EKSODOS 4:24 - KA BAIBL

²⁴ Ka la jia te ha lynti ha ka ïingbasa, ba U Trai u la ïashem bad u, bad U la thew ban pynïap noh ïa u.

Khasi CL Bible (BSI)

²⁴ Ha ka jaka sahmiet ha lynti, U Trai u ïashem bad u Moses, bad u mut ban pynïap noh ïa u.

EKSODOS 4:24 ပူးပေါင်းရင်းမြစ်များ

JENESIS 17:14

Bad uta u khun shynrang baroh ïa u bym-otsher, ïa u bym shym la otsher ïa ka doh ka jingbym-otsher jong u, yn sa ot noh ïa kata ka mynsiem na u paidlang jong u; u la pynkheiñ ïa ka jutang jong nga.”

JENESIS 42:27

Bad uwei u la plie ïa la ka byrni ban sa ai jingbam ïa la ka kadda ha ka ïingbasa, bad u la ïohi ïa la ki sbai; namar ha khmih, ki la don ha ka shyntur ka byrni jong u.

1 SYIEM 13:24

Te ynda u la leit, u sing u la ïakynduh bad u ha lynti, bad u la pynïap ïa u: bad ïa ka metïap jong u la bred ha lynti, bad ka kadda ka ïeng hajan jong ka; u sing ruh u ïeng hajan kata ka metïap.

1 KHRONIKL 21:16

Te u Dabid u la khmied ïa la ki khmat, bad u la ïohi ïa uta u angel U Trai ba u ïeng hapdeng ka khyndew bad ka bneng, uba bat ka waitlam ba la sei ha la ka kti ba la kner halor ka Jerusalem. Ynda kumta, u Dabid bad ki tymmen basan, kiba la kup da ki jaiñ byrni, ki la hap dem la ki khmat.

EKSODOS 3:18

Ki te kin sngap ïa ka ktien jong me: bad men wan, ma me, bad ki tymmen basan jong ki Israel, sha u syiem ka ri Ijipt, bad phin ong ha u, ‘U Trai, uba U Blei jong ki Hebru, u la ïashem bad ngi: mynta te ngi kyrpad ïa me, to ai ba ngin ïaleit lai sngi lynti sha ri khlaw, ba ngin ïoh kñia ainguh ïa U Trai uba U Blei jong ngi.’

HOSIA 13:8

Ngan ïakynrup ïa ki kum ka dngiem kaba la duh noh la ki khun, bad ngan tar ïa ka jingsop kaba halor ka dohnud jong ki: te hangta ngan bam duh ïa ki kum u sing; u mrad khlaw un tar ïa ki.

LEBITIKOS 10:3

Te u Moses u la ong ha u Aaron, “Kane ïa kaba U Trai u la kren, u da ong, ‘Yn pynkyntang ïa nga ha kita kiba wan hajan jong nga, bad yn pyndonburom ïa nga ha khmat u paidlang baroh.’ ” U Aaron te u la sngap.