EKSODOS 4:18 - KA BAIBL

¹⁸ Te u Moses u la leit phai pat sha u Jethro u kthaw kurim jong u, bad u la ong ha u, “Nga kyrpad ïa me, to shah ba ngan leit wan noh sha ki para jong nga kiba ha ka ri Ijipt, bad khmih la ki dang im ne em.” Te u Jethro u la ong ha u Moses, “To khie leit ha kaba suk.”

Khasi CL Bible (BSI)

¹⁸ Nangta u Moses u leit phai sha u Jethro, u kthaw kurim jong u, bad u ong ha u, “Sngewbha shah ïa nga ban leit phai sha la ki ba-ha-ïing ha-sem ha Ijipt, ban leit khmih la ki dang im ne em.” U Jethro u mynjur bad u la kren khublei ïa u.

EKSODOS 4:18 ပူးပေါင်းရင်းမြစ်များ

JENESIS 45:3

Bad u Joseph u la ong ha la ki hynmen hynbew, “Ma nga, nga long u Joseph; shisha u dang im u kpa jong nga?” Te ki hynmen jong u kim lah phai ktien shuh ïa u; naba ki la kyiuh eh ha khmat jong u.

2 SYIEM 5:10

U Elisha te u la phah u nonglam-ktien ha u, u da ong, “Khie leit sum ha Jordan hynñiew sien, bad ka doh jong me kan wan biang ha me, bad men long khuid.”

2 SYIEM 5:19

Bad u la ong ha u, “To leit ha kaba suk.” Kumta, u la leit noh kham jngai khyndiat na u.

EKSODOS 2:21

Bad u Moses u la sngewbha ban shong duh bad uta u briew: u te u la ai kurim ha u Moses ïa ka Sipporah ka khun jong u.

EKSODOS 3:1

Te u Moses u la dang ap ïa ka kynhun u Jethro u kthaw kurim jong u, uba u lyngdoh ka ri Midian: bad u la ïalam ïa kata ka kynhun sha lyndet ka ri khlaw, bad u la wan sha u lum U Blei, sha Horeb keiñ.

LOUKAS 7:50

Te U la ong ha kata ka briew, “Ka jingngeit jong pha ka la pynim ïa pha; to khie leit ha kaba suk.”

KI KAM 15:36

Te ynda khyndiat sngi, u Paul u la ong ha u Barnabas, “Ïa ngin ïaleit phai pat mynta, ba ngin ïakhmih ïa kita ki parabangeit ha man la ka shnong ha kaba ngi la ïalap ïa ka ktien U Trai, kumno ki ïalong.”

KI KAM 16:36

Uta u nongap byndi te u la ïathuh ïa kine ki ktien ha u Paul, “Ki majistor ki la phah pyllait noh ïa phi: mynta namar kata ale mih noh, bad leit noh ha kaba suk.”

1 TIMOTHI 6:1

Kat kiba long ki shakri hapoh ka lyngkor, to ai ba kin ñiew ïa kita ki kynrad la ki jong hi kiba dei ban ïoh ka burom baroh, ba yn ym krenbeiñ ïa ka kyrteng ka jong U Blei bad ïa kata ka jinghikai.

NONGBISHAR 18:6

Uta u lyngdoh te u la ong ïa ki, “To leit ha kaba suk: ha khmat U Trai long ka lynti jong phi kaba phi ïaid.”

1 SAMUEL 1:17

Te u Eli u la ïathuh, u la ong ruh, “To khie leit ha kaba suk: U Blei ki Israel un ai ruh ïa kata ka jingkyrpad kaba pha la kyrpad na u.”