EKSODOS 5:2 - KA BAIBL

² Bad u Pharaoh u la ong, “U Trai u long uei, ba ngan kohnguh ma nga ïa ka ktien jong u ïa ka ban pyllait noh ïa ki Israel? Ïa U Trai ngam ithuh, bad ïa ki Israel ngan ym pyllait noh keiñ.”

Khasi CL Bible (BSI)

² “Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

EKSODOS 5:2 ပူးပေါင်းရင်းမြစ်များ

2 SYIEM 18:35

Kiei long kita hapdeng ki blei jong ki ri baroh, kiba la pyllait ïa la ka ri na ka kti jong nga, ba U Trai un pyllait ïa ka Jerusalem na ka kti jong nga?’ ”

2 KHRONIKL 32:14

Uei napdeng ki blei baroh jong kito ki jaid bynriew ïa kiba ki kpa jong nga ki la pynjot khoit, uba la lah ban pyllait noh ïa ki briew jong u na ka kti jong nga, ba U Blei jong phi un lah ban pyllait noh ïa phi na ka kti jong nga?

2 KHRONIKL 32:15

Namar kata te, wat shah ïa u Hesekaïah ban shukor ïa phi, lymne pynkohnguh ïa phi ha kane ka rukom, lymne phi wat ngeit ïa u: namar ym don blei na kano kano ka jaid bynriew lane ka hima uba lah ban pyllait noh ïa la ki briew na ka kti jong nga, bad na ka kti ki kpa jong nga: sa katno tam ba U Blei jong phi lei lei un ym lah pyllait ïa phi na ka kti jong nga?’ ”

2 KHRONIKL 32:19

Te ki la kren shaphang U Blei ka Jerusalem, kumba shaphang ki blei jong ki kynja bynriew jong ka pyrthei, kiba long ki jingtrei jong ki kti ki briew.

NEHEMAÏAH 9:10

bad me la pyni ïa ki dak phylla bad ki jingphylla halor u Pharaoh, bad halor ki shakri jong u baroh, bad halor ki briew ka ri jong u baroh; namar me la tip ba ki la leh khraw halor ïa ki; bad me la ïoh nam ïa lade, kumba ha kane ka sngi.

Ka Kitab U Job 15:25

namar ba u la rah ïa la ka kti pyrshah ïa U Blei, bad ba u beiñ pyrshah ïa U Badonbor Baroh;

Ka Kitab U Job 15:26

u tur sha u da ka ryndang kaba eh, da ki samoi kiba rben ki stieh jong u:

Ka Kitab U Job 21:15

U Badonbor Baroh u long aïu, ba ngin shakri ïa u? bad ngin ïoh myntoi aïu lada ngin duwai ïa u?

SALM 10:4

U bymman, ha ka jingsarong ka khmat jong u, u ong, “Un ym wad.” Ki jingmut jong u baroh ki long, “Ym don U Blei keiñ.”

SALM 12:4

kiba la ong, “Da la u thylliej ngin jop; ki rmiang shyntur jong ngi ki long la ki jong; uei uba long trai halor jong ngi?”

SALM 12:5

“Namar ka jinglute ïa ki baduk, namar ka jingud ki bakyrduh, mynta ngan ïeng,” ong U Trai; “Ngan buh ha kaba suk ïa uta ha uba ki ïapyrsad.”

SALM 14:1

U babieit u la ong ha la ka dohnud, “Ym don U Blei.” Ki long kiba pyut, ki la leh ïa ki kam kiba ijli; ym don shuh uba leh babha.

EKSODOS 3:19

Te nga tip skhem ba u syiem ka ri Ijipt un ym shah ïa phi ban leit, lymda da ka kti badonbor.

EKSODOS 7:17

Kumne u ong U Trai, “Da kane men sa tip ba ma nga, nga long U Trai: ha khmih, nga ngan shoh da une u diengduh uba ha ka kti jong nga halor kita ki wah, te kin sa kylla snam.

PROBERB 30:9

ïoh ba ngan sngewdap, bad ba ngan len ïa me, bad ngan ong, “U Trai u long uei?” lane ïoh ba ngan duk, bad ba ngan tuh, bad pyndonkambeiñ ïa ka kyrteng U Blei jong nga.

JEREMAÏAH 42:13

Hynrei, lada phi ong, ‘Ngin ym shong ha kane ka ri;’ kumta ba phin ym kohnguh ïa ka ktien U Trai U Blei jong phi;

JEREMAÏAH 48:26

“To phin pyndih buaid ïa u; namar u la pynkhraw ïa lade pyrshah ïa U Trai: bad u Moab un ksaid ha la ka prie, bad un long ruh ka jingrkhiebeiñ.

DANIEL 3:15

Mynta, lada phi la khreh hamar ba phi ïohsngew ïa ka jingsawa jong kata ka jingput, ka sharati, ka bajna, ka tangmuri, ka nebel, ka dulsimar, bad ki kynja jingtem baroh, ban dem ban mane ïa kata ka durblei ïa kaba nga la thaw, bha: hynrei, lada phim mane, yn sa bred noh ïa phi ha kata kajuh ka por hapdeng ka lawar ding ba la thang rhem; bad uei uta U Blei uba lah ban pyllait ïa phi na ki kti jong nga?”

ÏOANNIS 16:3

Te ïa kine kiei kiei ruh, kin leh ïa phi, naba kim ithuh ïa U Kpa, lymne ïa nga.

Ka Shithi U Paul Sha Ki Nong Rom 1:28

Te kat kumba kim shym la treh ban bat ïa U Blei ha ka jingtip jong ki, kumta, U Blei u la iehnoh ïa ki ha ka jingmut bymsuidñiew, ban ïai-leh ïa kita kiei kiei ruh ki bymbit;

2 THESSALONI 1:8

ha ka ding ba-meh, u da pynhiar kput ha kita ki bymithuh ïa U Blei, bad ha kita ki bymkohnguh ïa ka gospel ka jong U Trai Jisu jong ngi;

NONGBISHAR 2:10

Bad ïa kata ka pateng bynriew ruh baroh la ïalum lang ha ki kpa jong ki: te la mih kawei pat ka pateng bynriew hadien jong ki, ka bym shym la ithuh ïa U Trai, lymne ïa ka kam ruh kaba u la leh na ka bynta ki Israel.

1 SAMUEL 2:12

Te ki khun u Eli ki la long ki khun u Belial; kim ithuh ïa U Trai.

1 SAMUEL 25:10

Te u Nabal u la ïathuh ha kita ki shakri u Dabid, bad u la ong, “U Dabid u long uei? Bad uei u khun u Jesse? don bun ki shakri ha kine ki sngi kiba phet noh uwei pa uwei na la u kynrad.