EKSODOS 4:21 - KA BAIBL

²¹ Bad U Trai u la ong ha u Moses, “Ynda me la leit phai pat sha ka ri Ijipt, to sumar ba men leh ha khmat u Pharaoh ïa kita ki kam phylla baroh ïa kiba nga la ai ha ka kti jong me: hynrei, ngan pyneh ïa ka dohnud jong u, te un ym pyllait noh ïa u paidbah.

Khasi CL Bible (BSI)

²¹ U Trai u la ong biang ha u Moses, “Mynta ba me leit phai sha Ijipt, da kynmaw ban leh ha khmat u Pharaoh ïa ki kambah baroh kiba nga la ai ha me ïa ka bor ban leh. Hynrei ngan pynmutlop ïa u Pharaoh, bad un ym shah ïa u paidbah ban leit.

EKSODOS 4:21 ပူးပေါင်းရင်းမြစ်များ

JENESIS 6:3

Te U Trai u la ong, “U Mynsiem jong nga un ym ïaleh bad u briew junom, namar ba u hi u long ka doh: la kumta ruh, ki sngi jong u kin long shispah arphew snem.”

1 SYIEM 22:22

U Trai te u la ong ha u, ‘Da kumno?’ U te u la ong, ‘Ngan leit mih, bad ngan long u mynsiem balamler ha ka shyntur ki nongïathuhlypa jong u baroh.’ U te u la ong, ‘Men shukor ïa u, bad men lah ruh: to leit mih, bad to leh kumta.’

SALM 105:25

U la pynkylla ïa ka dohnud jong ki ban shun ïa ki briew jong u, ïa ka ban leh sianti ïa ki shakri jong u.

SALM 78:43

Kumno ba u la buh ïa la ki dak ha Ijipt, bad ïa la ki jingphylla ha ka madan Soan;

EKSODOS 10:1

Te U Trai u la ong ha u Moses, “To leit shapoh ha u Pharaoh: namar nga la pyneh ïa ka dohnud jong u, bad ïa ka dohnud ki shakri jong u, ba ngan ïoh pyni ïa kine ki dak phylla jong nga ha khmat jong u:

EKSODOS 10:20

Hynrei, U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel.

EKSODOS 10:27

Hynrei, U Trai u la pyneh ïa ka dohnud u Pharaoh, te um treh ban pyllait noh ïa ki.

EKSODOS 11:10

U Moses ruh bad u Aaron ki la leh ïa kine ki dak khyllah baroh ha khmat u Pharaoh: te U Trai u la pyneh ïa ka dohnud u Pharaoh, ba kumta un ym pyllait noh ïa ki khun Israel na ka ri jong u.

EKSODOS 11:9

U Trai te u la ong ha u Moses, “U Pharaoh un ym shahshkor ïa phi: ba ki dak khyllah jong nga kin nang bun ha ka ri Ijipt.”

EKSODOS 14:17

Bad ha khmih, ma nga hi, ngan pyneh ïa ka dohnud ki Ijipt, bad kin bud nadien jong ki: te ngan ïoh burom halor u Pharaoh, bad halor u paidïapom jong u baroh, bad halor ki kali ïapom jong u, bad halor ki nongshong kulai jong u ruh.

EKSODOS 14:4

Bad nga ngan pyneh ïa ka dohnud u Pharaoh, ba un beh nadien jong ki; kumta, ngan ïoh burom halor u Pharaoh, bad halor ki paidïapom jong u baroh; ba ki Ijipt kin ïoh tip ba nga, nga long U Trai.” Te ki la leh kumta.

EKSODOS 14:8

Bad U Trai u la pyneh ïa ka dohnud u Pharaoh u syiem ka ri Ijipt, te u la beh nadien ki khun Israel: hynrei, ki khun Israel ki la ïamih noh da ka kti badonbor.

EKSODOS 3:19

Te nga tip skhem ba u syiem ka ri Ijipt un ym shah ïa phi ban leit, lymda da ka kti badonbor.

EKSODOS 3:20

Namar kata, ngan kner ïa la ka kti, bad ngan shoh ïa ka ri Ijipt da ki kam phylla jong nga baroh ïa kiba ngan sa leh hapdeng jong ka: hadien kata te, un sa pyllait noh ïa phi.

EKSODOS 7:13

Te la pyneh ïa ka dohnud u Pharaoh, bad kumta, um shym shahshkor ïa ki; kumba U Trai u la lah ong.

EKSODOS 7:3

Te ngan pyneh ïa ka dohnud u Pharaoh, bad ngan pynbun ïa ki dak khyllah bad ïa ki jingphylla jong nga ha ka ri Ijipt.

EKSODOS 8:11

Bad kita ki jakoid kin ïaleit noh na me, bad na ki ïing jong me, bad na ki shakri jong me, bad na ki briew jong me; kin long sa tang ha kata ka wah.”

EKSODOS 8:15

Hynrei, mynba u Pharaoh u la ïohi ba la ïohlait, u la pyneh ïa la ka dohnud, bad um shym la shahshkor ïa ki; kumba U Trai u la lah ong.

EKSODOS 8:32

Te u Pharaoh u la pyneh ïa la ka dohnud ha kane ruh, bad um shym la pyllait noh ïa uta u paidbah.

EKSODOS 9:12

Bad U Trai u la pyneh ïa ka dohnud u Pharaoh, bad um shym shahshkor ïa ki, kumba U Trai u la lah kren ha u Moses.

EKSODOS 9:35

Kumta, ïa ka dohnud u Pharaoh la pyneh, bad um shym la pyllait noh ïa ki khun Israel; kumba U Trai u la lah kren ha u Moses.

ISAÏAH 6:10

Pynkhleiñ ïa ka dohnud une u paidlang, bad to pynkhia ïa ki shkor jong ki, bad to pynkhapbrip ïa ki khmat jong ki; ïoh kin ïohi da la ki khmat, bad ïohsngew da la ki shkor, bad sngewthuh da la ka dohnud, bad kin phai pat, bad yn pynkhiah ïa ki.”

ISAÏAH 63:17

Ko Trai, balei me pynbakla ïa ngi na ki lynti jong me, bad me la pyneh ïa ka dohnud jong ngi na kaba sheptieng ïa me? To phai na ka bynta ki shakri jong me, ki jaid ka jingïoh kynti jong me.

ÏOANNIS 12:40

“U la pynmatlah ïa ki khmat jong ki, bad u la pynluin ïa ka dohnud jong ki; ba kin ym ïohi da la ki khmat, lymne sngew-shemphang da la ka dohnud, bad kin ïoh kylla-ka-bamut, bad ngan ïoh pynkhiah ïa ki.”

Ka Shithi U Paul Sha Ki Nong Rom 1:28

Te kat kumba kim shym la treh ban bat ïa U Blei ha ka jingtip jong ki, kumta, U Blei u la iehnoh ïa ki ha ka jingmut bymsuidñiew, ban ïai-leh ïa kita kiei kiei ruh ki bymbit;

Ka Shithi U Paul Sha Ki Nong Rom 9:18

Kumta keiñ, ïa uba u mon, u isynei; bad ïa uba u mon, u pyneh.

2 KORINTH 2:16

ha uwei ka jingiw ka jingïap ïa ka ban ïap, hynrei, ha uta uwei ka jingiw ka jingim ïa ka ban im. Te uei uba bit biang ïa kine kiei kiei ruh?

DEUTERONOMI 2:36

Naduh Aroer, kaba harud ka wah Arnon, bad naduh kata ka nongbah kaba harud kata ka wah, haduh Gilead, ym don kawei ka nongbah kaba la ïohlait na ngi: U Trai uba U Blei jong ngi, u la aiti ïa ki baroh ha ngi:

JOSHUA 11:20

Namar ka la long na U Trai ban pyneh ïa ki dohnud jong ki, ba kin wan ïaleh ïa ki Israel ha ka thma, ba un ïoh pynduh ïa ki khoit, ba kin ym ïoh ka jingisynei, hynrei, ba un pynduh ïa ki, kumba U Trai u la hukum ïa u Moses.

1 PETROS 2:8

bad, “Ïa u maw ka jingjynthut, bad ïa u mawsiang ka jingthut.” Naba ki jynthut haba kim kohnguh ïa ka ktien; sha kaba la buh ruh ïa ki.