EKSODOS 5:1 - KA BAIBL

¹ Te hadien kata, u Moses bad u Aaron ki la ïaleit hapoh, bad ki la ïathuh ha u Pharaoh, “Kumne u ong U Trai uba U Blei jong ki Israel, ‘To pyllait noh ïa u paidbah jong nga, ba kin ïoh rakhe ïa Ka Jingkhawai Niam ïa nga ha ri khlaw.’ ”

Khasi CL Bible (BSI)

¹ Nangta u Moses bad u Aaron ki leit sha u Pharaoh, bad ki la ong, “U Trai, U Blei ki Israel, u ong, ‘Shah ïa ki briew jong nga ban leit, khnang ba kin ïoh pynlong ïa ka Jingkhawai Niam ha ka ri shyiap ban pyndonburom ïa nga.’ ”

EKSODOS 5:1 ပူးပေါင်းရင်းမြစ်များ

1 SYIEM 21:20

U Ahab te u la ong ha u Elijah, “Me la shem ïa nga, ko nongshun jong nga?” U te u la ïathuh, “Nga la shem ïa me keiñ: namar me la die noh ïa lade ban leh ïa kata ka basniew ha khmat U Trai.

SALM 119:46

Ngan kren ruh shaphang ki jingphla jong me ha khmat ki syiem, bad ngan ym lehrain.

EKSODOS 10:3

Te u Moses bad u Aaron ki la ïawan ha u Pharaoh, bad ki la ong ha u, “Kumne u ong U Trai U Blei jong ki Hebru, ‘Slem katno ba men ym kohnguh ban pynrit ïa lade ha khmat jong nga? to pyllait noh ïa u paidbah jong nga, ba kin ïoh shakri ïa nga.

EKSODOS 10:4

Namar lada men ym treh ban pyllait noh ïa u paidbah jong nga, ha khmih, lashai ngan sa wallam ïa ki puit sha ki phang jong me:

EKSODOS 10:9

Te u Moses u la ïathuh, “Ngin ïaleit bad ki samla bad ki tymmen jong ngi, lem bad ki khun jong ngi ruh shynrang bad kynthei, lem bad ki langbrot bad ki masi jong ngi ruh de ngin leit; naba ngi donkam ban rakhe Ka Jingkhawai Niam ïa U Trai.”

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 33:13

Mynta, namar kata, nga kyrpad ïa me, lada nga la shem ïa ka jingsngewbha ha khmat jong me, to pyni ha nga ïa ka lynti jong me, ba ngan ïoh ithuh ïa me, bad ba ngan ïoh shem ïa ka jingsngewbha ha khmat jong me: to khmih ruh ba kane ka jaid bynriew ka long u paidlang jong me.”

EKSODOS 4:23

bad nga la ong ha me, “To pyllait noh ïa u khun jong nga ba un ïoh shakri ïa nga;” te lada mem treh ban pyllait noh ïa u, ha khmih, ngan pynïap noh ïa u khun jong me, uba la kha nyngkong jong me keiñ.’ ”

EKSODOS 6:11

“To leit hapoh, to kren ha u Pharaoh u syiem ka ri Ijipt, ba un pyllait noh ïa ki khun Israel na ka ri jong u.”

EKSODOS 6:27

Kine, ki long kita kiba la kren ha u Pharaoh u syiem ka ri Ijipt, ïa ka ban wallam noh ïa ki khun Israel na ka ri Ijipt: kine keiñ, ki long uta u Moses bad uta u Aaron.

EKSODOS 7:16

Bad men ong ruh ha u, ‘U Trai, U Blei jong ki Hebru, u la phah ïa nga ha me, u da ong, “To da pyllait noh ïa ki briew jong nga, ba kin ïoh shakri ïa nga ha ri khlaw: te ha khmih, haduh mynta mem shahshkor satia.”

EKSODOS 7:2

To men kren baroh ïa kaba nga hukum ïa me: bad u Aaron u hynmen jong me un kren ha u Pharaoh, ba un phah noh ïa ki khun Israel na ka ri jong u.

EKSODOS 8:1

Te U Trai u la kren ha u Moses, “To leit ha u Pharaoh, to ong ruh ha u, ‘Kumne u ong U Trai, “To pyllait noh ïa u paidbah jong nga, ba kin ïoh ïashakri ïa nga.

EKSODOS 8:16

Te U Trai u la ong ha u Moses, “To ong ha u Aaron, ‘To kner noh ïa la u diengduh, bad to shoh ïa ka 'dewmet jong kane ka ri ba kan kylla jynreiñ ha ka ri Ijipt kylleng baroh.’ ”

EKSODOS 8:17

Bad ki la leh kumta; bad u Aaron u la rah ïa la ka kti bad la uta u diengduh, bad u la shoh ïa ka 'dewmet jong ka khyndew, te ka la kylla jynreiñ ha u briew bad ha u mrad; ka 'dewmet jong ka ri baroh keiñ ka la kylla jynreiñ ha ka ri Ijipt kylleng baroh.

EKSODOS 8:20

Te U Trai u la ong ha u Moses, “To khie la dang step lashai, to ïeng ruh ha khmat u Pharaoh; ha khmih, u wan mih sha kata ka um; to ong ruh ha u, ‘Kumne u ong U Trai, “To pyllait noh ïa u paidbah jong nga, ba kin ïoh shakri ïa nga.

EKSODOS 8:27

Lai sngi lynti ngin ïaleit sha kata ka ri khlaw, ïa ka ban kñia ha U Trai U Blei jong ngi, katba un hukum ïa ngi.”

EKSODOS 9:1

Ynda kumta, U Trai u la ong ha u Moses, “To leit ha u Pharaoh, to ïathuh ruh ha u, ‘Kumne u ong U Trai U Blei ki Hebru: “To pyllait noh ïa u paidbah jong nga, ba kin ïoh shakri ïa nga.

EKSODOS 9:2

Namar lada mem kohnguh ban pyllait noh ïa ki, bad me shu dang bat ïa ki,

ISAÏAH 25:6

Te ha une u lum, U Trai ki paid un pynlong ka jingkhawai ïa ki paidlang baroh da kiei kiei ki basngaid, ka jingkhawai Waiñ ba la buh slem, da kiei kiei ki basngaid kiba dap da ka khleiñ shyieng, da ki Waiñ ba la buh slem ba la pynkhuid bha.

ESEKIEL 2:6

Te ma me, ko khun u briew to wat sheptieng ïa ki, lymne wat sheptieng ïa ki ktien jong ki, la ki dieng shiah bad ki dieng shiah buid ki don bad me, bad la me shong hapdeng ki 'ñianglartham: to wat sheptieng ïa ki ktien jong ki, lymne wat khaw-eit ïa ki jingkhmih jong ki, la ki long ka ïing kaba ïaleh pyrshah.

MATHAÏOS 10:18

yn ïalam ruh ïa phi ha khmat ki lyngskor bad ki syiem na ka bynta jong nga, ïa ka ban long ka jingphla ha ki bad ha ki Jentil.

MATHAÏOS 10:28

To wat sheptieng te ïa kita kiba pynïap ïa ka met, bad ki bym lah ban pynïap ïa ka mynsiem: hynrei, phin kham sheptieng ïa uta uba lah ban pynjot bad ïa ka mynsiem bad ïa ka met ha dujok.

KI KAM 4:29

Te mynta, A Trai, to khmih ha ki jingbyrngem jong ki, to ai ruh ha ki shakri jong me ban kren ïa ka ktien jong me da ka jingsngewshlur suda,

1 KORINTH 5:8

Kumta te, to ngin ïakhawai, ym da u thiat u barim, lymne da u thiat ka jingbishni bad ka jingbymman, hynrei, da u kpu bakhlem thiat jong ka jingsngur bad ka jingshisha.