïa kaba U Trai uba U Blei jong phi u la leh na ka bynta jong phi ha ka ri Ijipt ha khmat jong phi?