EKSODOS 4:31 - KA BAIBL

³¹ Bad uta u paidbah u la ngeit: te mynba ki la ïohsngew ba U Trai u la wan-i ïa ki khun Israel, bad ba u la khmih ruh de ïa ka jingshitom jong ki, ynda kumta, ki la dem ïa la ki khlieh bad ki la ïamane ruh.

Khasi CL Bible (BSI)

³¹ Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

EKSODOS 4:31 ပူးပေါင်းရင်းမြစ်များ

JENESIS 17:3

Ynda kumta, u Abram u la nguh ngon haduh khyndew: U Blei te u la kren bad u, u da ong,

JENESIS 24:26

Bad uta u briew u la nguh la ka khlieh, bad u la mane ïa U Trai.

JENESIS 29:32

Bad ka Leah ka la punkhun bad ka la kha ïa u khun, bad ka la khot kyrteng “u Reuben” ïa u: naba ka la ong, “Shisha U Trai u la khmih ïa ka jingsngewshitom jong nga; namar kata, mynta u tnga jong nga un ieit ïa nga.”

JENESIS 50:24

Te u Joseph u la ong ha ki hynmen hynbew jong u, “Nga te ngan sa ïap noh: hynrei, U Blei shisha un wan khmih ïa phi, bad un ïalam noh ïa phi na kane ka ri sha kata ka ri ïa kaba u la smai ha u Abraham, ha u Isaak, bad ha u Jakob.”

1 KHRONIKL 29:20

Bad u Dabid u la ong ha u paidlang baroh, “Mynta to kyrkhu ïa U Trai U Blei jong phi.” Te u paidlang baroh u la kyrkhu ïa U Trai, uba U Blei ki kpa jong ki, bad ki la dem la ki khlieh, bad ki la mane ïa U Trai, bad ïa u syiem.

2 KHRONIKL 20:18

Bad u Jehoshaphat u la pyndem ïa la ka khlieh bad la ka khmat sha ka khyndew: bad ki Judah bad ki nong Jerusalem baroh ki la hap dem ha khmat U Trai, ki ïamane ïa U Trai.

2 KHRONIKL 32:8

bad u ka don ka ksang'ti doh; hynrei, bad ngi u don U Trai U Blei jong ngi ban ïarap ïa ngi, bad ban ïaleh ïa ki jingïaleh thma jong ngi.” Te ki paidbah ki la shaniah ha ki ktien u Hesekaïah u syiem ka Judah.

2 KHRONIKL 7:3

Te baroh ki khun Israel ki la ïakhmih, haba ka ding ka la hiar, bad ba ka burom U Trai ka la long halor ka ïing; bad ki la dem ngon la ki khmat ha ka khyndew halor ka jingsiang, bad ki la mane, bad ki la ainguh ha U Trai, ki ïa-ong, “Namar u long u babha; namar ka jingisynei jong u ka neh ha la ka rta.”

NEHEMAÏAH 8:6

bad u Esra u la kyrkhu ïa U Trai U Blei bakhraw. Bad u paidbah baroh u la ong, “Amen, Amen,” da kaba rah ïa la ki kti: bad ki la dem ïa la ki khlieh, bad ki la mane ïa U Trai la ki khmat sha ka khyndew.

Ka Kitab U Job 1:20

Ynda kumta u Job u la ïeng, bad u la kad ïa la ka jaiñkup, bad u la khi ïa la ka khlieh, bad u la hap dem ha ka khyndew, bad u la mane;

EKSODOS 12:27

Ba phin ïathuh, ‘Ka long ka jingkñia ka jinglait jong U Trai, uba la ïaid palat ïa ki ïing jong ki khun Israel ha ka ri Ijipt, mynba u la shoh ïap ïa ki Ijipt, bad u la pyllait ïa ki ïing jong ngi.’ ” Te uta paidbah u la nguh bad u la mane ruh.

EKSODOS 14:31

Te ki Israel ki la ïohi ïa kata ka kambah ka bakhraw kaba U Trai u la leh halor kita ki Ijipt, bad uta u paidbah u la sheptieng ïa U Trai: bad ki la ngeit ruh ha U Trai bad ha u Moses u shakri jong u.

EKSODOS 19:8

Te uta u paidbah baroh ki la ïathuh lang, bad ki la ïa-ong ruh, “Ïa kata baroh ïa kaba U Trai u la kren ngin leh keiñ.” Bad u Moses u la leit ïathuh ïa kita ki ktien jong u paidbah ha U Trai.

EKSODOS 19:9

Bad U Trai u la ong ha u Moses, “Ha khmih, ngan wan ha me ha u lyoh ba-dum, ba u paidbah un ïohsngew haba nga kren bad me, bad ba un ngeit ïa me ha la ka rta.” Bad u Moses u la ïathuh ïa kita ki ktien jong u paidbah ha U Trai.

EKSODOS 2:25

Te U Blei u la khmih isynei ruh ha ki khun Israel, bad U Blei u la ïit ithuh ïa ki.

EKSODOS 3:16

To leit, to ïalum lang ruh ïa ki tymmen basan jong ki Israel, bad to ong ruh ha ki, ‘U Trai uba U Blei ki kpa jong phi, U Blei u Abraham, u Isaak, bad u Jakob de, u la mihpaw ha nga, u da ong, “Shisha nga la wan jngoh ïa phi, bad nga la ïohi ïa kaba la leh ïa phi ha ka ri Ijipt;

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

EKSODOS 3:7

U Trai u la ong ruh, “Nga la ïohi shisha ïa ka jingshitom ki briew jong nga kiba ha ka ri Ijipt, bad nga la ïohsngew ïa ka jinglynñiar jong ki namar ki sordar jong ki; naba nga la tip ïa ka jingsngewsih sat jong ki;

EKSODOS 33:10

Bad uta u paidbah baroh u la ïohi ïa uta u rishot lyoh ba u ïeng ha ka jingkhang Ka Tabernakl; bad uta u paidbah u la ïakhie buk bad ki la ïamane uwei pa uwei keiñ, ha ka jingkhang la ka ïingjaiñ.

EKSODOS 34:8

Te u Moses, da kaba leh kyrkieh, u la dem ngon haduh ka khyndew, bad u la mane dem.

EKSODOS 4:5

“ba kin ïoh ngeit ba U Trai uba U Blei ki kpa jong ki, U Blei u Abraham, bad U Blei u Isaak, bad U Blei u Jakob ruh, u la mihpaw ha me.”

SEPHANAÏAH 2:7

Bad kata ka phang kan long ïa kita kiba sah na ka ïing Judah; kin pynbam phlang ïa la ki langbrot hangta: ha ki ïing ka Ashkelon kin thiah la janmiet; naba U Trai U Blei jong ki un wan-i ïa ki, bad un pynphai noh ïa ka jinglongmraw jong ki.

LOUKAS 1:68

“Long ba la kyrkhu ïa U Trai uba U Blei jong u Israel; naba U la wan khmih, bad U la pynlong ka jingsiewspah ïa la ki briew;

LOUKAS 8:13

Kita te kiba halor u mawsiang, ki long kita kiba ynda ki la ïohsngew, ki pdiang ïa kata ka ktien da kaba kmen; bad kine kim don thied, kiba shu ngeit shi por, bad ha ka por ka jingtynjuh, ki phai dien noh.

RUTH 1:6

Ynda kumta, ka la ïeng lem bad kita ki pyrsa kurim jong ka, ïa ka ban leit phai noh pat na kata ka ri Moab: naba ka la ïohsngew ha ri Moab ba U Trai u la wan-i ïa la ki briew da kaba u la ai kpu ïa ki.