EKSODOS 5:8 - KA BAIBL

⁸ Te ka jingkheiñ ki maw-it ïa kiba ki ju thaw mynno mynno ruh, phin buh halor jong ki; wat pynduna satia na kata: naba ki long jaipdeh; namar kata, ki ïapyrta, da kaba ong, ‘To shah ba ngin leit kñia ainguh ïa U Blei jong ngi.’

Khasi CL Bible (BSI)

⁸ Hynrei khmih ba kin shna katjuh ki maw-it kumba mynshuwa; tang uwei ruh ym dei ban duna. Kim da bunkam eh, bad dei namar kata ba ki ïai kyrpad ïa nga ban shah ïa ki ban leit bad ai ki jingkñia sha U Blei jong ki!

EKSODOS 5:8 ပူးပေါင်းရင်းမြစ်များ

SALM 106:41

Te u la ai noh ïa ki ha ka kti kita ki jaid bynriew; bad kita kiba shun ïa ki, ki la synshar halor jong ki.

EKSODOS 1:11

Namar kata, ki la thung ïa ki sordar halor jong ki ban pynshitom ïa ki da ki jingkit jong ki. Te ki la tei ki nongbah ki jingkynshew ïa u Pharaoh, ka Pithom bad ka Raamses keiñ.

EKSODOS 5:17

Hynrei, u la ong, “Phi jaipdeh, phi jaipdeh keiñ: namar kata, phi ong, ‘To shah ngin ïaleit kñia ainguh ïa U Trai.’

EKSODOS 5:19

Bad ki rangbah ki khun Israel ki la ïohi ba ki la long ha ka jingjynjar, haba la ong, “Phin ym pynduna satia ïa ki maw-it, kiba long ka bynta jong phi ha la ka sngi ka sngi.”

EKSODOS 5:7

“Wat ai 'langïap shuh ha kine ki briew ban thaw maw-it kumba baroh shi katta: to kin leit ïalum 'langïap ïa lade.

EKSODOS 5:9

To nang pynban khia ïa ka jingtrei halor kine ki briew, ba kin ïatrei shitom ha ka; bad wat shah shuh ba kin ïasngap ïa ki ktien thala.”