EKSODOS 5:6 - KA BAIBL

⁶ Bad u Pharaoh u la hukum ha kajuh ka sngi ïa ki sordar jong kita ki briew, bad ïa ki rangbah jong ki, u da ong,

Khasi CL Bible (BSI)

⁶ Ha kajuh ka sngi, u Pharaoh u la hukum ïa ki nong Ijipt kiba pyntrei mraw bad ïa ki rangbah Israel kiba pynïaidkam:

EKSODOS 5:6 ပူးပေါင်းရင်းမြစ်များ

2 KHRONIKL 26:11

U Ussiah u la don ruh shi paidbah ki nongïapom, kiba mih noh sha ka thma ha la ki kynhun kynhun, katba kum ka jingkheiñ ka jingñiew ïa kiba la thaw da u Jeiel u nongthoh bad u Maaseïah u rangbah, hapoh ka jingsumar u Hananiah, uwei na ki kaptan jong u syiem.

EKSODOS 1:11

Namar kata, ki la thung ïa ki sordar halor jong ki ban pynshitom ïa ki da ki jingkit jong ki. Te ki la tei ki nongbah ki jingkynshew ïa u Pharaoh, ka Pithom bad ka Raamses keiñ.

EKSODOS 3:7

U Trai u la ong ruh, “Nga la ïohi shisha ïa ka jingshitom ki briew jong nga kiba ha ka ri Ijipt, bad nga la ïohsngew ïa ka jinglynñiar jong ki namar ki sordar jong ki; naba nga la tip ïa ka jingsngewsih sat jong ki;

EKSODOS 5:10

Te kita ki sordar jong u paidbah ki la ïamih noh, bad ki rangbah jong ki, bad ki la kren ha u paidbah, ki da ong, “Kumne u ong u Pharaoh, ‘Ngan ym ai 'langïap shuh ïa phi.

EKSODOS 5:19

Bad ki rangbah ki khun Israel ki la ïohi ba ki la long ha ka jingjynjar, haba la ong, “Phin ym pynduna satia ïa ki maw-it, kiba long ka bynta jong phi ha la ka sngi ka sngi.”

EKSODOS 5:7

“Wat ai 'langïap shuh ha kine ki briew ban thaw maw-it kumba baroh shi katta: to kin leit ïalum 'langïap ïa lade.

PROBERB 12:10

U bahok u sumar ïa ka jingim u mrad jong u: hynrei, ki jingisynei ki bajem jong u bymman ki long kiba dom.

JINGKHEIÑ 11:16

U Trai te u la ong ha u Moses, “To lum lang ha nga ïa ki hynñiewphew ngut na ki tymmen basan ki Israel, ïa kiba me tip hi ba ki long ki tymmen basan jong u paidlang, bad ki rangbah halor jong ki: to wallam ruh ïa ki ha Ka Tabernakl ka jingïaseng, ba kin ïaïeng hangta lem bad me.

DEUTERONOMI 1:15

Kumta, nga la shim ïa ki rangbah ki jaid jong phi, ki briew ki bastad, bad kiba donnam, bad nga la pynlong nongbishar ïa ki halor jong phi, ki rangbah halor ki hajar, bad ki rangbah halor ki spah, bad ki rangbah halor ki sanphew, bad ki rangbah halor ki shiphew, bad ki nongsynshar hapdeng ki jaid jong phi.

DEUTERONOMI 16:18

“Men thung ha lade ïa ki nongbishar, bad ïa ki rangbah hapoh ki khyrdop jong me baroh, ïa kiba U Trai uba U Blei jong me u ai ha me, ha ki jaid jong me baroh: bad kin ïabishar ïa ki briew da ka jingbishar bahok.

JOSHUA 24:1

Bad u Joshua u la ïalum ïa ki jaid Israel baroh ha Shekhem, bad u la phah khot ïa ki tymmen basan ki Israel, bad ïa ki rangbah jong ki, bad ïa ki nongbishar jong ki, bad ïa ki nongkam jong ki; bad ki la ïeng ha khmat U Blei.

JOSHUA 24:4

Bad nga la ai ha u Isaak ïa u Jakob bad u Iso: bad nga la ai ïa u lum Seir ha u Iso, ban ïoh ïa ka; hynrei, u Jakob bad ki khun jong u ki la leit hiar sha Ijipt.

JOSHUA 8:33

Ki Israel baroh, bad ki tymmen basan jong ki, ki rangbah synshar jong ki bad ki nongbishar jong ki ruh, ki la ïeng baroh ar liang ïa ka synduk ha khmat ki lyngdoh ki Lebi, kiba bah ïa kata ka synduk ka jutang U Trai, u nongwei ruh kumjuh kum u trai-shnong; shiteng na ki, ki ha ka liang u lum Gerisim, bad shiteng ha ka liang u lum Ebal; kumba u Moses u shakri U Trai u la hukum, ba kin kyrkhu shuwa eh ïa u paidbah Israel.